Luka 10:5 - Библия - Пэ Балтитко Романи чиб (Романэс) 2019

⁵ И ке́ли тумэ́ заджа́на дро вари-саво́ кхэр, англэды́р пхэнэ́н: “Тэ явэ́л рама́нё (миро) тумарэ́ кхэрэ́скэ.”

Biblija - Pe Baltitko Romani čib (Romanes) 2019

⁵ I kiéli tumé zadžána dro vari-savó kher, angledýr phenén: “Te javél ramánjo (miro) tumaré kheréske.”

Luka 10:5 Referans Kwoze

1 Kralip 25:6

и пхэнэ́н адя́кэ: ‘Миро (рама́нё) ту́кэ, рама́нё тырэ́ кхэрэ́скэ, рама́нё сарэскэ тырэ́скэ;

Isajos 57:19

Мэ кэра́ва саро́ пир Миро лав: “Рама́нё (миро), рама́нё пашатунэ́ манушэ́скэ и дуратунэ́ манушэ́скэ,” – ракирэ́ла Рай Дэвэ́л, и Мэ састякирава лэс.

Эфесянэнгэ 2:17

и ке́ли Христо́со явдя́, Ёв роспхэндя́ бахталы́ зан (звесь) пал рама́нё (миро) сарэ́нгэ тумэ́нгэ, на дыкхи́ пэ дова́, кон сыс Лэ́стыр дур ци пашы́л,

Luka 19:9

И Ису́со пхэндя́ Лэ́скэ: “Ададывэ́с зракхибэ́н явдя́ дро дава́ кхэр, пал-дова́ со адава́ ману́ш адя́кэ-паць исын Авраамо́скиро чхаво́;

Apostolengiri Butý 10:36

Ёв бичхадя́ лав Израилёскирэ чхавэ́нгэ, саво́ роспхэнэ́ла пал “рама́нё” пир Исусо́стэ Христосо́стэ, Ёв исын Рай Дэвэ́л пир саро́ свэ́то.

Luka 10:4

На лэн пэ́са ни муенгиро (кошэлько), ни саква, ни ґэритка, и никонэ́скэ на дэн ‘добридим’.

Luka 10:6

И ко́ли одо́й явэ́ла ману́ш, саво́ камэ́ла рама́нё (миро), мэк тэ ячэ́лпэ тумаро́ лав “раманёса” пэ лэ́ндэ, ке́ли тумэ́ дынэ́ ‘добридим’ лэ́нгэ; а ко́ли на адя́кэ, мэк тэ рисёл палэ кэ тумэ́ тумаро́ лав мангипнаса Дэвлэ́скэ;