Luka 13:15 - Библия - Пэ Балтитко Романи чиб (Романэс) 2019

¹⁵ Пал дава́ Рай Дэвэ́л отпхэндя́ лэ́скэ адя́кэ: “Дуемуитко, ту сан! Ци кажно тумэ́ндыр на пирипхандэла пэ́скирэ гурувэ́с ци осло́с катухостыр и на лыджалэс лэс тэ панякирэл?

Biblija - Pe Baltitko Romani čib (Romanes) 2019

¹⁵ Pal davá Raj Devél otphendiá léske adiáke: “Dujemuitko, tu san! Ci kažno tuméndyr na piriphandela péskire guruvés ci oslós katuhostyr i na lydžales les te paniakirel?

Luka 13:15 Referans Kwoze

Luka 14:5

И Ёв пхэндя́ лэ́нгэ: “Кон тумэ́ндыр, конэ́стэ о́сло (мега́ри) ци гурув пыя́ дрэ ґаны́нг, ураз на вытырдэла лэс упрэ́ дро са́вато?”

Матфеё 23:28

Адя́кэ-паць тумэ́ яврестыр сыкадёна сыр патяибнытка мануша́ манушэ́нгэ, нэ андра́л тумэ́ сан дуемуитка и древа́н грэхи́тка.

Luka 12:1

Дрэ дова́-паць мардо́ (шту́нда) ада́кицы бут мануша́ скэдынэ́пэ кхэтанэ́, со ёнэ лынэ́ тэ тасавэн екх екхэ́с, и Ису́со лыя́ тэ ракирэ́л англэды́р Лэ́скирэ сыкляибнытконэ́нгэ: “Ракхэ́нпэ Фарисиенгирэ рошчынатыр: ракхэ́нпэ лэ́нгирэ дуемуиткиматыр;

Luka 6:42

Ци сыр ту могинэ́са тэ пхэнэ́с пэ́скирэ пшалэ́скэ: ‘Пша́ла, миро! Дэ, мэ вылава пхусинка тырэ́ якхатыр,’ ке́ли ту кокоро́ на дыкхэ́са бэрно дрэ тыри́ якх? Дуемуи́тко, вылэ англэды́р бэрно пэ́скирэ якхатыр, тэды дыкхэ́са, сыр тэ вылэс пхусинка лэ́скирэ якхатыр.

Матфеё 23:13

Бида тумэ́нгэ, дуемуитка лылвари́тка и Фарисе́и, савэ́ зачхакирэна вудара́ дро Кралипэ́н дро Болыбна́скиро Раё анги́л манушэ́ндэ; пал-дова́ со тумэ́ кокорэ́ на заджа́на, и тумэ́ сан тэрдэ́ пэ дром одолэ́ндэ, савэ́ камэ́на тэ заджа́н.

Матфеё 15:14

Мэк лэн; ёнэ исын корорэ́ лыджаибна́скирэ. Ко́ли короро́ ману́ш лыджа́ла корорэс, дуйджинэ́ пэрэ́на дрэ ґанби́н (яма).”

Матфеё 15:7

Тумэ́ сан, дуемуитка! Шука́р ангилпхэндя пал тумэ́ндэ Исаё:

Матфеё 7:5

Дуемуитко, вылэ англэды́р бэрно пэ́скирэ якхатыр, тэды дыкхэ́са, сыр тэ вылэс пхусинка тырэ́ пшалэ́скирэ якхатыр.

Isajos 29:20

Пал-дова́ со нико́н буты́р лэ́нгэ на явэ́ла тэ кэрэ́л биба́хт, кошыбнари хасёла, и хасякирэна сарэ́н, кон на кэрэ́ла пир чачипэ́н.

Pritčy 11:9

Дуе-муенгиро ману́ш пэ́скирэ лавэ́нца хасякирэ́ла пэ́скирэ пашатунэс, нэ чачуно́ зракхэ́лапэ пэ́скирэ джиныбнаса.

Ióvo 34:30

соб (кай) тэ на раинэн дуе-муенгирэ мануша́, соб (кай) тэ на явэ́н мануша́ хохадэ сыр фэляса.

Luka 7:13

Ке́ли Рай Дэвэ́л дыкхця́ ла, Лэ́скэ яця́ танго (жалко) ла и Ёв пхэндя́ ла́кэ: “На ров”

Luka 7:19

Иа́но кхардя́ дуе́н пэ́скирэ сыкляибнытконэндыр и бичхадя́ лэн кэ Ису́со тэ пхучэ́н: “Ту сан Кодова́, Савэ́скэ трэй тэ явэ́л, ци явирэ́с амэ́нгэ тэ ужакирас?”