Luka 16:23 - Библия - Пэ Балтитко Романи чиб (Романэс) 2019

²³ И барвало́ ману́ш адя́кэ-паць мыя́ и гарадэ́ лэс. И ёв мэнчындяпэ древа́н дро лю́но (адо) и, ке́ли ёв ґаздыя́ якха́, тэды дыкхця́ дура́л Аврамос и Лазарёс, саво́ сыс пашы́л Лэ́стэ.

Biblija - Pe Baltitko Romani čib (Romanes) 2019

²³ I barvaló manúš adiáke-pac' myjá i garadé les. I jov menčyndiape drieván dro liúno (ado) i, kiéli jov ĥazdyjá jakhá, tedy dykhciá durál Avramos i Lazarjos, savó sys pašýl Léste.

Luka 16:23 Referans Kwoze

2 Petr 2:4

Пал-дова́ со ко́ли Дэвэ́л на потангиндя Янголэн, савэ́ кэрдэ́ грэ́хи, а отдыя́ лэн дро лю́но (адо), и бэшлякирдя лэн састырэнца дро цямлыпэ́н, кай ёнэ ужакирэ́на сэндоскиро дывэ́с;

Luka 16:28

одо́й ма́ндэ пандж пша́ла, а ёв тэ патякирэл лэн тэ на явэ́н пэ дава́ штэ́то тэ мэнчынэнпэ.’

Матфеё 23:33

Тумэ́ сан сапа, ро́до сапитко, сыр тумэ́нгэ тэ нашэ́н сэндостыр дро лю́но (адо)?

Матфеё 18:9

И ко́ли тыри́ якх злыджала тут, куш яври́ ла и чхурдэ пэ́стыр: фэды́р ту́кэ екхэ якхаса тэ заджас дро джиибэ́н ве́чно, сыр дуе якхэ́нца тэ явэс чхурдыно́ дрэ ве́чно яг.

Psalmy 9:17

Рай Дэвэ́л сыкадя́ Пэс, Кон Ёв исын, ке́ли Ёв лыджия́ сэндытка рэ́нды чачипна́са; фуй мануша́ хасёна далэ́стыр, со ёнэ кэрдэ́ пэ́скирэ вастэ́нца. Штыл (тихо) мелодия. Сэ́ла.

Sykadyipén 20:10

И на́лачхо, кон хохадя лэн, сыс чхурдыно́ дро зеро (озеро) яга́са и дзэвэля́са (сераса), кай сыс адя́кэ-паць рискирибна́скиро мурда́л и хоханэ́ проро́ки. И ёнэ явэ́на тэ мэнчынэнпэ раты́ и дывэсэ́ пэ сарэ́ ве́ки.

Luka 8:28

Ке́ли ёв дыкхця́ Исусо́с, задыя го́дла, пыя́ анги́л Лэ́стэ и пхэндя́ зоралэ́ заня́са: “Со Ту камэ́са ма́ндыр, Ису́се, Най Вучэдырэскирэ-Дэвлэ́скиро Чхаво́! Манга́ва древа́н Тут, на мэнчын ман.”

Матфеё 5:29

Ко́ли ж чачи́ якх злыджала тут кэ грэ́хо, ри́скир ла яври́ и вычхурдэ; пал-дова́ со фэды́р ваш ту́кэ тэ нашавэс екх якх, сыр саро́ тэ джал дро лю́но (адо).

Матфеё 5:22

Нэ Мэ ракира́ва тумэ́нгэ: ‘Кажно, кон холясо́ла пэ пэ́скирэ пшалэ́стэ ни палсо́, джа́ла тэл сэ́ндо. Кон жа пхэнэ́ла пэ́скирэ пшалэ́скэ ‘дылыно́’, явэ́ла дрэ дар Синедрионостыр. И кон пхэнэ́ла ‘бигодякиро’, явэ́ла дрэ дар, со джа́ла дро лю́но (адо) яга́са.

Isajos 14:15

Нэ ту сан чхурдыно́ дро лю́но (адо), дро лэ́скиро хорипэ́н.

Isajos 14:9

Лю́но (адо), саво́ исын тэла́л, ґаздыя́пэ ваш ту́кэ, соб (кай) ёнэ тэ дыкхэ́с тут, ке́ли ту заджаса; джангадя ваш ту́кэ Рефаимэн, сарэ́н пхувитконэн ран, ґаздыя́ сарэ́н Наюдытконэ́-нацыенгирэ кралье́н тхагаритконэ штэтэ́ндыр.

1 Коринфянэнгэ 15:55

Кай исын тыри́ дукх, мэрибэ́н? Мэрибэ́н, кай исын тыри́ збердыма?

Матфеё 11:23

И ту, Капернаумо, кэ болыбэ́н ґаздэсапэ? Дро лю́но (адо) ту явэ́са чхурдыно́ тэлэ́: пал-дова́ со, ко́ли дасавэ́ ди́вы тэ явэ́н кэрдэ́ дро Содо́мо, сыр дрэ ту́тэ, ёв ячэласпэ кэ ададывэ́с.

Матфеё 8:29

И, акэ, ёнэ дэ́нас го́дла, ракири́: “Со Ту́кэ трэй амэ́ндыр, Чхаво́ Дэвлэ́скиро? Явдян Ту адари́к анги́л упхэндло́ мардо́ (шту́нда) тэ мэньчынэс амэн?”

Pritčy 15:24

Годэ́-манушэ́скиро дром дро джиибэ́н джа́ла упрэ́, соб (кай) ёв тэ рисёл криг люностыр (адостыр), со исын тэлэ́.

Pritčy 9:18

Нэ кадалэ́ мануша́ на джинэ́на, со мынэ́ мануша́, кон гия́ кэ ёй, со ла́кирэ гости исын хор паштэ́ дро лю́но (адо).

Pritčy 7:27

Ла́киро кхэр лыджа́ла кэ лю́но (адо), лэ́стыр джа́на тэлэ́ кэ мэрибнаскирэ штэ́ты.

Pritčy 5:5

Ла́кирэ пирэ́ (сто́пы) лыджа́на кэ мэрибэ́н, ёй штавэла анги́л кэ лю́но (адо).

Psalmy 86:13

Пал-дова́ со Тыри́ лачхэ́-илы́ткима исын бари кэ вучипэ́н и Ту вытырдыян миро ди самонэ тэлатунэ́ люностыр (адостыр).

Psalmy 49:15

Сыр бакрэ́н лэн выкэдэна ваш лю́но (адо), мэрибэ́н явэ́ла тэ чаравэл лэн, чачипнаскирэ мануша́ явэ́на тэ рикирэ́н лофо (верхо) пэ лэ́ндэ злокостыр и лэ́нгиро маса́ явэ́на тэ кирнён; маґила явэ́ла лэ́нгиро штэ́то.

Psalmy 16:10

Далэскэ, со Ту зракхэ́са ман люностыр (адостыр), Ту на дэ́са патяибнытконэ дынари́скэ тэ кирнёл дрэ маґила.

Luka 16:24

И ёв дыя́ го́дла зоралэ́с: ‘Да́до, Аврааме, потангинэ ман и бичха́в Лазарёс, соб (кай) ёв тэ киндякирэл ангу́шт дро пани́ и тэ киндякирэл мири́ чиб, со мэ адя́кэ мэнчынавапэ дрэ дая́ хачкирды яг’.