Luka 12:7 - Библия - Пэ Балтитко Романи чиб (Романэс) 2019

⁷ Тумэ́ндэ аж и бала́ пэ шэро́ сарэ́ гиндлэ́. На андыршан жа: тумэ́ сан кучыдыр, сыр кадалэ́ бут шпаки.

Biblija - Pe Baltitko Romani čib (Romanes) 2019

⁷ Tuménde až i balá pe šeró saré gindlé. Na andyršan ža: tumé san kučydyr, syr kadalé but špaki.

Luka 12:7 Referans Kwoze

Матфеё 6:26

Подыкхэн пэ болыбнытконэ чириклендэ; ёнэ на сеинэна, на счхинэна, на чхувэ́на счхиндло дрэ шу́рна; и Дад тумаро́ Болыбна́скиро чаравэла лэн. Нау́што тумэ́ на сан пэ бут дрогэдыр лэ́ндыр?

Luka 21:18

Нэ ние́кх бал на хасёла тумарэ́ шэрэстыр.

2 Kralip 14:11

Ёй пхэндя́: “Мэ манга́ва тут, кра́лё, ри́пир, Рас-Дэвлэ́с, Дэвлэ́с тырэ́с, соб (кай) тэ на явэ́н буты́р, кон отхала (отомстиныбнари) пал рат и тэ на домарэн мирэ́ чхавэ́с.” И пхэндя́ кра́ли: “Тэ явэ́л джидо́ Рай Дэвэ́л! На пэрэ́ла и бал чхавэ́скирэ тырэскиро пэ пхув.”

1 Kralip 14:45

Нэ мануша́ пхэндлэ́ Сауло́скэ: “Ци Иофаноскэ трэй тэ мэрэ́л, саво́ кэрдя́ дасаво баро́ зракхибэ́н Израилёскэ? Мэк на тэ явэ́л дава́! Тэ явэ́л джидо́ Рай Дэвэ́л, со и бал лэ́скирэ шэрэстыр на пэрэ́ла пэ пхув, пал-дова́ со Дэвлэ́са ёв кэрдя́ какана́.” И вызволиндлэ мануша́ Ионафанос, и ёв на мыя́.

Apostolengiri Butý 27:34

Палдава́ мэ манга́ва тумэн тэ лэн тэ хан; дава́ трэй тумэ́нгэ ваш дова́, соб (кай) тумэ́ тэ явэ́н джидэ́; ни конэ́стэ тумэ́ндыр ни екх бал на хасёла тумарэ́ шэрэстыр.”

Psalmy 8:6

Ту кэрдя́н лэс на́бут тыкнэды́р Пэ́стыр, Дэвлэ́стыр. И Ту дыя́н лэ́скэ сла́ва и паты́в.

Матфеё 12:12

Пэ кицы́ ману́ш исын дрогэдыр бакрятыр? Сашты́ тэ кэрэ́н лачхипэ́н саватонэ́ (суботонэ́)!”

Ióvo 35:11

Кон сыклякирэ́ла амэн бутэды́р мурдалэ́ндыр, и кон кэрэ́ла амэн годэдыр чириклендыр пэ болыбэ́н?