Luka 11:42 - Библия - Пэ Балтитко Романи чиб (Романэс) 2019

⁴² Бида тумэ́нгэ, Фарисе́и; пал-дова́ со тумэ́ дэ́на дэ́што ме́ра мятатыр, рутатыр и кажнонэ́ чарьятыр, нэ тумэ́ на думинэ́на пал сэ́ндо и Дэвлэ́скири ла́ска; дава́ трэиндя́ тэ кэрэ́н и адя́кэ-паць тэ на бистрэн пал яви́р.

Biblija - Pe Baltitko Romani čib (Romanes) 2019

⁴² Bida tuménge, Farisiéi; pal-dová so tumé déna déšto miéra miatatyr, rutatyr i kažnoné čarjatyr, ne tumé na duminéna pal séndo i Devléskiri láska; davá treindiá te kerén i adiáke-pac' te na bistren pal javír.

Luka 11:42 Referans Kwoze

Матфеё 23:23

Бида тумэ́нгэ, дуемуитка лылвари́тка и Фарисе́и: пал-дова́ со тумэ́ дэ́на дэ́што ме́ра мятатыр, укропостыр, кминостыр, нэ тумэ́ на кутякирэна дова́, со буты́р трэй дро Зако́но: чачуно́ сэ́ндо и тангипэ́н и патяибэ́н: дава́ трэиндя́ тэ кэрэ́н и адя́кэ-паць тэ на бистрэн пал яви́р.

Luka 18:12

Мэ постинава дуй мо́лы дро курко, мэ да́ва дэ́што паш долэ́стыр, со мэ закэрава дро чхон.’

1 Ian 4:20

Ко́ли вари-кон пхэнэ́ла: “Ма́нгэ исын дро́го Дэвэ́л”, а кокоро́ нанэ лачхо́ кэ пэ́скиро пшал, одова́ исын хохаибнари; пал-дова́ со кон нанэ лачхо́ кэ пэ́скиро пшал, савэ́с ёв дыкхця́, на могинэ́ла тэ дэл паты́в Дэвлэ́скэ, Савэс ёв на дыкхця́?

Малахия 3:8

Ци сашты́ манушэ́скэ тэ хохавэ́л Дэвлэ́с? Нэ тумэ́ ж хохавэна Ман! Нэ тумэ́ пхучэна: ‘Дро со амэ хохадям Тут?’ – Дрэ дэшэнгирья и дрэ свэ́нта дыибэна́.

Mihiejo 6:8

О Рай Дэвэ́л сыкадя́ ту́кэ, о манушэ, со исын лачхипэ́н, и со трэй Ра́скэ-Дэвлэ́скэ ту́тыр: тэ кэрэ́с пир чачипэ́н, тэ выкэдэс тэ кэрэ́с лачхипэ́н, и тэ дживэ́с напхутькирдэс анги́л тырэ́ Дэвлэ́стэ!

Pritčy 21:3

Тэ кэрэ́н чачипэ́н и чачуно́ сэ́ндо исын кучэдыр Ра́скэ-Дэвлэ́скэ сыр свэ́нта дыибэна́.

Матфеё 23:27

Бида тумэ́нгэ, дуемуитка лылвари́тка и Фарисе́и: пал-дова́ со тумэ́ сан сыр коплицы, савэ́ исын парнякирдэ и савэ́ исын гожа яврестыр, нэ андра́л ёнэ исын пхэрдэ́ кокалэнца мулэ́ манушэ́ндыр и сарэ́ джунгалыпнаса (брыдкимаса).

1 Kralip 15:22

И отпхэндя́ Самуи́ло: “Нау́што цэ́ло схачкирибэ́н и свэ́нта яныбэна́ Ра́скирэ-Дэвлэ́скирэ пэ ада́кицы исын дро́га Ра́скэ-Дэвлэ́скэ сыр тэ кандэс Ра́скирэ-Дэвлэ́скири зан? Кандыпэн исын фэды́р свэнтонэ́ яныбнастыр и тэ пришунэспэ кэ Рай Дэвэ́л исын фэды́р бакрэскирэ масэстыр;

Joannostir 5:42

Мэ джино́м (джина́в) миштэ́с тумэн, тумэ́ на рикирэ́н сыр Дро́гима Дэвлэ́с дро тумаро́ ило́.

Матфеё 23:13

Бида тумэ́нгэ, дуемуитка лылвари́тка и Фарисе́и, савэ́ зачхакирэна вудара́ дро Кралипэ́н дро Болыбна́скиро Раё анги́л манушэ́ндэ; пал-дова́ со тумэ́ кокорэ́ на заджа́на, и тумэ́ сан тэрдэ́ пэ дром одолэ́ндэ, савэ́ камэ́на тэ заджа́н.

Малахия 2:17

Тумэ́ кхинякирдэ [холякирэна-р.с.] кэ холы́ Рас-Дэвлэ́с тумарэ́ лавэ́нца, ке́ли пхучэна тумэ́: “Со́са амэ кхинякирдям Лэс?” Акэ, ке́ли тумэ́ ракирэ́на: “Кажно (сва́ко), кон кэрэ́ла биба́хт (холы́), исын лачхо́ ваш Ра́скэ-Дэвлэ́скэ, и Ёв древа́н радынэ́лапэ лэ́ндыр,” ці, “Кай исын чачипна́скиро Дэвэ́л?”

Малахия 1:6

“О чхаво́ кэрэ́ла паты́в пэ́скирэ дадэ́скэ, и о писха́ри лэ́скирэ ра́скэ: ко́ли Мэ сом Дад, кай жа исын хор паты́в Ма́нгэ? Ко́ли Мэ сом Рай Дэвэ́л, кай жа исын паты́в Ма́нгэ?”, – ракирэ́ла янголэ́нгирэ-болыбна́скиро Рай Дэвэ́л тумэ́нгэ, рашая́, савэ́ндэ нанэ дрэ паты́в Миро лав. Нэ тумэ́ пхэнэ́на: “Дро со амэ на сыкаваса паты́в Тырэ́ лавэ́скэ?”

Ekliesiastos 7:18

Годыпэ́н зорьякирэла годэ́ манушэ́с, и ёв исын барэды́р дэшэ форо́скирэ барыдырэндыр.

Ниеми́я 10:37

И тэ янас англатуно́ амаро́ маро́, и свэ́нто яныбэ́н амаро́ и барьякирдэ́ (пло́ды) кажнонэ́ вэшэ́стыр мол (вино) и ксил амэ ява́са тэ янас рашангэ ваш амарэ́ Ра́скирэ-Дэвлэ́скири пиралы́ и дэшэнгири амарэ́ пхувья́тыр Левитэ́нгэ. Ёнэ, Леви́ты, явэ́на тэ лэн дэшэнгири дрэ сарэ́ фо́рья, кай амэ́ндэ исын пхув.