Luka 16:9 - Библия - Пэ Балтитко Романи чиб (Романэс) 2019

⁹ И Мэ пхэна́ва тумэ́нгэ: малынэнпэ барвалыпнаса далэ́ свэто́стыр, саво́ могинэ́ла тэ явэ́л биба́хт адя́кэ, сыр исын лачхо́ Дэвлэ́скэ, соб (кай), ке́ли дава́ барвалыпэ́н кончынэлапэ, тумэ́ тэ явэ́н прилынэ́ дро ве́чно кхэр.’”

Biblija - Pe Baltitko Romani čib (Romanes) 2019

⁹ I Me phenáva tuménge: malynenpe barvalypnasa dalé svetóstyr, savó moginéla te javél bibáht adiáke, syr isyn lačhó Devléske, sob (kaj), kiéli davá barvalypén končynelape, tumé te javén prilyné dro viéčno kher.’”

Luka 16:9 Referans Kwoze

Матфеё 19:21

Ису́со пхэндя́ лэ́скэ: “Ко́ли ту́кэ исын пир ило́ тэ явэс бидошакиро, джа́, бикин саро́, со исын ту́тэ, и роздэ богэнгэ, соб (кай) тэ явэ́л ту́тэ кучипэ́н дро Болыбна́скиро Раё; яв’ и джа́ Ма́нца.”

Матфеё 6:24

Нико́н на могинэ́ла тэ дынаринэ́л дуе рангэ, ци екхэ́скэ явэ́ла тэ сыкавэ́л паты́в, нэ яви́р явэ́ла на пир ило́; ци явэ́ла чачуно́ кэ екх, а кэ яви́р явэ́ла на пир ило́. Тумэ́нгэ нашты́ тэ дынаринэ́н (тэ служынэн) Дэвлэ́скэ и барвалыпнаскэ.

Дание́лё 4:27

[30] о кра́ли пхэндя́: “Хачи, нанэ ци дава́ рангиро Вавило́но, саво́ мэ чхудём сыр кхэр крали́скиро мирэ́ зорья́са кэ барипэ́н и ваш паты́в мирэ́ райканыпнаскири!”

Luka 16:11

И ко́ли тумэ́ на са́нас чачунэ́ дро далэ́ свэтоскиро барвалыпэ́н, кон тумэ́нгэ допатяла Болыбна́скиро чачуно́ барвалыпэ́н?

Pritčy 19:17

Кон исын лачхэ́-дескиро кэ чорорэ́, кодова́ сы́рбы дэ́ла дро длуго (покэрэла) Ра́скэ-Дэвлэ́скэ, Ёв плэскирэла палэ одолэ́скэ, кон дыя́.

Luka 14:14

и ту явэ́са бахтякирдо́: пал-дова́ со лэ́ндэ нанэ со́са тэ отплэскирэн палэ ту́кэ; а ту́кэ, явэ́ла отплэскирдо палэ, ке́ли чачунэ́ мануша́ отджидёна мэрибна́стыр.

Luka 12:33

Бикнэн, со тумэ́ндэ исын и роздэн ловэ́ богэнгэ; кэрэ́н пэ́скэ муе́нгирэ (кошэльки), савэ́ на ячэ́на пхуранэ́, кэдэн пэ́скэ кучипэ́н, саво́ на тыкнёла дро Болыбна́скиро Раё, карик чор на подганавэлапэ, и моль (мэль) на хасякирэ́ла.

Luka 11:41

Нэ тумэ́ фэды́р отдэ́н дыибэ́н илэ́стыр долэ́стыр, со тумэ́ндэ исын дрэ тахтая́, и тумэ́ явэ́на жужэ́.

2 Коринфянэнгэ 4:17

Пал-дова́ со амарэ́ кро́тка и локхэ́ пиридживибэна янэ́на бут-бут барэды́р ве́чно сла́ва,

Luka 16:13

Ние́кх дына́ри (слуга) на могинэ́ла тэ дынарьел дуе рангэ, ци екхэ́с тэ явэ́ла тэ на камэл, нэ явирэ́с тэ камэл, ци явэ́ла чачуно́ кэ екх, а пэ явирэ́стэ явэ́ла тэ дыкхэ́л вучипна́стыр. Тумэ́нгэ нашты́ тэ дынаринэ́н Дэвлэ́скэ и барвалыпнаскэ.”

Apostolengiri Butý 10:31

и пхэндя́: “Корни́лие! Дэвэ́л шундя́ тыро́ мангипэ́н и дова́, со ту дэ́са васт чорорэ́ манушэ́нгэ.

Матфеё 6:19

На кэдэн пэ́скэ кучипэна пэ пхув, кай моль и оржа хасякирэна, и чора подґанавэнапэ и чорэна;

Juda 1:21

ракхэ́н пэс дро Дэвлэ́скири ла́ска, ужакирэн амарэ́ Ра́скиро – Дэвлэ́скиро тангипэ́н тэ дэл тумэ́нгэ ве́чно джиибэ́н.

Apostolengiri Butý 10:4

Ёв дыкхця сы́гэс пэ лэ́стэ и пиристрахадыи, пхуця́: “Раё Дэ́вла?” Янго́ло отпхэндя́ лэ́скэ: “Тыро́ мангипэ́н и дова́, со ту дэ́са васт чорорэ́ манушэ́нгэ, явнэ́ Дэвлэ́скэ пэ рипирибэ́н.

Ekliesiastos 11:1

Дэ тыро́ маро́ бутэ́ манушэ́нгэ, пал-дова́ со ту дорэсэса да́ры палэ бут дывэса́.

Pritčy 23:5

ке́ли ту рискирэса пэ́скирэ якха́ пэ дава́ – и акана́ нанэ лэс? Пал-дова́ со барвалыпэ́н кэрэ́ла пхака́ пэ́скэ и сыр о́рло (ки́до) вурняла криг кэ болыбэ́н.

Isajos 57:16

Пал-дова́ со на саро́ часо Мэ ява́ва тэ сэндякирав и тэ холясовав, соб (кай) тэ на хасёл анги́л Ма́ндэ кажно ду́хо (фа́но) и кажно пхурдыпэн, саво́ Мэ создыём.

Psalmy 73:26

Мири́ лоч и миро ило́ хасёна со дывэ́с: нэ миро Дэвэ́л исын ска́ла мирэ́ илэскэ и Ту сан саро́, со ма́ндэ исын.

Luka 16:4

Мэ джино́м (джина́в), со мэ ява́ва тэ кэра́в; соб (кай) мануша́ тэ прилэ́н ман дрэ пэ́скирэ кхэра́, ке́ли ман злэна бутя́тыр пир кхэри́тко миштыпэ́н.’

Pritčy 14:24

Годэ́ мануша́ дорэсэ́на барвалыпэ́н сыр коро́на, нэ дылынинько фэ́ни пэ́скиро дылныпэ́н.