Luka 10:42 - Библия - Пэ Балтитко Романи чиб (Романэс) 2019

⁴² нэ екх трэй. Мари́я выкэдыя́ чачуны́ паш, сави́ нико́н на отлэла ла́тыр.”

Biblija - Pe Baltitko Romani čib (Romanes) 2019

⁴² ne jekh trej. Maríia vykedyjá čačuný paš, saví nikón na otlela látyr.”

Luka 10:42 Referans Kwoze

Psalmy 27:4

Мэ родавас тэ пхучав Ра́стыр-Дэвлэ́стыр пал екх бахт, соб (кай) мэ тэ бэшав дро Ра́скирэ-Дэвлэ́скиро Кхэр пэ ада́кицы, кицы́ мэ ява́ва тэ джива́в, тэ дыкха́в Ра́скирэ–Дэвлэ́скири шук, и тэ мангавпэ дро Лэ́скиро Кхэр.

Joannostir 4:14

Нэ кон явэ́ла тэ пьел пани́, саво́ Мэ да́ва лэ́скэ, одова́ на явэ́ла тэ камэл тэ пьел саро́ ве́ко; а пани́, саво́ Мэ да́ва лэ́скэ, ячэ́ла андра́л манушэ́стэ ґанынгаса ваш дасаво пани́, саво́ лыджа́ла дро ве́чно джиибэ́н.”

Joannostir 5:24

Чачэс, чачэс Мэ ракира́ва тумэ́нгэ: одова́, кон шунэ́ла Миро Лав и патя́ла Кодолэ́скэ, Кон бичхадя́ Ман, лэ́стэ исын ве́чно джиибэ́н и ёв пэ сэ́ндо на явэ́ла, ёв какана́ пиригия мэрибна́стыр дро джиибэ́н.

Psalmy 73:25

Кон ишчо (инкэ́) пэ болыбэ́н исын ма́ндэ апри́ч Ту́тэ? Ма́ндэ нико́н нанэ дро́го пэ пхув апри́ч Ту́тэ.

Luka 18:22

И ке́ли Ису́со шундя́ дава́, Ёв пхэндя́: “Екх ту́кэ на ухты́лла (на́доси): джа́, розбикин саро́ пэ́скиро барвалыпэ́н, и роздэ ловэ́ богэнгэ, тэды ту́тэ явэ́ла кучипэ́н пэ болыбэ́н; тэ́ньчи яв, джа́ пал Ма́ндэ.”

Joannostir 17:3

А ве́чно джиибэ́н исын дро дова́, соб (кай) тэ джинэ́н Тут, Екхэ́с Чачипнаскирэ Дэвлэ́с, и Исусо́с Христосо́с, Савэс Ту бичхадян.

Psalmy 17:15

А мэ ява́ва тэ дыкха́в Тыро́ муй дрэ чачипэ́н, ке́ли мэ джанґадёвава, мэ ява́ва тэ радынавпэ, соб (кай) тэ явав пашы́л Ту́тэ.

Marko 8:36

Нэ саво́ лачхипэ́н явэ́ла манушэ́скэ, ко́ли лэ́стэ явэ́ла саро́, со лэ́скэ трэй далэ́ свэто́стыр, а ёв хасякирэ́ла пэ́скиро ве́чно джиибэ́н.

Psalmy 142:5

Мэ дыкхцём сы́гэс пэ чачи́ риг ма́ндыр и дыкхцём, со ние́кх на пиджкирэла (на пригалёла) ман, нанэ, кай тэ гарадёвав ма́нгэ, ние́кх пэкэлапэ / на дэ́ла ту́га (заботинэлпэ) пал ма́ндэ.

Яви́р Зако́но 30:19

Соб (кай) тэ досыкавав анги́л тумэ́ндэ Мэ кхара́ва ададывэ́с болыбэ́н и пхув: джиибэ́н и мулыпэн (мэрибэ́н) мэ пропониндём ту́кэ, бахтякирибэ́н и прокошыбэ́н. Выкэдэ джиибэ́н, соб (кай) тэ дживэ́с ту, и ро́до тыро́,

Psalmy 119:30

Мэ выкэдыём чачипна́скиро дром, и мэ рискирдём годы́ кэ Тыро́ чачипэ́н.

Luka 8:18

Дыкхэ́н жа, сыр тумэ́ шунэ́на, пал-дова́ со кодолэ́скэ, савэ́стэ исын, явэ́ла дыно́, а конэ́стэ нанэ, лэ́стыр лэ́лапэ криг дова́ на́бут, со исын лэ́стэ.”

Luka 12:20

Нэ Дэвэ́л пхэндя́ лэ́скэ: ‘Дылыно́ ту сан! Дрэ дая́ рат лэ́на ту́тыр тыро́ джиибэ́н; конэ́скэ дава́ саро́ ячэ́лапэ, со ту скэдыян?’

Psalmy 119:111

Мэ прилыём Тыро́ досыкаибэн сыр миштыпэ́н пэ сарэ́ ве́ки, пал-дова́ со ёнэ радынэна миро ило́.

1 Коринфянэнгэ 13:3

И ко́ли мэ роздава саро́ миро миштыпэ́н и отда́ва мирэ́ маса́ пэ яг, а ма́ндэ нанэ пшалы́тко паты́в – нанэ ма́нгэ ни саво́ лачхипэ́н далэ́стыр.

Luka 12:33

Бикнэн, со тумэ́ндэ исын и роздэн ловэ́ богэнгэ; кэрэ́н пэ́скэ муе́нгирэ (кошэльки), савэ́ на ячэ́на пхуранэ́, кэдэн пэ́скэ кучипэ́н, саво́ на тыкнёла дро Болыбна́скиро Раё, карик чор на подганавэлапэ, и моль (мэль) на хасякирэ́ла.

Ekliesiastos 12:13

Явэ́н, вышунаса кэ ко́нцо (кэ яго́ро) чачипэ́н пал саро́ дава́: “Дар Дэвлэ́стыр и ри́кирпэ кэ Лэ́скирэ припхэныбэна́; пал-дова́ со дрэ далэ́ дуй чачипэна́ исын саро́, со трэй манушэ́скэ.

Luka 16:25

Нэ Авра́мо пхэндя́: ‘Чха́ва, пририпир, со ту́тэ сыс лачхо́ джиибэ́н, ке́ли ту са́нас джидо́, а Лазарёстэ сыс пхаро́ джиибэ́н. А какана́ ёв ада́й радынэ́лапэ, а ту мэнчынэсапэ.

Isúso 24:22

Ису́со пхэндя́ манушэ́нгэ: “Тумэ́ сан якхи́тка пал пэ́стэ, со тумэ́ выкэдынэ́ пэ́скэ Рас-Дэвлэ́с – тэ дынаринэ́н Лэ́скэ?” Ёнэ отпхэндэ: “Якхи́тка сам амэ”.

Isúso 24:15

Ко́ли тумэ́нгэ нанэ пир ило́ тэ дынаринэ́н Ра́скэ-Дэвлэ́скэ, то тэды выкэдэн пэ́скэ акана́, конэ́скэ тэ дынаринэс, ци дэвлорэ́нгэ, савэ́нгэ дынариндлэ́ тумарэ́ дада́, савэ́ сыс пал рэка (лэнь), ци Аморее́нгирэ дэвлорэ́нгэ, пэ пхув савэнгири тумэ́ дживэ́на; а мэ и миро кхэр ява́са тэ дынарина́с Ра́скэ-Дэвлэ́скэ”.

Psalmy 119:173

Мэк тэ помогинэл Тыро́ васт ма́нгэ, пал-дова́ со мэ выкэдыём Тырэ́ упхэныбэна́.

Galatenge 5:6

Пал-дова́ со, ке́ли амэ сам дро екхипэ́н Исусо́са Христосо́са, ни обчхиныбэн, ни наобчхыныбэн на мол ничы́, а саро́ смысло исын дро патяибэ́н, саво́ сыкавэ́ла пэс пир паты́в кэ яви́р мануша́.

Luka 16:2

И адава́ барвало́ ману́ш выкхардя лэс и пхэндя́: ‘Со да мэ шунава пал ту́тэ? Подэ ма́нгэ розгиныбнытко папиря, сыр ту хулаиндян мирэ́ миштыпнаса, пал-дова́ со буты́р ту́кэ нашты́ тэ ячэспэ кхэрэ́скирэ барыдырэ́са.’

Luka 10:39

Ла́тэ сыс пхэн, савья́ кхардэ́ Мари́я, ёй бэсця́ кэ Исусо́скирэ ґэра́ и шундя́ Лэ́скирэ лава́.

Luka 11:1

И сыс адя́кэ: ке́ли Ису́со мангдя́пэ Дэвлэ́скэ дро екх штэ́то и, сыр пирияця́, тэды екх сыкляибнытконэндыр пхэндя́ Лэ́скэ: “Раё Дэ́вла! Сыкля́кир амэн тэ мангаспэ Дэвлэ́скэ адя́кэ-паць, сыр и Иа́но сыклякирдя́ лэ́скирэ сыкляибнытконэ́н.”

Joannostir 6:27

На кэрэ́н буты́ пал хабэ́н, саво́ пэ екх мо́ло, а родэ́н дова́ хабэ́н, саво́ явэ́ла дрэ ве́чно джиибэ́н; дава́ хабэ́н камэ́ла Манушэ́скиро Чхаво́ тэ дэл тумэ́нгэ, – пал-дова́ со пэ Лэ́стэ чхудя́ Дэвэ́л Дад Пэ́скири чэргэнори́, со Ёв бахтякирэ́ла дава́.”

Joannostir 11:1

Сыс насвало́ екх ману́ш Лазарё Вифаниятыр, гавэстыр, кай дживдя́ Мари́я пэ́скирэ пхэняса Марфаса.

Joannostir 11:19

и бут мануша́ Юдэндыр явнэ́ кэ Марфа и кэ Мари́я, соб (кай) тэ штылякирэн лэн дро пиридживибэн пал лэ́нгирэ пшалэ́стэ.

Joannostir 12:3

Мари́я дро дова́ часо (цы́ро), лыя́ кхоро́ древа́н дрогонэ́ миро́са жужэ́ нардостыр, вымакхця лэ́са Исусо́скирэ ґэра́ и выкостя Лэ́скирэ ґэра́ пэ́скирэ балэнца; и саро́ кхэр пхэрдия лачхэ́-сунга́киро кхандыпна́са миростыр.