Luka 15:13 - Библия - Пэ Балтитко Романи чиб (Романэс) 2019

¹³ Сыг пало́ саро́ дава́, тырнэдыр чхаво́ скэдыя́ саро́ и гия́ пэ дуратуны пхув и одо́й ёв розмэкця пэ́скирэ ловэ́ дро розмэкно джиибэ́н.

Biblija - Pe Baltitko Romani čib (Romanes) 2019

¹³ Syg paló saró davá, tyrnedyr čhavó skedyjá saró i gijá pe duratuny phuv i odój jov rozmekcia péskire lové dro rozmekno džiibén.

Luka 15:13 Referans Kwoze

Ереме́ё 2:5

Адя́кэ ракирэ́ла Рай Дэвэ́л: ‘Саво́ чорипэ́н тумарэ́ дада́ латхнэ́ дрэ Ма́ндэ, со ёнэ дуринэ Ма́ндыр, со ёнэ гинэ́ пал хартытка и́долы, и со ёнэ кокорэ́ ячнэ́ хартытка (суетна)?

Pritčy 29:3

Конэ́скэ трэй годыпэ́н, кодолэскиро дад, радынэ́лапэ, нэ кон исын дро́го мал налачхэ́ джувленгэ, кодова́ нашавэла пэ́скиро миштыпэ́н.

Pritčy 21:17

Кон камэ́ла локхо джиибэ́н, кодова́ явэ́ла чороро́ ману́ш; конэ́скэ исын пир ило́ мол и оливи́тко дзэт (елеё), кодова́ на явэ́ла барвало́.

Pritčy 28:7

Кон рикирэ́лапэ кэ Зако́но, кодова́ исын годьваро́ чхаво́, нэ кон исын чхучэ́-шэрэскиро ману́ш, одова́ ладжакирэла пэ́скирэ дадэ́с.

Luka 16:19

“Гада, сыс екх барвало́ ману́ш и ёв урьеласпэ дрэ порфиритко и най фэдыдыр и́дя, хая и пия со фэдэды́р со дывэ́с.

Luka 16:1

И пхэндя́ Ису́со ж и Пэ́скирэ сыкляибнытконэ́нгэ: “Сыс екх барвало́ ману́ш, конэ́стэ сыс кхэрэ́скиро барыдыро́, савэ́с мануша́ бангякирэнас хула́скэ, со ёв розмэкэлас хуласкиро миштыпэ́н.

Luka 15:30

а кадава́ тыро́ чхаво́ какана́ явдя́, ке́ли розмэкця саро́ пэ́скиро миштыпэ́н налачхэ́ джувле́нца; нэ ту ж зачхиндя́ тхулэ целянтос ваш лэ́скэ’.

Mihiejo 6:3

О Рай Дэвэ́л ракирэ́ла: “О Мирэ́ мануша́лэ! Со Мэ кэрдём тумэ́нгэ? И сыр дава́ сыс, со сы́рбы Мэ мэнчындём тумэн? Досыкавэн [отпхэнэн-р.с.] Ма́нгэ.

Ереме́ё 2:31

О, Израилёскиро ро́до! Шунэ́н мирэ́ лава́ Ра́стыр-Дэвлэ́стыр! Ци со́мас Мэ сы́рбы пэ чхучи́ пхув Израилёскэ? Ци сы́рбы калы (тёмно) пхув? Со́скэ тэды Мирэ́ мануша́ ракирэ́на: ‘Амэ кокорэ́ сам рая пэ́скэ! Амэ буты́р на ява́са кэ Ту!’

Ереме́ё 2:13

Пал-дова́ со мирэ́ мануша́ кэрдэ́ чорипэ́н дуй мо́лы: ёнэ ячкирдэ́ Ман, Кон исын джидэ́-панескири ґанингори и ёнэ выганадэ пэ́скэ вэндариня (сажалки), пхагирдэ́ лэн, со на могинэ́на тэ рикирэ́н пани́.

Isajos 56:12

Ёнэ ракирэ́на: “Явэ́н, мэ дорэсава мол (вино); амэ бравинта выпьяса кэ кирло, атася́ явэ́ла дова́, со и ададывэ́с; и ишчо (инкэ́) буты́р явэ́ла.”

Isajos 30:11

Зджан дромэ́стыр, уджан дромэ́стыр, залэн амарэ́ якхэ́ндыр Свэнтонэ́-Израилёскирэ Дэвлэ́с.”

Isajos 22:13

Нэ, акэ, исын ра́дыма (лош) и сабэн! Замарэ́н гурувэ́н, чхинэн бакрэ́н, хан мас и пьен мол (вино): “Ла́са тэ хас и тэ пьяс, пал-дова́, со атася́ мэраса!”

Isajos 1:4

Ай, грэхи́тка мануша́лэ, народо, саво́ исын пхэрдо́ пэ́скирэ грэхэ́нца, на́лачхо ро́до, хасибны́тка чхавэ́! Тумэ́ ячкирдэ́ Рас-Дэвлэ́с, чхурдынэ́ свэнтонэ́ Израилёскирэ Дэвлэ́с, рисинэ́ палэ.

Pritčy 27:8

Сыр чириклы, сави́ лодэла пэ́скирэ гнязда́тыр (куфо́стыр), адя́кэ-паць исын и ману́ш, саво́ лодэла пэ́скирэ штэто́стыр.

Pritčy 21:20

Кай дживэ́ла годо́ ману́ш, одо́й исын кучипэ́н и оливи́тко дзэт, нэ дылыно́ розмэкэла лэн.

Pritčy 18:9

Кон исын набутитко пэ пэ́скири буты́, кодова́ исын пшал кодолэ́скэ, саво́ исын хасякирибнаскиро.

Pritčy 6:26

Пал-дова́ со биладжакуны джувлы́ пэ́скирэ биладжаипнаса чорьякирэла манушэ́с кэ лабо маро́, а джувлы́, сави́ кэрэ́ла биладжаипэ́н, сы́рбы чорьёла пэ лэ́скиро дро́го джиибэ́н.

Psalmy 73:27

Пал-дова́ со, ґа́да, кодолэ́, савэ́ исын дур Ту́тыр, хасёна, Ту хасякирэса сарэ́н, савэ́ гинэ́ криг Тырэ́ дромэ́стыр.

2 Petr 2:13

ёнэ явэ́на тэ пирилыджан пхарипэ́н пал начачипэ́н, пал дова́ со ёнэ дживэ́на пхэрдэ́с пир пэ́скиро на́лачхо камибэн со дывэ́с. Ёнэ исын замакхнэ и домагирдэ мануша́; ёнэ залэнапэ битукоскиро пэ́скирэ хохаибнаса, ке́ли свэнкинэна пал сками́нд тумэ́нца;

Эфесянэнгэ 2:17

и ке́ли Христо́со явдя́, Ёв роспхэндя́ бахталы́ зан (звесь) пал рама́нё (миро) сарэ́нгэ тумэ́нгэ, на дыкхи́ пэ дова́, кон сыс Лэ́стыр дур ци пашы́л,

Эфесянэнгэ 2:13

нэ какана́ тумэ́ сан дро екхипэ́н Христосо́са Исусо́са, тумэ́, савэ́ ґарэдыр са́нас дур, ячнэ́ пашы́л, пир Христосо́скиро Рат, саво́ сыс прочхудо пал тумэ́ндэ.

Luka 15:12

и пхэндя́ тэрнэдыр чхаво́ дадэ́скэ: ‘Да́до, дэ ма́нгэ какана́ мири́ паш миштыпна́стыр’. И росчхудя́ дад миштыпэ́н машки́р лэ́скирэ дуе чхавэ́ндэ.

Luka 15:14

Ке́ли ёв розмэкця саро́, со сыс лэ́стэ, ґа́да, бари бокх яця́ пир доя́ пхув; ёв лыя́ тэ бокхалёл;