Luka 18:11 - Библия - Пэ Балтитко Романи чиб (Романэс) 2019

¹¹ Фарисее уштыя́ и мангдя́пэ Дэвлэ́скэ: ‘Дэ́вла, парикира́в Ту́кэ, со мэ на сом адасаво́, сыр яви́р мануша́: розмарибнарья; мануша́, савэ́ кэрэ́на биба́хт явирэ́нгэ; мануша́, савэ́ кэрэ́на биладжаипэ́н; ци сыр кадава́ мытоскиро скэдыибнари.

Biblija - Pe Baltitko Romani čib (Romanes) 2019

¹¹ Farisieje uštyjá i mangdiápe Devléske: ‘Dévla, parikiráv Túke, so me na som adasavó, syr javír manušá: rozmaribnarja; manušá, savé keréna bibáht javirénge; manušá, savé keréna biladžaipén; ci syr kadavá mytoskiro skedyibnari.

Luka 18:11 Referans Kwoze

Матфеё 6:5

Ке́ли ту мангэсапэ, на яв сыр кадалэ́ дуемуитка, савэ́ камэ́на тэ тэрдён пэ вэ́нглы яври́ и дрэ синагоги, соб (кай) лэн тэ дыкхэ́н мануша́. Чачэс, Мэ ракира́ва тумэ́нгэ: ёнэ ужэ дорэснэ́ пэ́скиро отдыибэ́н.

Sykadyipén 3:17

Пал-дова́ со ту ракирэ́са: ‘Мэ сом барвало́ и мэ барвалыём и ма́нгэ на трэй ничы́, нэ ту на джинэ́са, со ту сан бэдо и бибахтало́; чороро́, короро́ и нанго;’

Isajos 65:5

Саво́ ракирэ́ла: ‘Тэрдёв, на джа́ кэ мэ, пал-дова́ со мэ сом свэ́нто ваш ту́кэ.” Ёнэ исын тхув, саво́ трэй Ма́нгэ тэ сунгав, яг, сави́ кажно дывэ́с хачола.

Ереме́ё 2:35

Нэ тумэ́ ишчо (инкэ́) ракирэ́на: ‘Пал-дова́ со амэ на сам бангэ́, Лэ́скири холы́ рисёла ригаса амэ́ндыр!’ Дыкхэ́н жа! Мэ ява́ва тэ лыджав чинга́рд (тэ сэндинавпэ) тумэ́нца, пал-дова́ со тумэ́ пхэндлэ́: ‘Амэ на кэрдя́м грэ́хо.’

Marko 11:25

И ко́ли тумэ́ мангэ́напэ, тэды примангэн сарэ́нгэ, пэ конэ́стэ рикирэ́на холы́, соб (кай) и тумэ́нгэ тумаро́ Дад, Саво́ исын дро Болыбна́скиро Раё, тэ отмэкэ́л тумарэ́ грэ́хи.”

Galatenge 3:10

А сарэ́, кон розгинэла пэ Законо́скирэ бутя́, исын прокошнэ, пал-дова́ со исын чхиндло́: “Кажно ману́ш, кон на рикирлапэ сарэскэ, соб (кай) саро́ тэ кэрэ́л, со исын чхиндло́ дрэ Свэнтонэ́-Чхиныбнаскири лылвари́, соб (кай) тэ явэ́л прокошно́!”

Luka 20:47

савэ́ обхана пивленгирэ кхэра́ и мангэ́напэ Дэвлэ́скэ ґара́ (длу́гэс), соб (кай) лэн тэ дыкхэ́н. Адасавэн манушэ́н ужакирэ́ла пхаро́ сэндякирибэн.”

Mihiejo 3:11

лэ́нгирэ шэралэ́ сэндинэна пал почасту́нки (подарки), лэ́нгирэ рашая́ сыклякирэ́на пал плэскирибэн (покиныбэн), и лэ́нгирэ проро́ки сыклякирэ́на пал ловэ́, на дыкхи́ пэ дова́, со ёнэ рикирэнапэ Ра́скэ-Дэвлэ́скэ и пхэнэ́на ёнэ: “Ци нанэ Рай Дэвэ́л машки́р амэ́ндэ? На явэ́ла биба́хт (би́да) амэ́нгэ.”

Езэкилё 33:31

Ёнэ явэ́на кэ ту сыр пэ манушэ́нгири скэдыны (сходка): бэшэна анги́л тыро́ муй, Миро народо, шунэ́на Тырэ́ дава́, нэ ёнэ на дживэ́на пир лэ́ндэ. Ёнэ сы́рбы кхэлэнапэ лэ́нца дрэ пэ́скирэ ушта́; лэ́нгиро ило́ тырдэлпэ пал барвалыпэ́н.

Ереме́ё 2:28

Нэ кай исын тумарэ́ дэвлорэ́, со тумэ́ кэрдэ́ ваш пэ́скэ? Мэк ёнэ тэ уштэ́н, и мэк ёнэ тэ зракхэн тумэн, сыр исын пхаро́ тумэ́нгэ! Пал-дова́ со ту́тэ, Юдэ́я, исын ада́кицы дэвлорэ́, кицы́ исын фо́рья!

Isajos 58:2

Ёнэ родэ́на Ман кажно дывэ́с, ёнэ камэ́на тэ джинэ́н Мирэ́ дрома́ сы́рбы народо, саво́ кэрэ́ла пир чачипэ́н, саво́ на ячкирэ́ла Пэ́скирэ Дэвлэ́скирэ упхэныбэна́; ёнэ пхучэна Ма́ндыр пал чачунэ́ сэнды, ёнэ камэ́на тэ явэ́н пашылэды́р кэ Дэвэ́л.

Psalmy 135:2

савэ́ исын тэрдэ́ дро Ра́скирэ-Дэвлэ́скиро Кхэр дрэ грэды (дворы) кэ амарэ́ Дэвлэ́скиро Кхэр.

Psalmy 134:1

Гилы́ анги́л Кхангири́. Тумэ́ вышарэн Рас-Дэвлэ́с, сарэ́ Ра́скирэ-Дэвлэ́скирэ писха́рья, савэ́ исын тэрдэ́ раты́ дрэ Ра́скирэ-Дэвлэ́скиро Кхэр (Кхангири́).

Filipiicenge 3:6

мэ со́мас баро́ вэ́рго и хачкирдэ́ илэ́са традыём Христососкири Кхангири́ и пир Законоскиро чачипэ́н мэ сом бидошакиро;

Isajos 1:15

И ко́ли тумэ́ протырдэна тумарэ́ васта́ тэ мангэ́нпэ, Мэ закэрава тумэ́ндыр Мирэ́ якха́; ко́ли тумэ́ мангэ́напэ, Мэ на шунава: тумарэ́ васта́ исын пхэрдэ́ дро рат.

Pritčy 20:6

Бут исын мануша́, савэ́ роспхэнэна сарэ́нгэ пал лэ́нгиро лачхипэ́н, нэ кон латхэ́ла патяибнытконэ манушэ́с?

Pritčy 30:12

Исын ро́до, саво́ исын жужо́ анги́л пэ́скирэ якха́, нэ ёв исын на мордо пэ́скирэ мэлятыр.

Матфеё 5:20

Палдова́ Мэ ракира́ва тумэ́нгэ: ко́ли чачипэ́н тумаро́ нанэ бутэды́р сыр лылваритконэнгиро (книжникэ́нгиро) и Фарисеенгиро чачипэ́н, тумэ́ никели на заджа́на дро Кралипэ́н дро Болыбна́скиро Раё.

Матфеё 10:3

Филипо и Варфаламеё; Тамашо и Матфеё, мытоскиро скэдыибнари, Алфеёскиро Яково и Фадеё,

Luka 22:41

И Ёв отгия́ лэ́ндыр пэ ада́кицы, пэ кицы́ дочхурдэса бар, и тэрдия́ пэ чанга́, и мангдя́пэ Дэвлэ́скэ дасавэ́ лавэ́нца: