Luka 16:3 - Библия - Пэ Балтитко Романи чиб (Романэс) 2019

³ Нэ кхэрэ́скиро барыдыро́ пхэндя́ пэ́скэ: ‘Со ма́нгэ тэ кэра́в, ке́ли Миро рай отлэла ма́ндыр буты́ пир кхэри́тко миштыпэ́н? Мэ на могина́ва тэ ґанавав, ладжава тэ мангав.

Biblija - Pe Baltitko Romani čib (Romanes) 2019

³ Ne kheréskiro barydyró phendiá péske: ‘So mánge te keráv, kiéli Miro raj otlela mándyr butý pir kherítko mištypén? Me na mogináva te ĥanavav, ladžava te mangav.

Luka 16:3 Referans Kwoze

2 Фесалоникийцэнгэ 3:11

Нэ амэ шунаса, со вари-савэ́ мануша́ машки́р тумэ́ндэ дживэ́на биладжаипныткэс дро бу́нто проти Дэвлэ́стэ: ёнэ на кэрэ́на нисави́ буты́, а екх со дыкхэ́на, со яви́р мануша́ кэрэ́на.

Apostolengiri Butý 3:2

и сыс одо́й екх ману́ш, саво́ сыс лангало бияныпнастыр, савэ́с со дывэ́с янэ́нас и чхувэ́нас тэ бэшэ́л пашы́л Кхангирья́кири по́рта, сави́ кхарэ́на Лолы, соб (кай) ёв тэ мангэ́л дыибэ́н манушэ́ндыр, савэ́ заджанас дрэ Кхангири́;

Joannostir 9:8

Лэ́скирэ пашатунэ́ и яви́р мануша́, савэ́ дыкхнэ́, со ёв англэды́р сыс короро́ бэшто́ и мангдя́ дыибэ́н, пхэндлэ́: “Ци да исын на одова́ ману́ш, саво́ сыс бэшто́ и мангдя́ дыибэ́н?”

Luka 18:4

Нэ сэнда́ри ґара́ (длу́гэс) на кэрдя́ нисо́, нэ коригэды́р (позжэды́р) пхэндя́ пэ́скэ: ‘Мэк мэ и на дарава Дэвлэ́стыр и на кутякирава манушэ́н,

Luka 16:22

И сыс адя́кэ: ке́ли мыя́ бо́го Лазарё, тэды Янго́лы залыджинэ лэс тэ явэ́л пашы́л Авраамостэ.

Luka 16:20

И сыс екх чороро́ ману́ш, пир лав Лазарё, кон сыс пашто́ пашы́л барвалэскири по́рта и лэ́скирэ маса́ сыс дрэ фра́нсы,

Luka 12:17

и ёв думинэлас пэ́скэ: ‘Со тэ кэра́в ма́нгэ? Ма́ндэ исын на́бут штэ́то, соб (кай) тэ чхував миро гив.’

Marko 10:46

И ёнэ явнэ́ дро Ерихо́но. Ке́ли Ису́со выджа́лас Ерихоностыр Пэ́скирэ сыкляибнытконэ́нца и бутэ́ манушэ́нца, короро́ бо́го Вартимеё, Тимеёскиро чхаво́, сыс бэшто́ пашы́л дром.

Osija 9:5

Со явэ́на тумэ́ тэ кэрэ́н дро дывэ́с, ке́ли трэй тэ явэ́л скэдыибэ́н, дро дывэ́с свэнкитко Ра́скирэ-Дэвлэ́скиро?

Ереме́ё 5:31

проро́ки ангилпхэнэна хохаибэ́н, рашая́ хулаинэна лэ́нгирэ лавэ́нца, и Мирэ́ мануша́ камэ́на дава́. Нэ со ёнэ явэ́на тэ кэрэ́н дро ко́нцо (дро яго́ро)?”

Isajos 10:3

Со тумэ́ явэ́на тэ кэрэ́н дро дывэ́с, саво́ явэ́ла, ко́ли явэ́ла дура́л тумаро́ хасибэ́н? Кэ кон подджана тумэ́ тэ подэн васт, кай ячкирэна тумаро́ барвалыпэ́н?

Pritčy 29:21

Кон бучынэла (пестинэла) пэ́скирэ дынари́с тыкнал, тэ́ньчи кадасаво́ писха́ри закамэ́ла тэ лыджа́л пэс сыр чхаво́.

Pritčy 20:4

Кирнэ-масэ́нгиро ману́ш на пхаравэла (на пашынэла) пхув иванта(тэс)киро (зимакиро), ёв явэ́ла тэ мангэ́л, ке́ли явэ́ла счхиныбэн и нанэ нисо́ лэ́стэ.

Pritčy 19:15

Набутякирибэн (кирнэ-масэнгирипэн) лыджа́ла манушэ́с дро хор соибэн, и биталанытко ману́ш явэ́ла тэ страдынэл бокха́тыр.

Pritčy 18:9

Кон исын набутитко пэ пэ́скири буты́, кодова́ исын пшал кодолэ́скэ, саво́ исын хасякирибнаскиро.

Pritčy 15:19

Кирнэ-масэ́нгиро дром исын сыр тыно пхусадытконэ (тернытконэ) хрустэндыр, нэ дэвлытконэнгиро дром исын маму́й (пря́мо).

Pritčy 13:4

Кирнэ-масэ́нгиро ману́ш тырдэлапэ тэ хал, нэ нисо́ на дорэсэ́ла, нэ добусовэнгиро (старательно) ди явэ́ла барвало́.

Ester 6:6

И загия́ Ама́но. И пхэндя́ лэ́скэ кра́ли: “Со трэй тэ кэрэ́н одолэ́ манушэ́скэ, савэ́с кра́ли древа́н камэ́ла тэ патывакирэс слава́са?” Ама́но подуминдя дрэ пэ́скиро ило́: “Конэ́скэ ж явирэскэ закамэ́ла кра́ли тэ кэрэ́л сла́ва, апри́ч ма́ндэ?”

Apostolengiri Butý 9:6

“Ушты́ и джа́ дро фо́ро, и явэ́ла пхэндло́ ту́кэ, со трэй тэ кэрэ́с.”

Матфеё 20:8

Сыр явдя́ бэльвэ́ль, раки́рла фэлатинякиро хула́й пэ́скирэ барыдырэ́скэ пэ винагра́днико: ‘Кхар бутярнэн и плэскир лэ́нгэ, лэ кодолэ́н, савэ́ явнэ́ палатунэ́ и кэ долэ́, савэ́ явнэ́ пэ́рва.’

Luka 16:2

И адава́ барвало́ ману́ш выкхардя лэс и пхэндя́: ‘Со да мэ шунава пал ту́тэ? Подэ ма́нгэ розгиныбнытко папиря, сыр ту хулаиндян мирэ́ миштыпнаса, пал-дова́ со буты́р ту́кэ нашты́ тэ ячэспэ кхэрэ́скирэ барыдырэ́са.’

Luka 16:4

Мэ джино́м (джина́в), со мэ ява́ва тэ кэра́в; соб (кай) мануша́ тэ прилэ́н ман дрэ пэ́скирэ кхэра́, ке́ли ман злэна бутя́тыр пир кхэри́тко миштыпэ́н.’