Luka 11:34 - Библия - Пэ Балтитко Романи чиб (Романэс) 2019

³⁴ Момолытко (свети́льнико) ваш маса́ исын яг. Палдава́, ко́ли якх тыри́ явэ́ла жужы, то кокорэ́ маса́ явэ́на жужэ́; ко́ли якх тыри́ на явэ́ла жужы, тэды ту кокоро́ явэ́са дро цямлыпэ́н (калыпэ́н).

Biblija - Pe Baltitko Romani čib (Romanes) 2019

³⁴ Momolytko (svietíl'niko) vaš masá isyn jag. Paldavá, kóli jakh tyrí javéla žužy, to kokoré masá javéna žužé; kóli jakh tyrí na javéla žužy, tedy tu kokoró javésa dro ciamlypén (kalypén).

Luka 11:34 Referans Kwoze

Apostolengiri Butý 26:18

тэ отчхакирэс лэ́нгирэ якха́, соб (кай) ёнэ тэ рисён калыпна́стыр кэ дуд и налачхэскирэ зорья́тыр кэ Дэвэ́л, соб (кай) тэ явэ́н отмэкнэ грэ́хи лэ́нгирэ, и соб (кай) ёнэ адя́кэ-паць тэ явэ́н машки́р одолэ́ндэ, конэ́с Мэ кэрдём свэнтонэнца пир лэ́нгиро патяибэ́н дрэ Ма́ндэ.”

Psalmy 119:18

Отпхандэ мирэ́ якха́ и мэ ява́ва тэ дыкха́в ди́вна рэ́нды Тырэ́ Законо́стыр.

Колосянэнгэ 3:22

Писхарьялэ, кандэ́н дро саро́ пэ́скирэ пхувья́кирэ хулан дрэ лоч, дынаринэ́н (служынэн) лэ́нгэ, на ваш дова́, соб (кай) тэ шарэ́н мануша́, нэ кэрэ́н дава́ сарэ́ илэ́стыр.

2 Коринфянэнгэ 11:3

Нэ мэ дарава, со, сыр сап хохадя Ева пэ́скирэ фротыма́са, адя́кэ-паць, соб (кай) и тумари́ годы́ тэ на пошкодинэлпэ и, соб (кай) тумэ́ тэ на отрисён простонэ патяибнастыр дрэ Христосо́стэ.

2 Коринфянэнгэ 4:4

пал-дова́ со лэ́ндэ, напатяибнаскирэндэ, дава́ свэтоскиро хохано́ дэвлоро штылякирдя лэ́нгири годы́, соб (кай) ёнэ тэ на дыкхэ́н дуд (свэ́то) и тэ на ґалён роспхэныбэн пал бахталы́ зан (звесь) пал Христососкири ярко сла́ва, а Христо́со исын Дэвлэ́скири патри́н (о́бразо).

Ереме́ё 5:21

“Шунэ́н дава́ акана́, тумэ́, нагодэ мануша́, савэ́ исын биилэскирэ, конэ́стэ исын якха́, нэ савэ́ на дыкхэ́на, конэ́стэ исын кана́, нэ савэ́ на шунэ́на”, – пхэндя́ Рай Дэвэ́л.

Эфесянэнгэ 1:17

соб (кай) Дэвэ́л амарэ́ Ра́скирэ-Дэвлэ́скиро, Исусо́скиро Христосо́скиро, славу́тно Дад, тэ дэл тумэ́нгэ пир Ду́хо (Фа́но) годы́ и тэ сыкавэ́л, соб (кай) тумэ́ фэды́р тэ уджинэ́н Лэс,

Marko 4:12

Ёнэ дыкхэ́на якхэ́нца, и на дыкхэ́на, ёнэ шунэ́на, и на ґалёна; а ко́ли ёнэ рискирэнас пэ́скиро джиибэ́н кэ Дэвэ́л, тэды ёнэ явэ́нас примангнэ.”

2 Коринфянэнгэ 1:12

Пал-дова́ со амэ радынасапэ далэ́стыр, ке́ли амари́ ладж патякирэла амэн, со амэ свэнтымаса и Дэвлытконэ́ чачипна́са на пир манушы́тко годы́, а пир Дэвлэ́скиро бахталыпэ́н дживдям пэ дава́ свэ́то, и буты́р сарэ́стыр, сыр амэ отлыджиямпэ кэ тумэ́.

Marko 8:18

Нау́што, ко́ли тумэ́ндэ исын якха́, тумэ́ усае́кх на дыкхэ́на? Исын кана́, тумэ́ усае́кх на шунэ́на? А сыр жа тумэ́ на рипирэна.

Isajos 44:18

Ёнэ ничи́ на джинэ́на и на ґалёна: Рай Дэвэ́л закэрдя лэ́нгирэ якха́, соб (кай) тэ на дыкхэ́н и лэ́нгирэ илэ, тэ на ґалён.

Apostolengiri Butý 13:11

И какана́, ґа́да, Дэвлэ́скиро васт исын пэ ту́тэ: Ту явэ́са короро́ и ту на явэ́са тэ дыкхэ́с кхам кэ саво́ трэй часо.” И екха́тыр згия пэ лэ́стэ калыпэ́н, и ёв лыя́ тэ чхурдэлпэ пир сарэ́ рига́, родыи вари-конэ́с тэ лыджа́л лэс пал васт.

Isajos 29:10

Дыя́ тумэ́нгэ Рай Дэвэ́л соибнытко, закэрдя тумарэ́ якха́, проро́ки, закэрдя тумарэ́ шэрэ́, джиныбнарья (маги).

Isajos 6:10

Пал-дова́ со наковло яця́ далэ́-народоскиро ило́, пхарэ́с лэ́нгэ тэ шунэ́н закэрдэ якхэ́нца, и на дыкхэ́на якхэ́нца, и на шунэ́на канэнца, и на ґалёна илэ́са, и на обрисёна, соб (кай) Мэ тэ высастякирав лэн.”

Psalmy 81:12

Нэ мирэ́ мануша́ на шундлэ́ Мири́ зан (глос), и Израилё на кандыя́ ман.

Эфесянэнгэ 6:5

Писхарья́лэ(рабы), кандэ́н пэ́скирэ хулан пэ пхув пир лоч, кутякирибна́са (вага́са) и дара́са сарэ́ тумарэ́ илэ́стыр, сыр Христосо́с;

Apostolengiri Butý 2:46

И кажно дывэ́с ёнэ кэдэнаспэ кхэтанэ́ дрэ Кхангири́, пхагирэнас маро́ и ханас кхэтанэ́ радыма́са и чачипна́са дро ило́,

Marko 7:22

блэ́ндо, сквапныма, фротыма, холы́, ладжавэ рэ́нды, якхало, пхутькирибэ́н, дылныпэ́н.

Isajos 42:19

Кон исын ишчо (инкэ́) адасаво́ короро́, сыр Миро писха́ри, исын адасаво́ исын кашуко, сыр одова́, конэ́с Мэ бичхадём? Кон исын адасаво́ короро́, сыр одова́, кон яця́ пир ило́ Ма́нгэ, сыр писха́ри Ра́скирэ-Дэвлэ́скиро?

Pritčy 28:22

Ману́ш бибахталэ́ мысляса камэ́ла сы́гэс тэ розбарвалёл, и ёв на джинэ́ла, со чорипэ́н пэрэ́ла пэ лэ́стэ.

Džiibén 19:11

а манушэ́н, савэ́ исыс анги́л загиибэ́н дро кхэр, корьякирдэ, барэстыр кэ тыкно́, адя́кэ, со ёнэ замэнчиндлэпэ, родыи загиибэ́н.

Pritčy 21:4

Якха́, савэ́ задэнапэ, пхутькирдо ило́-дава́ исын момолы́тко (свети́льнико) фуе́-манушэ́нгиро, саво́ исын грэ́хо.

Isajos 5:20

Бида одолэ́нгэ, савэ́ налачхипэн кхарэ́н лачхипна́са, а лачхипэ́н – налачхипнаса; и пхэнэ́на пэ калыпэ́н, со дава́ исын дуд, а пэ свэ́то – со дава́ исын калыпэ́н; пхэнэ́на пэ кирко, со дава́ исын гудло́, а пэ гудло́ пхэнэ́на – киркипэн!

Luka 11:35

Дыкх жа, соб (кай) дуд (свэ́то), саво́ исын дрэ ту́тэ, тэ на явэ́л цямло.