Luka 12:21 - Библия - Пэ Балтитко Романи чиб (Романэс) 2019

²¹ Адя́кэ джа́ла кодолэндэ, савэ́ скэдэ́на кучипэ́н пэ́скэ, а на скэдэ́на дова́, со исын мишто́ анги́л Дэвлэ́стэ.”

Biblija - Pe Baltitko Romani čib (Romanes) 2019

²¹ Adiáke džála kodolende, savé skedéna kučipén péske, a na skedéna dová, so isyn mištó angíl Devléste.”

Luka 12:21 Referans Kwoze

Jakov 2:5

Шунэ́н, мирэ́ дро́га пшала́лэ: Ци на выкэдыя́ Дэвэ́л одолэ́ манушэ́н, савэ́ исын чорорэ́ дро дава́ свэ́то тэ кэрэ́л барвалэнца лэн дро патяибэ́н и кралипнаскирэ чхавэ́нца, пал саво́ Ёв дыя́ лав сарэ́ манушэ́нгэ, конэ́скэ дро́го исын Ёв?

Luka 12:33

Бикнэн, со тумэ́ндэ исын и роздэн ловэ́ богэнгэ; кэрэ́н пэ́скэ муе́нгирэ (кошэльки), савэ́ на ячэ́на пхуранэ́, кэдэн пэ́скэ кучипэ́н, саво́ на тыкнёла дро Болыбна́скиро Раё, карик чор на подганавэлапэ, и моль (мэль) на хасякирэ́ла.

Sykadyipén 2:9

Мэ джино́м (джина́в) тырэ́ рэ́нды (де́лы), тыро́ калыпэ́н (ту́га), нэ ту сан барвало́ и Мэ джино́м (джина́в), сыр калякирдэ тут одолэ́, савэ́ ракирэ́на, со ёнэ исын Юды и савэ́ нанэ, а ёнэ исын налачхэскирэ скэдынятыр (скедыибнастыр).

Avakumo 2:9

Бида пэ лэ́стэ, кон дорэсэ́ла барвалыпэ́н бибахталэ́ рэндэ́ндыр пэ́скирэ кхэрэ́скэ, соб (кай) лэ́скэ тэ кэрэ́л гня́зда (ку́фо) вучэ́с, соб (кай) ёв саштынэлас тэ зракхэлпэ бибахталэ́ зорья́тыр.

Osija 10:1

Израилё исын пышно винаграды́тко кашторо, саво́ бутэды́р янэ́ла му́ри пэ́скэ. Со бутэды́р ёв дэ́ла му́ри, то бутэды́р ёв кэрэ́ла алта́ри; со фэдэды́р ячэ́лапэ лэ́скири пхув, то ёнэ бутэды́р гожакирэна (шукарьякирэна) сты́лбы вычхудэ́ муенца / патренца (образэнца).

Римлянэнгэ 2:5

А пир тыро́ накандыпэн и напорискирдо кэ Ёв ило́, ту кокоро́ пэ́скэ кэдэса буты́р холы́ пэ дывэ́с ваш Дэвлэ́скири холы́, ке́ли Ёв откэрэла Пэ́скиро сэ́ндо,

Luka 16:11

И ко́ли тумэ́ на са́нас чачунэ́ дро далэ́ свэтоскиро барвалыпэ́н, кон тумэ́нгэ допатяла Болыбна́скиро чачуно́ барвалыпэ́н?

Luka 6:24

Бида тумэ́нгэ, кон исын барвалэ́! Пал-дова́ со тумэ́ндэ ужэ исын локхо джиибэ́н!

2 Коринфянэнгэ 6:10

амэ сам сы́рбы смэнтна (скучна), нэ амэ ўса́ды (сак) радынасапэ; амэ сам сы́рбы бо́ги, нэ амэ кэра́са бут манушэ́н барвалэнца; амэ́ндэ нанэ ничы́, нэ адя́кэ-паць амэ́ндэ сы́рбы саро́ исын.

Pritčy 13:7

Исын ману́ш, саво́ сыкавэ́ла пэс, хай, ёв исын барвало́, нэ нисо́ нанэ лэ́стэ. Исын ману́ш, саво́ сыкавэ́ла пэс сы́рбы ёв исын чороро́, нэ лэ́стэ исын баро́ барвалыпэ́н.

1 Ximaske 6:9

А мануша́, савэ́ камэ́на тэ розбарвалён, поддэнапэ пэ пропатякирибэн и пэрэ́на дрэ фэлы́, и дрэ бут дылынэ́ и грэхи́тка тырдыпэна, савэ́ лыджа́на лэн кэ бэдытко пэрибэн и кэ хасибэ́н.