Luka 11:41 - Библия - Пэ Балтитко Романи чиб (Романэс) 2019

⁴¹ Нэ тумэ́ фэды́р отдэ́н дыибэ́н илэ́стыр долэ́стыр, со тумэ́ндэ исын дрэ тахтая́, и тумэ́ явэ́на жужэ́.

Biblija - Pe Baltitko Romani čib (Romanes) 2019

⁴¹ Ne tumé fedýr otdén dyibén iléstyr doléstyr, so tuménde isyn dre tahtaja, i tumé javéna žužé.

Luka 11:41 Referans Kwoze

Luka 12:33

Бикнэн, со тумэ́ндэ исын и роздэн ловэ́ богэнгэ; кэрэ́н пэ́скэ муе́нгирэ (кошэльки), савэ́ на ячэ́на пхуранэ́, кэдэн пэ́скэ кучипэ́н, саво́ на тыкнёла дро Болыбна́скиро Раё, карик чор на подганавэлапэ, и моль (мэль) на хасякирэ́ла.

Jakov 1:27

Жужэ́-патяибнаскири и намагирды строгима анги́л Дэвлэ́стэ Дадэ́стэ исын дро дова́, соб (кай) тумэ́ тэ джа́н тэ дыкхэ́н пал пиротэндэ (сиротэндэ) и пивлендэ (удовэндэ), ке́ли ёнэ пхарэ́с пиридживэна и тэ зракхэн пэс бидошакирэнца далэ́ свэто́стыр.

Titoske 1:15

Ваш жужэ́ манушэ́нгэ – саро́ исын жужо́, нэ ваш манушэ́нгэ, савэ́ исын нажужэ́ пир грэ́хо, и савэ́ на патя́на Дэвлэ́скэ, ваш лэ́нгэ нисо́ нанэ жужо́, пал-дова́ со лэ́нгири годы́ и ладж исын нажужэ́.

Юдэ́нгэ 13:16

На бистрэн тэ кэрэ́н лачхипэ́н явирэ манушэ́нгэ и тэ делинэнпэ (тэ улавэнпэ) (тэ дэн котэ́р (куско) илэ́стыр) явирэ манушэ́нца, пал-дова́ со дасавэ́ лачхэ́ рэ́нды, сы́рбы свэ́нто дыибэ́н исын лачхо́ Дэвлэ́скэ.

Apostolengiri Butý 10:15

И сыс яви́р мо́ло зан, сави́ пхэндя́ лэ́скэ: “Со Дэвэ́л кэрдя́ жужэса (чыстонэса), дова́ ту на гин пал нажужэстэ.”

Luka 16:9

И Мэ пхэна́ва тумэ́нгэ: малынэнпэ барвалыпнаса далэ́ свэто́стыр, саво́ могинэ́ла тэ явэ́л биба́хт адя́кэ, сыр исын лачхо́ Дэвлэ́скэ, соб (кай), ке́ли дава́ барвалыпэ́н кончынэлапэ, тумэ́ тэ явэ́н прилынэ́ дро ве́чно кхэр.’”

Дание́лё 4:27

[30] о кра́ли пхэндя́: “Хачи, нанэ ци дава́ рангиро Вавило́но, саво́ мэ чхудём сыр кхэр крали́скиро мирэ́ зорья́са кэ барипэ́н и ваш паты́в мирэ́ райканыпнаскири!”

Pritčy 19:17

Кон исын лачхэ́-дескиро кэ чорорэ́, кодова́ сы́рбы дэ́ла дро длуго (покэрэла) Ра́скэ-Дэвлэ́скэ, Ёв плэскирэла палэ одолэ́скэ, кон дыя́.

Pritčy 14:31

Кон притасавэла чорорэс, кодова́ сы́рбы обракирэла Рас-Дэвлэ́с, Саво́ создыя́ лэс. Нэ кодова́ кэрэ́ла паты́в Лэ́скэ, Саво́ исын лачхэ́-дескиро кэ мануша́, кон исын дрэ трэ́бима.

Юдэ́нгэ 6:10

Пал-дова́ со Дэвэ́л нанэ напатяибнаскиро и Ёв на бистрэла тумари́ буты́ и паты́в кэ яви́р мануша́, савэ́ тумэ́ кэрдэ́ ваш Лэ́скиро лав, ке́ли тумэ́ помогинэнас (дэ́нас васта́) и какана́ помогинэна дэвлытконэнгэ.

2 Коринфянэнгэ 8:12

Ко́ли исын дасави́ мы́сля пэ годы́ тэ дэл, Дэвэ́л прилэ́ла тумаро́ да́ро пир дова́, со исын тумэ́нгэ, а на пир дова́, со нанэ тумэ́ндэ.

Luka 19:8

Нэ Закхеё уштыя́ и пхэндя́ Ра́скэ-Дэвлэ́скэ “Раё Дэ́вла! Мэ отда́ва богэнгэ паш сарэ́ Мирэ́ миштыпна́стыр и, ко́ли мэ лыём хохаибнаса буты́р вари-савэ́ манушэ́стыр, мэ да́ва палэ штар мо́лы буты́р.”

Luka 18:22

И ке́ли Ису́со шундя́ дава́, Ёв пхэндя́: “Екх ту́кэ на ухты́лла (на́доси): джа́, розбикин саро́ пэ́скиро барвалыпэ́н, и роздэ ловэ́ богэнгэ, тэды ту́тэ явэ́ла кучипэ́н пэ болыбэ́н; тэ́ньчи яв, джа́ пал Ма́ндэ.”

Матфеё 5:42

Кон мангэ́ла ту́тыр, дэ, и на отрисёв одолэ́стыр, кон камэ́ла тэ залэл ту́тыр.

Psalmy 112:9

Ёв роздыя саро́ илэ́стыр, ёв дыя́ одолэ́нгэ, конэ́стэ исын трэ́бима, лэ́скиро чачипэ́н усады (сак) ячэ́лапэ: лэ́скири зор уса́ буты́р скэдэ́ла паты́в.

Psalmy 41:1

Хоро́скирэ Дирижоро́скэ. Давидо́скиро Пса́лмо.

Эфесянэнгэ 4:28

Кон чордя, мэк буты́р тэ на чорэл, нэ мэк фэды́р тэ кэрэ́л буты́, кэри пэ́скирэ вастэ́нца лачхипэ́н, соб (кай) тэ явэ́л со́стыр тэ дэл одолэ́ манушэ́нгэ, савэ́ исын чорорэ́.

Apostolengiri Butý 11:29

И сыкляибны́тка доракирдэпэ, соб (кай) кажно лэ́ндыр, кицы́ кон могинэ́ла, тэ помогинэл пшалэ́нгэ, савэ́ дживэ́на кэ Юдэ́я,

Матфеё 26:11

Палдова́ со бо́ги ўса́ды (сак) исын пашы́л тумэ́ндэ, нэ Мэ на ява́ва ўса́ды (сак) тумэ́нца.

Apostolengiri Butý 24:17

Коригэды́р (позжэ), сыр гинэ́ бэрша́, мэ явдём дро Ерусалимо, ваш дова́, соб (кай) тэ отдав скэдыибнытко дыибэ́н мирэ́ манушэ́нгэ, и соб (кай) тэ янав свэ́нто дыибэ́н Дэвлэ́скэ;

Pritčy 16:6

Лачхэ́-илыткимаса и чачипна́са отмэкэлапэ банг пал чорипэ́н, кон дарэ́ла Дэвлэ́стыр, кодова́ отджала (дурьёла) бибахтятыр (чорорипнастыр).

Marko 7:19

пал-дова́ со, дава́ джа́ла андрэ́ на дро ило́ Манушэ́скиро, а дрэ лэ́скиро кужум и джа́ла яври́ лэ́стыр.” (Далэ́ лавэ́нца Ису́со ракирэ́ла, со кажно хабэ́н исын жужо́).