Luka 12:16 - Библия - Пэ Балтитко Романи чиб (Романэс) 2019

¹⁶ И Ису́со роспхэндя́ лэ́нгэ дасаво приме́ро: “Екхэ-барвалэскирэ манушэскири пхув дэ́лас лачхо́ аплодо:

Biblija - Pe Baltitko Romani čib (Romanes) 2019

¹⁶ I Isúso rosphendiá lénge dasavo primiéro: “Jekhe-barvaleskire manušeskiri phuv délas lačhó aplodo:

Luka 12:16 Referans Kwoze

Osija 2:8

Ёй на джиндя́, со дава́ со́мас Мэ, Рай Дэвэ́л, Кон дэ́лас ла́кэ гив (маро́), мол (вино), и дзэт, и Кон кэрдя́ бутэды́р (бутэдырьякирдя) ла́киро руп и сувнака́й, савэ́ндыр ёнэ кэрдэ́ Ваало.

Psalmy 73:12

Дыкх, сыр исын бидэвлыткарьенгэ; лэ́нгэ дживэлапэ миштэ́с, ёнэ скэдэ́на буты́р и буты́р пэ́скирэ барвалыпэна.

Psalmy 73:3

Пал-дова́ со мэ зэвлындём пхутькирдэ́ манушэ́нгэ, ке́ли мэ дыкхцём, сыр миштэ́с дживэ́на фуй мануша́.

Ióvo 12:6

Розмарибнытконэнгирэ ша́тры зяинэна миштыпнаса, и кодолэ́, савэ́ прэзэнтынэна Дэвлэ́с, дживэ́на бидаракиро, – дава́ дэ́ла лэ́нгэ Дэвэ́л Пэ́скирэ вастэ́са.

Apostolengiri Butý 14:17

Нэ Ёв ячкирдя́ пал Пэ́стэ допхэныбэ́н и сыкавэ́ла Пэ́скиро лачхипэ́н дрэ дова́, со бичхавэ́ла амэ́нгэ болыбна́стыр брышы́нд дро аплодоскиро часо; Ёв дэ́ла амэ́нгэ хабэ́н и пхэрдякирэла амарэ́ илэ радыма́са”

Матфеё 5:45

соб (кай) тумэ́ могинэ́нас тэ явэ́н ‘чхавэ́ Болыбна́скирэ Дадэ́скирэ’, и Ёв зачхувэла Пэ́скиро Кхам тэ свэнцынэл пэ лачхэ́ и налачхэ́ манушэ́ндэ, и бичхавэ́ла брышы́нд пэ одолэ́ндэ, кон кэрэ́ла лачхипэ́н и кон кэрэ́ла фуипэ́н.

Езэкилё 16:49

Акэ, саво́ исын Содомоскиро чорипэ́н, тырэ́-пхэнякиро и ла́кирэ-чхаенгиро бэдыпэн: ёй сыс пхутькирды, ёй халас на дрэ пэ́стэ, на камэлас тэ кэрэ́л нисави́ буты́; ёй на подрикирэлас чорорэ́-манушэ́скиро васт ци кодолэ́с, саво́ сыс дрэ трэ́бима.

Матфеё 13:8

и яви́р пынэ́ пэ лачхи́ пхув, и дынэ́ прибарипэн дрэ шэл мо́лы, яви́р дрэ шовдэша́, и яви́р дрэ трия́нда.

Luka 12:15

И Ёв ишчо (инкэ́) пхэндя́ лэ́нгэ сарэ́нгэ: “Ракхэ́нпэ и на традэнпэ тумэ́ пал барвалыпэ́н, пал-дова́ со чачуно́ Манушэ́скиро джиибэ́н на дро дова́, со ци бут барвалыпэна исын лэ́стэ.”

Luka 12:17

и ёв думинэлас пэ́скэ: ‘Со тэ кэра́в ма́нгэ? Ма́ндэ исын на́бут штэ́то, соб (кай) тэ чхував миро гив.’

Ióvo 24:23

Дэвэ́л дэ́ла лэ́нгэ ракхибэн, пэ саво́ ёнэ розгинэна, нэ Лэ́скирэ якха́ дыкхэ́на пэ лэ́нгирэ дрома́.