Luka 16:7 - Библия - Пэ Балтитко Романи чиб (Романэс) 2019

⁷ Тэ́ньци ёв пхуця́ явирэстыр: ‘А кицы́ ту сан вужло мирэ́ ра́скэ?’ И ёв отпхэндя́: ‘Шэл гонэ́ (меры) парно́ гив.’ И кхэрэ́скиро барыдыро́ пхэндя́ лэ́скэ: ‘Лэ тыро́ росчхиныбнытко и чхин охтодэша́’.

Biblija - Pe Baltitko Romani čib (Romanes) 2019

⁷ Tén'ci jov phuciá javirestyr: ‘A kicý tu san vužlo miré ráske?’ I jov otphendiá: ‘Šel goné (miery) parnó giv.’ I kheréskiro barydyró phendiá léske: ‘Le tyró rosčhinybnytko i čhin ohtodešá’.

Luka 16:7 Referans Kwoze

Luka 20:12

И нэвэ́стыр ёв бичхадя́ тритонэ писхари́с; нэ ёнэ домардэ́ лэс кэ рат, и традынэ яври́ лэс.

Luka 20:9

И Ису́со лыя́ тэ ракирэ́л манушэ́нгэ дасаво приме́ро (сыкаибэ́н): “Екх ману́ш чхудя́ винагра́днико и дыя́ лэс дро наймо винаградарьенгэ, и кокоро́ традыя́ пэ баро́ часо.

Матфеё 18:28

Нэ адова писха́ри, сыр гия́ одотхы́р, латхя́ екхэ пэ́скирэ малэс пир буты́, саво́ сыс вужло лэ́скэ шэл динарии. И ухтылдя лэс и лыя́ тэ тасавэл лэс, ракири́: ‘Заплэскир саро́, со ту сан вужло.’

Luka 2:37

Далэ́ пивлякэ (удовакэ) сыс охтодэша́ штар бэрш; ёй на джа́лас Кхангирья́тыр и дынариндя́ Дэвлэ́скэ постоса и мангипнаса Дэвлэ́скэ.

Luka 16:6

И одова́ отпхэндя́: ‘Шэл цэбры (меры) дзэт’ (елеё). И кхэрэ́скиро барыдыро́ пхэндя́ Лэ́скэ: ‘Лэ тыро́ росчхиныбнытко, бэш сы́гэс и чхин пандждэша́’.

Luka 16:8

И шардя ж рай пэ́скирэ начачунэ кхэрэ́скирэ барыдырэ́с, со ёв адя́кэ годьварэс кэрдя́. Пал-дава́ со мануша́, савэ́нгэ исын дро́го екх дава́ свэ́то, исын годэдыр манушэ́ндыр, савэ́нгэ исын дро́го духовно (фаноскиро) свэ́то.