Luka 10:2 - Библия - Пэ Балтитко Романи чиб (Романэс) 2019

² Ёв пхэндя́ лэ́нгэ: “Убияндыпэн исын барвало́, а бутярнэ́ исын на́бут; мангэ́н пал дава́ Рас-Дэвлэ́с, Кон исын Хула́й пэ фэ́лды, соб (кай) Ёв тэ бичхавэл бутярнэн пэ Пэ́скиро убияндыпэн.

Biblija - Pe Baltitko Romani čib (Romanes) 2019

² Jov phendiá lénge: “Ubijandypen isyn barvaló, a butiarné isyn nábut; mangén pal davá Ras-Devlés, Kon isyn Xuláj pe féldy, sob (kaj) Jov te bičhavel butiarnen pe Péskiro ubijandypen.

Luka 10:2 Referans Kwoze

1 Фесалоникийцэнгэ 5:12

Пшала́лэ, амэ мангаса тумэн, кутякирэн (патывакирэн) одолэ́ манушэ́н, савэ́ кэрэ́на буты́ тумэ́ндэ, и кон исын шэрало́ пэ кхангири́, и сыклякирэ́ла тумэн,

Marko 16:15

Ису́со пхэндя́ лэ́нгэ: “Джа́н пир саро́ свэ́то (лот) и пхэнэ́н лав Евангелиятыр кажнонэ́ джидэ́ создыибнаскэ.

2 Ximaske 4:5

Нэ ту яв ракхуно́ дро саро́, пирилыджа саро́ чорипэ́н, роспхэн бахталы́ зан (звесь), кэр пхэрдэ́с пэ́скиро дынарибэ́н.

2 Фесалоникийцэнгэ 3:1

Какана́, амэ мангаса тумэн, пшала́лэ, тэ мангэ́нпэ Дэвлэ́скэ пал амэ́ндэ, соб (кай) Ра́скирэ-Дэвлэ́скиро лав тэ розджалпэ сы́гэс и тэ славинэлпэ адя́кэ-паць, сыр и тумэ́ндэ;

Marko 13:34

Дава́ сашты́ (можна) тэ примеринэс манушэ́са, саво́ гия́ дро даратуно дром. Ёв ячкирэ́ла пэ́скиро кхэр, соб (кай) тэ придыкхэн писха́рья. Кажнонэ́скэ писхари́скэ ёв дэ́ла задыибэн, а одолэ́скэ, саво́ сыс тэрдо́ пашы́л по́рта, припхэндя́ тэ дыкхэ́л ракхунэс (пильнэс).

1 Ximaske 4:10

ваш дава́ амэ и кэра́са дая́ буты́ и сы́рбы марасапэ, со амэ чхуваса наде́я пэ джидэ́ Дэвлэ́стэ, Саво́ исын сарэнгирэ-манушэ́нгиро Зракхибнари, нэ буты́р кодолэ́нгэ, кон патя́ла дрэ Лэ́стэ.

Apostolengiri Butý 22:21

И Ёв пхэндя́ ма́нгэ: “Джа́, пал-дова́ со Мэ бичхава́ва тут дур кэ На́юды.”

Apostolengiri Butý 20:28

И адя́кэ ракхэ́н пэс и сарэ́ дэвлытконэ́ манушэ́н, савэ́н Свэ́нто Ду́хо (Фа́но) чхудя́ тэ явэ́н кхангирья́кирэ барыдырэ́нца (дыкхибнаскирэнца), соб (кай) тэ ракхэ́н Дэвлэ́скири Кхангири́, сави́ Ёв дорэсця́ Пэ́скэ Лэ́скирэ-Чхавэ́скирэ Ратэ́са.

Apostolengiri Butý 13:4

Варнава и Савло, савэ́н бичхадя́ Свэ́нто Ду́хо (Фа́но), явнэ́ дрэ Селевкия, а одотхы́р отплывиндлэ (дынэ́ пли́ма криг) пэ Кипро.

Apostolengiri Butý 13:2

Екхвар, ке́ли ёнэ мангнэпэ Ра́скэ-Дэвлэ́скэ и постиндлэ, Свэ́нто Ду́хо (Фа́но) пхэндя́ лэ́нгэ: “Отдэ́н Ма́нгэ Варнавас и Савлос пэ рэ́ндо (де́ло), ваш саво́ Мэ лэн кхардём.”

Apostolengiri Butý 11:19

А мануша́, савэ́ мэкнэ́ пэ́скирэ штэ́ты пал би́да, сави́ кэрдя́пэ Стехваноса, догинэ́ кэ Финикия, Кипро и Антио́хия, ёнэ никонэ́скэ на ракирдэ́ Дэвлэ́скиро лав, апри́ч екхэ Юдэ́ндэ.

Apostolengiri Butý 8:4

Дэвлытка мануша́, савэ́н традынэ пэ́скирэ штэтэ́ндыр, псирдэ́ пир сарэ́ рига́ и роспхэнэнас бахталы́ зан (звесь).

Luka 9:1

Ису́со кхардя́ кхэтанэ́ дэшудуен Апостолэн и дыя́ лэ́нгэ зоралыпэ́н и зор пэ сарэ́ налачхэ́ ду́хи и тэ састякирэн манушэ́н насвалыпнэндыр,

Marko 16:20

И ёнэ выгинэ́ и роспхэндлэ́ лав усенде (везде), Рай Дэвэ́л сыс пашы́л лэ́нгирэ рэ́нды и Ёв допхэнэлас лэ́нгирэ лавэнгиро чачипэ́н знамение́нца (ґертыкэ́нца), савэ́ джа́нас ада́й жэ пал лэ́нгирэ лава́.

Матфеё 20:1

Пал-дова́ со Кралипэ́н дро Болыбна́скиро Раё исын сы́рбы фэлатинякиро хула́й, саво́ гия́ яври́ пэ зло́ко тэ кхарэл бутярнэн дро пэ́скиро винагра́днико (дракхин).

Заха́рия 11:17

Мэк тэ явэ́л би́да пэ джунгалэ́ пастырёстэ, саво́ ячкирэ́ла пэ́скирэ бакрэ́н! Мэк тэ чхинэл чхури васт лэ́скиро и чачи́ якх лэ́скири! Мэк тэ шутёл сарэ́са лэ́скиро васт, и мэк лэ́скири чачи́ якх сарэ́са тэ корьёл.”

Ереме́ё 3:15

И Мэ да́ва тумэ́нгэ чхупнарьен [пастырен-р.с.] пир Миро ило́, савэ́ явэ́на тэ чалякирэн тумэн джиныбнаса, и ґалыибнаса.

Filipiicenge 2:25

нэ мэ выкэдыём, со трэй тэ бичхавав кэ тумэ́ Епафродитос, пшалэ́с и мирэ́ малэс (другос) пир буты́, савэ́с тумэ́ бичхадэ́ тэ пэкэлпэ пал ма́ндэ;

Filipiicenge 2:21

Сарэ́ пэкэнапэ (заботисона) пал пэ́стэ, а на пал дова́, со трэй Исусо́скэ Христосо́скэ.

1 Коринфянэнгэ 12:28

И Дэвэ́л чхудя́ сарэ́н пэ пэ́скиро штэ́то дрэ кхангири́: Апостолэн пэ пэ́рво штэ́то, пророкэ́н пэ яви́р штэ́то, сыклякирибнаскирэн пэ три́то штэ́то; тэды Ёв дыя́ зор явирэ́нгэ тэ кэрэ́н ди́вы; адя́кэ-паць таланы тэ састякирэн, тэ помогинэн; тэ хулаинэн; тэ ракирэ́н пэ наджиндлэ чиба́ (чибья́).

Čysly 11:17

Мэ зджава, и Мэ ява́ва тэ ракира́в одо́й ту́са, и Мэ ла́ва Духо́стыр, саво́ исын пэ ту́тэ, и чхува́ва Лэс пэ лэ́ндэ, соб (кай) ёнэ тэ лыджа́н ту́са манушэ́нгиро пхарипэ́н, а соб (кай) ту на екхджино́ тэ лыджас.

Колосянэнгэ 1:29

Ваш дава́ и мэ адя́кэ-паць кэра́ва буты́ и кэра́ва Лэ́скирэ зорья́са, сави́ исын ма́ндэ Лэ́стыр, и сави́ кэрэ́ла буты́ дрэ ма́ндэ.

Filipiicenge 2:30

пал-дова́ со ёв на тангиндя пэ́скиро джиибэ́н кэ мэрибэ́н и кэрдя́ буты́ би дара́киро ваш Христосо́скэ, соб (кай) тэ дэл васт ма́нгэ, сыр тумэ́ на могиндлэ́ дава́ тэ кэрэ́н.

Юдэ́нгэ 3:6

а Христо́со сыр Дэвлэ́скиро Чхаво́, сыс Хула́й пир Лэ́скиро кхэр; амэ сам кокорэ́ мануша́ Лэ́скирэ кхэрэ́скирэ, ко́ли зорало́ патяибэ́н и наде́я, савья́са амэ шарасапэ, явэ́ла амэ́ндэ кэ ко́нцо (кэ яго́ро).

1 Фесалоникийцэнгэ 2:9

Пал-дова́ со тумэ́ рипирэна амари́ буты́ и кхиныпэн: амэ кэрдя́м буты́ раты́ и дывэсэ́, соб (кай) тэ на явас дро пхарипэ́н тумэ́нгэ, амэ роспхэнасас Дэвлэ́скири бахталы́ зан тумэ́нгэ.

Колосянэнгэ 4:12

Пиридэла “рама́нё” тумэ́нгэ тумаро́ Епафрасо, Исусо́скирэ-Христосо́скиро писха́ри, саво́ саро́ часо мангэлапэ Дэвлэ́скэ зоралэ́с пал тумэ́ндэ, соб (кай) тумэ́ тэ явэ́н тварда и зоралэ́ дро патяибэ́н и тэ кэрэ́н саро́ пир Дэвлэ́скири во́ля.

2 Коринфянэнгэ 6:1

Сыр амэ кэра́са буты́ кхэтанэ́ Дэвлэ́са, амэ манга́са тумэн тэ на бистрэн пал Дэвлэ́скиро бахталыпэ́н, со тумэ́ прилынэ́ лэс на ивья́ (на напра́снэс):

1 Коринфянэнгэ 15:10

Пир Дэвлэ́скиро бахталыпэ́н мэ сом адасаво́, сыр исын, и бахталыпэ́н, саво́ Ёв дыя́ ма́нгэ, на сыс ивья́; нэ мэ кэрдём буты́ буты́р лэ́ндыр сарэ́ндыр; нэ дава́ на адя́кэ сыс мири́ буты́, а сыр Дэвлэ́скиро бахталыпэ́н, со сыс ма́нца.

Заха́рия 11:5

савэ́н хулая́ чхинэна би дара́киро, а одолэ́, савэ́ лэн бикиндлэ, ракирэ́на: ‘Парикирибэн Дэвлэ́скэ; мэ барвалыём!” И лэ́нгирэ чхупна́рья (пастухи) на тангинэна пал лэ́ндэ.

3 Kralip 18:22

И пхэндя́ Или́я народоскэ: “Мэ екхджино́ яцёмпэ проро́ко Ра́скирэ-Дэвлэ́скиро; а исын штаршэла́ пандждэша́ пророкэ́н Ваалоскирэн.

Čysly 11:29

Нэ Мо́йза пхэндя́ лэ́скэ: “Ци на зэвлынэса ту пал ма́ндэ? Нэ, ко́ли б сарэ́ машки́р Ра́скирэ-Дэвлэ́скирэ манушэ́ндэ тэ явэ́н проро́ки, то Рай Дэвэ́л бичхавэлас Пэ́скиро Ду́хо (Фа́но) пэ лэ́ндэ!”

Filimon 1:1

Павли́стыр, саво́ исын дро штарибэ́н пал патяибэ́н дрэ Исусо́стэ Христосо́стэ и пшалэстыр Химастыр, Филимоно́скэ, амарэ́ малэ́скэ пир буты́,

Psalmy 68:11

Тырэ́ мануша́ дживдэ́ одо́й. Ту, Дэ́вла, кэрдя́н дава́ ваш чорорэнгэ Тырэ́ лачхипнастыр.

Sykadyipén 2:1

Чхин Янголоскэ Эфесоскирэ кхангирья́тыр: “Дава́ исын лава́ Одолэ́стыр, Кон рикирэ́ла эфта́ чэргеня дро Лэ́скиро чачо́ (право) васт, Кон псирэ́ла машки́р эфта́ сувнакунэ́ момолытка: