Luka 13:19 - Библия - Пэ Балтитко Романи чиб (Романэс) 2019

¹⁹ Ёв исын сы́рбы гарчычно зя́рка, сави́ ману́ш чхудя́ дрэ пхув пэ пэ́скири бар; и ёй выбария и яця́ сыр баро́ кашт (дрэ́во), кай чирикля́ болыбны́тка гарадёнас дрэ лэ́скирэ рандя́.”

Biblija - Pe Baltitko Romani čib (Romanes) 2019

¹⁹ Jov isyn sýrby garčyčno ziárka, saví manúš čhudiá dre phuv pe péskiri bar; i joj vybarija i jaciá syr baró kašt (drévo), kaj čirikliá bolybnýtka garadjonas dre léskire randiá.”

Luka 13:19 Referans Kwoze

Дание́лё 4:12

[15] ячкирэн лэ́скиро пенё (копичи) пэ ко́рни (рукха́) дрэ пхув, мэк ёнэ тэ ячэ́нпэ дрэ пенты саструнэ́ и харкунэ́ машкира́л чар пэ фэ́лда тэ обморэнпэ болыбна́скирэ пахлыняса (росаса), и мурдалэ́нца мэк тэ явэ́л лэ́скири паш дрэ пхувья́кири чар.

Дание́лё 4:21

[24] Акэ, зна́чыма кадалэскири, кра́лё, и акэ, упхэныбэ́н Вучипнаскирэскиро, саво́ пэрэ́ла пэ мирэ́ растэ, крали́стэ:

Apostolengiri Butý 4:4

Бут мануша́, савэ́ шундлэ́ лэ́нгиро пхэныбэ́н, упатя́ндынэ; и манушэ́н, савэ́ лынэ́ тэ патя́н, яця́ буты́р, сыр пандж тысёнцы.

Apostolengiri Butý 2:41

И одолэ́, кон илэ́са прилэлас лэ́скиро лав, болдэпэ, и дро дова́ дывэ́с упатя́ндынэ пашэ́ трин тысёнцы мануша́.

Заха́рия 2:11

– И припрастана кэ Рай Дэвэ́л бутджинэ мануша́ дрэ дова́ дывэ́с и ёнэ явэ́на Лэ́скирэ мануша́; и Ёв лэ́ла тэ дживэ́л дрэ тумэ́ндэ андра́л, и тумэ́ доджинэпэ, янголэ́нгирэ-болыбна́скиро Рай Дэвэ́л бичхадя́ Ман кэ ту.

Езэкилё 31:6

Пэ лэ́скирэ сэнкицы кэрэ́нас пэ́скэ гня́зды (ку́фы) ра́зна болыбны́тка чирикля́; тэла́л лэ́скирэ вэ́тки барьякирэнас тыкнорэн (чхавринэн) ра́зна фэлды́тка мурдала́ (звери); тэло кадалэ́-каштэскири зэр (тень) дживэ́нас ра́зна народы, конэ́с сыс бут.

Isajos 9:7

Зор Лэ́скири и рама́нё (миро) на пириячэ́ла пэ Давидо́скиро троно дро Лэ́скиро кралипэ́н, соб (кай) Ёв (Дэвэ́л) тэ подрикирэ́л лэс сэндоса и чачипна́са далэ́ дывэсэ́стыр и пэ саро́ ве́ко. Зэвлыныпэн Ра́скирэ-Дэвлэ́скиро кэрэ́ла дава́.

Apostolengiri Butý 21:20

Ке́ли ёнэ вышундлэ лэс, ёнэ прославиндлэ Дэвлэ́с, нэ коригэды́р (позжэ) ёнэ пхэндлэ́ Павлискэ: “Ту дыкхэ́са, пша́ла, со бут тысёнцы Юды лынэ́ тэ патя́н, и сарэ́ ёнэ шылалэс ракхэна Мойза́скиро Зако́но;

Матфеё 17:20

И ракирэ́ла Ёв лэ́нгэ: “Пал-дова́ со тумаро́ патяибэ́н исын назорало; палдова́, чачэс, Мэ ракира́ва тумэ́нгэ: ко́ли явэ́ла тумаро́ патяибэ́н сыр гарчычно зя́рка, тэды пхэнэ́на бэргакэ ‘тэ джал одотхы́р адари́к ‘и джа́ла; и тумэ́ могинэ́нас саро́.

Isajos 58:11

И Рай Дэвэ́л явэ́ла тэ лыджа́л тут саро́ часо (цы́ро), ко́ли на явэ́на брышында и пхув шутёла, Рай Дэвэ́л чалякирэла тыро́ ило́ и маса́, ту явэ́са сыр шука́р у́нта (садо), сыр ґаны́нг, кай пани́, саво́ николи на шутёла.

Isajos 53:10

Нэ сыс Ра́скирэ-Дэвлэ́скири во́ля, соб (кай) Лэс тэ марэ́н кэ калэ́ маса́; Ёв отдыя́ Лэс пэ мэ́ньки; ко́ли ж Лэ́скиро ди янэ́ла свэ́нто дыибэ́н, соб (кай) тэ отмэкэнпэ грэ́хи, то Ёв удыкхэ́ла Пэ́скиро ро́до анги́л, и Ра́скирэ-Дэвлэ́скири во́ля явэ́ла тэ кэрэ́лпэ Лэ́скирэ вастэ́са.

Гиленгири (Соломоно́скири) Гилы́ 6:2

Миро пирамно́ гия́ тэлэ́ дрэ пэ́скири у́нта, кэ бэтки [цветники-р.с.] приправэнца, тэ чалякирэлпэ дрэ унты (сады) и тэ кэдэл лилии.

Sykadyipén 11:15

И эфта́то (битринэнтиро дэ́што) Янго́ло пхурдыя дрэ пэ́скиро ро́го (труба): и сыс зоралэ́ заня́ пэ болыбэ́н, со ракирдэ́: “Свэтытко Кралипэ́н амарэ́ Ра́скирэ-Дэвлэ́скиро и Лэ́скирэ Христосо́скиро явдя́ и Ёв явэ́ла тэ кралинэн пэ сарэ́ ве́ки.”

Римлянэнгэ 15:19

ґэртыкакирэ зорья́са и дивэнца, Дэвлэ́скирэ Духо́скирэ зорья́са адя́кэ, со мэ пхэрдэ́с роспхэндём Христососкири бахталы́ зан (звесь) Ерусалимо́стыр и пашы́л дава́ фо́ро кэ Илирика;

Ереме́ё 31:12

Палдава́ ёнэ явэ́на тэ бага́н пэ бэ́рга Сио́но, и ёнэ припрастана кхэтанэ́ пэ Ра́скирэ-Дэвлэ́скиро лачхипэ́н; – пэ парно́ гив, пэ мол (лолы бравинта), пэ маслинитко дзэт (елеё), пэ тыкнорэндэ ґуртостыр и стадатыр; и лэ́нгиро ди явэ́ла сыр у́нта (садо), сави́ древа́н почхуды пане́са, и ёнэ буты́р на явэ́на тэ тугинэн.

Isajos 61:11

И сыр пхув барьякирэл пэ́скэ чарья́, сыр у́нта (садо) барьякирэ́ла дова́, со дрэ ла́кири пхув чхудэ́, адя́кэ и Рай Дэвэ́л сыкавэ́ла чачипэ́н и паты́в анги́л сарэ́ народы.

Isajos 53:1

Кон патяндыя лавэ́скэ, саво́ шундлэ́ амэ́ндыр, конэ́скэ откэрдяпэ Ра́скирэ-Дэвлэ́скиро васт?

Гиленгири (Соломоно́скири) Гилы́ 8:13

Ту, кон дживэ́ла дрэ у́нта! Тырэ́ мала́ кандэ́на тыри́ зан (глос), мэк и ман тэ шунав тыри́ зан.

Гиленгири (Соломоно́скири) Гилы́ 4:16

“Джангадёв, паш-ратякири балва́л, и яв, паш-дывэсы́тко балва́л! Пху́рдэ пэ мири́ у́нта, соб (кай) тэ розджанпэ ла́кирэ ароматы́тка сунга́. Мэк тэ явэ́л миро пирамно́ дрэ лэ́скири у́нта (садо) и мэк ёв тэ хал гудлэ́ пхаба́ лэ́скирэ.”

Гиленгири (Соломоно́скири) Гилы́ 4:12

Мири́ пхэн, мири́ тэрны́, исын сы́рбы запхандлы у́нта (садо), сы́рбы питомнико, со исын пэ клыдын, сы́рбы ґаны́нг, со исын пэ чэргэнори́ (печать).

Luka 17:6

Нэ Рай Дэвэ́л отпхэндя́: “Ко́ли тумэ́ндэ явэ́лас ада́кицы патяибэ́н сыр дая́ гарчыцытко зя́рка, тумэ́ пхэнэнас пэ дава́ инжыритко кашт: ‘Вытырдэпэ сарэ́ корне́нца (рукхэ́нца) и пирисодинпэ дро мо́рё (дэрья́в)!’ – и ёв покандэлас тумэн.

Marko 4:30

Ису́со ракирэ́лас дурэды́р: “Со́са сашты́ (можна) тэ роўнинас Дэвлэ́скиро Кралипэ́н? Савэ примероса (сыкаибнаса) сашты́ лэс тэ сыкавас?