Luka 10:17 - Библия - Пэ Балтитко Романи чиб (Романэс) 2019

¹⁷ И эфтадэша́ сыкляибны́тка явнэ́ палэ барэ́ радыма́са, ракири́: “Раё Дэ́вла! Кокорэ́ налачхэ́ ду́хи (фаны) кандынэ́ амэн, ке́ли амэ ракирдям Тырэ́ лавэ́са.”

Biblija - Pe Baltitko Romani čib (Romanes) 2019

¹⁷ I eftadešá sykliaibnýtka javné pale baré radymása, rakirí: “Rajo Dévla! Kokoré nalačhé dúhi (fany) kandyné amen, kiéli ame rakirdiam Tyré lavésa.”

Luka 10:17 Referans Kwoze

Римлянэнгэ 16:20

Нэ Дэвэ́л, Саво́ дэ́ла рама́нё, хасякирэ́ла налачхэ́с тэл тумарэ́ ґэра́. Мэк тэ явэ́л бахталыпэ́н амарэ́ Ра́скирэ-Дэвлэ́скирэ, Исусо́скиро Христосо́скиро тумэ́нца! Ами́нь.

Marko 16:17

Патяибнаскирэ явэ́на тэ сыкавэ́н дасавэ́ ди́вы: ёнэ явэ́на Мирэ́ лавэ́са тэ традэ́н налачхэ́ ду́хи, ёнэ явэ́на тэ ракирэ́н пэ нэвэ чиба́ (чибья́);

Luka 9:1

Ису́со кхардя́ кхэтанэ́ дэшудуен Апостолэн и дыя́ лэ́нгэ зоралыпэ́н и зор пэ сарэ́ налачхэ́ ду́хи и тэ састякирэн манушэ́н насвалыпнэндыр,

Luka 10:1

Пало́ дава́ Рай Дэвэл выкэдыя́ яви́р эфтадэша́ сыкляибнытконэ́н и бичхадя́ лэн пир дуендэ анги́л Пэ́стэ дро кажно фо́ро и гав, карик Ёв Кокоро́ камдя́ тэ джал.

Luka 10:9

састякирэн насвалэн, савэ́ исын дро кхэр, и ракирэ́н лэ́нгэ: ‘Дэвлэ́скиро Кралипэ́н явдя́ пашылэды́р кэ тумэ́’.

Матфеё 4:24

И гия́ мавлы́н (малва) пал Лэ́стэ пир сари́ Сирия: и янэ́нас кэ Ёв сарэ́н манушэ́н, савэ́ сыс насвалэ и мэньчиндлэпэ налачхэ́ Духо́стыр и чхонытконэ насвалыпнастыр, праличостыр, и Ёв састякирдя лэн.

Luka 10:20

и тумэ́ на радынэ́нпэ, со налачхэ́ ду́хи (фаны) кандэ́на тумэн, а тумэ́ радынэ́нпэ долэ́стыр, со тумарэ́ лава́ исын зачхиндлэ́ дро болыбэ́н.”

Эфесянэнгэ 5:24

Нэ, сыр Кхангири́ кандэ́ла Христосо́с, адя́кэ-паць и ромненгэ трэй тэ кандэ́н дро саро́ пэ́скирэ ромэн.