Luka 10:14 - Библия - Пэ Балтитко Романи чиб (Романэс) 2019

¹⁴ а Тироскэ и Сидоноскэ явэ́ла локхэды́р дро сэндоскиро дывэ́с, сыр явэ́ла тумэ́нгэ;

Biblija - Pe Baltitko Romani čib (Romanes) 2019

¹⁴ a Tiroske i Sidonoske javéla lokhedýr dro sendoskiro dyvés, syr javéla tuménge;

Luka 10:14 Referans Kwoze

Римлянэнгэ 2:1

Нанэ ту́кэ примангипэн, кажно ману́ш, саво́ сэндинэла явирэ́с, одолэ́-паць сэндоса ту кокоро́ явэ́са сэндиндло, пал-дова́ со, ко́ли ту сэндинэса явирэ манушэ́с, ту кэрэ́са дова́-паць кокоро́ пэ́скэ.

Римлянэнгэ 2:27

И мануша́, савэ́ бияныпнастыр на сыс обчхиндлэ́, а кэрэ́на пир Зако́но, ци ёнэ явэ́на тэ сэндинэ́н тут, саво́ на кэрэ́ла пир Зако́но и джинэ́ла Свэ́нто Чхиныбэ́н?

Joannostir 3:19

Сэ́ндо исын дрэ дова́, со дуд явдя́ дро свэ́то, а манушэ́нгэ буты́р пир ило́ яця́ калыпэ́н (цёмныма), сыр дуд, пал-дова́ со лэ́нгирэ рэ́нды (де́лы) сыс налачхэ́.

Amoso 3:2

“Тумэ́ сан екх кхэри́тко ро́до сарэ́ родэндыр пэ пхув, савэ́скэ Мэ кэрдём паты́в, палдава́ Мэ пхарэ́с сэндякирава тумэн пал саро́ тумаро́ чорипэ́н.”

Ioil 3:4

Чачэс, со тумэ́ Ма́нгэ, Ти́ро и Сидоно, и брэгитка штэ́ты пэ Филистимакири пхув? Ци явэ́на тумэ́ тэ отдэ́н палэ фуипнаса проти Ма́ндэ? Нэ ко́ли тумэ́ явэ́на тэ отдэ́н палэ фуипнаса проти Ма́ндэ, Мэ древа́н сы́гэс отда́ва палэ фуипэ́н пэ тумаро́ шэро́.

Amoso 1:9

Адя́кэ ракирэ́ла Рай Дэвэ́л: “Пал трин чорипэна, со кэрдэ́ мануша́ Тиростыр, и пал штар чорипэна, Мэ на отмэка́ва пхаро́ сэ́ндо лэ́нгэ, пал-дова́ со ёнэ лыджинэ́ сарэ́н пленнонэн кэ Эдо́мо, и ёнэ на рипирдэ пшалы́тко доракирибэ́н (союзо).

Матфеё 10:15

Чачэс, Мэ ракира́ва тумэ́нгэ: локхэды́р явэ́ла манушэ́нгэ Содомостыр и Гомора́тыр дро дывэ́с, ке́ли Дэвэ́л явэ́ла тэ сэндинэл, сыр кадалэ́ фороскэ.

Матфеё 11:21

“Бида ту́кэ, Хоразино! Бида ту́кэ, Вифсаида! Пал-дова́ со, ко́ли дасавэ́ ди́вы, со сыс кэрдэ́ дрэ тумэ́ндэ, тэ явэ́н кэрдэ́ дрэ Ти́ро и Сидоно, ёнэ ґара́ рискирэнас пэ́скиро джиибэ́н кэ Дэвэ́л дро урибэ́н балытконэ гонэстыр и дро пепло.