Luka 12:1 - Библия - Пэ Балтитко Романи чиб (Романэс) 2019

¹ Дрэ дова́-паць мардо́ (шту́нда) ада́кицы бут мануша́ скэдынэ́пэ кхэтанэ́, со ёнэ лынэ́ тэ тасавэн екх екхэ́с, и Ису́со лыя́ тэ ракирэ́л англэды́р Лэ́скирэ сыкляибнытконэ́нгэ: “Ракхэ́нпэ Фарисиенгирэ рошчынатыр: ракхэ́нпэ лэ́нгирэ дуемуиткиматыр;

Biblija - Pe Baltitko Romani čib (Romanes) 2019

¹ Dre dová-pac' mardó (štúnda) adákicy but manušá skedynépe khetané, so jone lyné te tasaven jekh jekhés, i Isúso lyjá te rakirél angledýr Léskire sykliaibnytkonénge: “Rakhénpe Farisijengire roščynatyr: rakhénpe léngire dujemuitkimatyr;

Luka 12:1 Referans Kwoze

1 Petr 2:1

Тэды мэкэ́н кажно холы́, фрэнтыма, дуемуиткима, зэвлыныпэ́н и кажна хоханэ́ лава́,

Jakov 3:17

Нэ годыпэ́н, саво́ джа́ла болыбна́стыр, англэды́р сарэ́стыр ёв исын жужо́ грэхостыр, раманёно, штыл (тихо), вырикирэ́ла бут, на пхандэла манушэ́с, исын пхэрдо́ тангипнаса и лачхэ́ рэндэ́нца, сэндинэла шэра́ (ра́внэс) манушэ́н, нанэ дуемитко.

Luka 12:56

Дуемуитка, тумэ́ сан! Тумэ́ джинэ́на, сыр тэ уґалён, со исын пэ пхув и пэ болыбэ́н; а сыр да тумэ́ на ґалёна часо, дро саво́ тумэ́ дживэ́на.

Ióvo 36:13

Нэ фуе́-муенгирэ мануша́ скэдэ́на холы́ дро ило́; ёнэ годлэна ясвэ́нца, ке́ли Дэвэ́л пхандэла лэн дрэ састыра́.

Ióvo 27:8

Пал-дова́ со саво́ лачхипэ́н ужакирэ́ла фуемуенгирэс, мэк ёв и тэ скэдэл бут, ко́ли Дэвэ́л отлэла лэ́стыр джиибэ́н?

Ióvo 20:5

со фуй мануша́ свэнкинэна кэ вучипэ́н наґара (надлугэс), и со фуе́-манушэ́нгири ра́дыма урикирэлапэ фэ́ни (то́ка) минута (мэнта)?

4 Kralip 7:17

И кра́ли чхудя́ одолэ́с тхагарискирэ-помогибнаскиро (сановникос), пэ васт савэскиро ёв обрикирдяпэ, пашы́л по́рта; и росштакурдэ лэс мануша́ дрэ по́рта, и ёв мыя́, сыр пхэндя́ Дэвлэ́скиро ману́ш, саво́ ракирдя́, ке́ли ёв кэ кра́ли.

1 Коринфянэнгэ 15:3

Палдава́ мэ роспхэндём тумэ́нгэ англэды́р сарэ́стыр дова́, со мэ адя́кэ-паць прилыём, со Христо́со мыя́ пал амарэ́ грэ́хи, сыр исын пир Свэ́нто Чхиныбэ́н;

Apostolengiri Butý 21:20

Ке́ли ёнэ вышундлэ лэс, ёнэ прославиндлэ Дэвлэ́с, нэ коригэды́р (позжэ) ёнэ пхэндлэ́ Павлискэ: “Ту дыкхэ́са, пша́ла, со бут тысёнцы Юды лынэ́ тэ патя́н, и сарэ́ ёнэ шылалэс ракхэна Мойза́скиро Зако́но;

Luka 11:44

Бида тумэ́нгэ: пал-дова́ со тумэ́ сан сы́рбы надыцьлэ маґилы, со мануша́ псирэ́на пир лэ́ндэ и на джинэ́на лэн.”

Luka 6:17

Ке́ли Ису́со змэкцяпэ бэрга́тыр кхэтанэ́ Апостолэнца, Ёв тэрдия́ пэ роўно (во́рто) штэ́то кхэтанэ́ Лэ́скирэ сыкляибнытконэ́нца; и сыс бут мануша́ Юдэя́тыр и Ерусалимо́стыр, Тироскирэ и Сидоноскирэ штэтэ́ндыр, савэ́ сыс пашы́л мо́рё (дэрья́в):

Luka 5:15

Нэ мавлы́н пал Исусо́стэ розджалапэ уса́ буты́р, и буты́р, и бут бут мануша́ явэ́нас тэ шунэ́н Лэс, тэ састякирэнпэ Лэ́стэ пэ́скирэ насвалыпнэндыр.

Luka 5:1

Екхвар Ису́со сыс тэрдо́ пэ брэ́го пашы́л Генисаретоскиро зеро (озеро), а мануша́ тасавэнаспэ, соб (кай) тэ явэ́н пашылэды́р кэ Ёв и кэ Дэвлэ́скиро лав;

Isajos 33:14

Пиридарандынэ (страха́дынэ) грэхи́тка мануша́ пэ Сио́но, дарэ́на и издрана бидэвлыткарья! “Кон амэ́ндыр выдживэла паш яг, сави́ саро́ похала, кон выдживэла паш яг, сави́ хачола ве́чнэс?”

Юдэ́нгэ 12:22

а тумэ́ явнэ́ кэ бэ́рга Сио́но, кэ Болыбна́скиро Ерусалимо, кэ джидэ́-Дэвлэ́скиро фо́ро, кай исын Янго́лы, Савэ скэдынэ́пэ кхэтанэ́,