Luka 11:19 - Библия - Пэ Балтитко Романи чиб (Романэс) 2019

¹⁹ Нэ ко́ли Мэ вытрадава налачхэ́ ду́хи Вельзэвулоса, тэды тумарэ́ чхавэ́, савэ́ зорья́са вытрадэна? Палдава́ ёнэ явэ́на сэнда́рья тумэ́нгэ, со тумэ́ ракирэ́на начачипэ́н.

Biblija - Pe Baltitko Romani čib (Romanes) 2019

¹⁹ Ne kóli Me vytradava nalačhé dúhi Viel'zevulosa, tedy tumaré čhavé, savé zorjása vytradena? Paldavá jone javéna sendárja tuménge, so tumé rakiréna načačipén.

Luka 11:19 Referans Kwoze

Luka 9:49

Иа́но тэды пхэндя́: “Сыклякирибна́скиро! Амэ дыкхцям манушэ́с, саво́ Тырэ́ лавэ́са вытрадэла налачхэ́ ду́хи (фаны) и амэ припхэндям Лэ́скэ тэ пириячэл, пал-дова́ со ёв на псирэ́ла амэ́нца.”

Римлянэнгэ 3:19

Нэ амэ джина́са, со дова́, со вари-ке́ли Зако́но ракирэ́ла, ёв ракирэ́ла одолэ́ манушэ́нгэ, савэ́ исын тэл Зако́но адя́кэ, соб (кай) кажна лава́ тэ запхэнэн тэ ракирэ́н, и саро́ свэ́то тэ явэ́л банго́ анги́л Дэвлэ́стэ.

Luka 19:22

Рай пхэндя́ лэ́скэ: ‘Ту сан злыдня дына́ри, тырэ́ лавэ́нца мэ ява́ва тэ сэндинав тут: ту джиндян, со мэ сом пхаро́ ману́ш и со мэ скэда́ва, кай на росчхудём и счинава, кай на сеиндём.

Ióvo 15:6

Тыро́ муй кокоро́ зоралэ́с обсэндинэла тут, а на мэ, и тырэ́ ушта́ кокорэ́ досыкавэна пэ ту́тэ.

Матфеё 4:24

И гия́ мавлы́н (малва) пал Лэ́стэ пир сари́ Сирия: и янэ́нас кэ Ёв сарэ́н манушэ́н, савэ́ сыс насвалэ и мэньчиндлэпэ налачхэ́ Духо́стыр и чхонытконэ насвалыпнастыр, праличостыр, и Ёв састякирдя лэн.

Матфеё 10:25

Ухты́лла (до́си) ваш сыкляибнытконэскэ, соб (кай) ёв тэ явэ́л дасаво, сыр лэ́скиро сыклякирибна́скиро (учытелё), и писха́ри дасаво, сыр лэ́скиро рай. Ко́ли сэмякирэ хула́с прокхардэ Вельзэвуло, сыр бутэды́р налачхэ́ лавэ́нца кхарна хула́скирэ кхэритконэн?’

Apostolengiri Butý 19:13

Вари-савэ́ Юдэ́нгирэ човаханэ адя́кэ-паць псирдэ́ и традынэ налачхэ́ ду́хи Дэвлэ́скирэ-Исусо́скирэ лавэ́са, ракири́: “Засовлахава тут Исусо́са, пал Савэ́стэ лав пхэнэ́ла Па́вли.”