Luka 16:11 - Библия - Пэ Балтитко Романи чиб (Романэс) 2019

¹¹ И ко́ли тумэ́ на са́нас чачунэ́ дро далэ́ свэтоскиро барвалыпэ́н, кон тумэ́нгэ допатяла Болыбна́скиро чачуно́ барвалыпэ́н?

Biblija - Pe Baltitko Romani čib (Romanes) 2019

¹¹ I kóli tumé na sánas čačuné dro dalé svetoskiro barvalypén, kon tuménge dopatiala Bolybnáskiro čačunó barvalypén?

Luka 16:11 Referans Kwoze

Luka 12:33

Бикнэн, со тумэ́ндэ исын и роздэн ловэ́ богэнгэ; кэрэ́н пэ́скэ муе́нгирэ (кошэльки), савэ́ на ячэ́на пхуранэ́, кэдэн пэ́скэ кучипэ́н, саво́ на тыкнёла дро Болыбна́скиро Раё, карик чор на подганавэлапэ, и моль (мэль) на хасякирэ́ла.

Jakov 2:5

Шунэ́н, мирэ́ дро́га пшала́лэ: Ци на выкэдыя́ Дэвэ́л одолэ́ манушэ́н, савэ́ исын чорорэ́ дро дава́ свэ́то тэ кэрэ́л барвалэнца лэн дро патяибэ́н и кралипнаскирэ чхавэ́нца, пал саво́ Ёв дыя́ лав сарэ́ манушэ́нгэ, конэ́скэ дро́го исын Ёв?

Эфесянэнгэ 3:8

Ма́нгэ, кон исын най тыкнэды́р сарэ́ дэвлытконэндыр, сыс дыно́ дава́ бахтякирибэ́н тэ роспхэнав Наюдэ́нгэ пал Христосо́скиро барвалыпэ́н, саво́ ние́кхвар на хасёла.

Luka 18:22

И ке́ли Ису́со шундя́ дава́, Ёв пхэндя́: “Екх ту́кэ на ухты́лла (на́доси): джа́, розбикин саро́ пэ́скиро барвалыпэ́н, и роздэ ловэ́ богэнгэ, тэды ту́тэ явэ́ла кучипэ́н пэ болыбэ́н; тэ́ньчи яв, джа́ пал Ма́ндэ.”

Luka 16:9

И Мэ пхэна́ва тумэ́нгэ: малынэнпэ барвалыпнаса далэ́ свэто́стыр, саво́ могинэ́ла тэ явэ́л биба́хт адя́кэ, сыр исын лачхо́ Дэвлэ́скэ, соб (кай), ке́ли дава́ барвалыпэ́н кончынэлапэ, тумэ́ тэ явэ́н прилынэ́ дро ве́чно кхэр.’”

Sykadyipén 3:18

палдава́ мэ подпхэнава ту́кэ тэ кинэс сувнака́й Ма́ндыр, саво́ сыс пробиндло яга́са. Кин адя́кэ-паць парны и́дя тэ урьеспэ, соб (кай) тэ сыкавэс ладж пэ́скирэ нангипнаскири; и помакх пэ́скирэ якха́ якхитконэ макхлуняса (мазяса), соб (кай) тэ дыкхэ́с.

Матфеё 6:24

Нико́н на могинэ́ла тэ дынаринэ́л дуе рангэ, ци екхэ́скэ явэ́ла тэ сыкавэ́л паты́в, нэ яви́р явэ́ла на пир ило́; ци явэ́ла чачуно́ кэ екх, а кэ яви́р явэ́ла на пир ило́. Тумэ́нгэ нашты́ тэ дынаринэ́н (тэ служынэн) Дэвлэ́скэ и барвалыпнаскэ.

Luka 16:12

И ко́ли тумэ́ на са́нас чачунэ́ дро чу́жо барвалыпэ́н, кон тумэ́нгэ дэ́ла пэ́скиро миштыпэ́н?