Luka 1:8 - Библия - Пэ Балтитко Романи чиб (Романэс) 2019

⁸ И сыс адя́кэ: е́кхвар, ке́ли Заха́рия кэрдя́ пэ́скири буты́ сыр раша́й анги́л Дэвлэ́стэ, сыр сыс прилыно пэ́скирэ родо́стыр,

Biblija - Pe Baltitko Romani čib (Romanes) 2019

⁸ I sys adiáke: jékhvar, kiéli Zahárija kerdiá péskiri butý syr rašáj angíl Devléste, syr sys prilyno péskire rodóstyr,

Luka 1:8 Referans Kwoze

2 Паралипоменоно 8:14

И чхудя́ ёв, пир Давидо́скиро припхэныбэ́н, пэ́скирэ-дадэ́скиро, змены, (отде́лы) раша́нгирэ пир лэ́нгиро дынарибэ́н, и Левитэ́н пир лэ́нгирэ стрэги, соб (кай) ёнэ славиндлэ и парикирдэ пашы́л рашандэ пир упхэныбэ́н кажнонэ́-дывэсэскиро, и ракхибнарье́н пэ по́рта пир лэ́нгирэ зме́ны, кэ кажно по́рта, пал-дова́ со дасаво сыс припхэныбэ́н Давидо́скиро, Дэвлэ́скирэ Манушэ́скиро.

1 Паралипоменоно 24:19

Ѓа́да, сыс лэ́нгиро гиибэн (порядко) пашы́л дынарибэ́н лэ́нгиро, сыр лэ́нгэ тэ явэ́н дро Ра́скирэ-Дэвлэ́скиро Кхэр, пир упхэныбэ́н лэ́нгиро пир Аароностэ, лэ́нгирэ дадэ́стэ, сыр припхэндя́ лэ́скэ Рай Дэвэ́л, Дэвэ́л Израилёскиро.

2 Паралипоменоно 31:2

И чхудя́ Езэки́я змены раша́нгирэ и Левитэ́нгирэ, пэ лэ́нгиро росчхуибэн, кажнонэс пашы́л пэ́скиро рэ́ндо, раша́нгиро ци Левитэнгиро, пашы́л цэ́ло схачкирибэ́н и пашы́л мирна свэ́нта дыибэна́ Ра́скэ-Дэвлэ́скэ, ваш служыныбэн, ваш шарибэ́н и славиныбэн, пашы́л Ра́скирэ-Дэвлэ́скири Кхэрэ́скири по́рта.

Luka 1:5

Дро долэ́ дывэса́, ке́ли Иродо сыс кра́ли пир Юдэ́я, дживдя́ екх раша́й пир лав Заха́рия Авияскирэ раша́нгирэ родо́стыр, пэ́скирэ ромня́са, Ароноскирэ родо́стыр пир лав Елизавета.

Е́здра 6:18

И ёнэ чхудэ́ раша́н пир лэ́нгирэ-бутякирэ штэ́ты и Левитэ́н пир бутя́ дрэ лэ́нгирэ групы тэ кэрэ́н буты́ ваш Дэвлэ́скэ дро Ерусалимо, сыр чхиндло́ дрэ Мойзаскири лылвари́.

2 Паралипоменоно 31:19

И ваш чхавэ́нгэ Аароноскирэнгэ, рашангэ дрэ гава́, со сыс трусця́л фо́рья лэ́нгирэ, пашы́л кажно фо́ро чхудэ́ сыс мурша́ пир лав, соб (кай) тэ роздэн паша́ пхувья́кирэ сарэ́ муршэнгэ, рашангэ и сарэ́нгэ, кон сыс залыджино дро пиричхиныбэн Левитэндэ.

2 Паралипоменоно 11:14

пал-дова́ со ячкирдэ́ Леви́ты пэ́скирэ пашы́л-форитка кхэра́ и пэ́скирэ маёнки, и явнэ́ дрэ Юдэ́я и дро Ерусалимо; адя́кэ сыр ячкирдя́ лэн Еровоа́мо и лэ́скирэ чхавэ́ Ра́скирэ-Дэвлэ́скирэ рашаибнастыр

Čysly 18:7

и ту, и тырэ́ чхавэ́ ту́са, дыкхэ́н пал тумари́ свэнтыма дро саро́, со исын алтарёскиро и со исын андра́л пал шы́рма, и дынаринэ́н; тумэ́нгэ дава́ Мэ дрэ да́ро свэ́нто дынарибэ́н, а яви́р ману́ш, и саво́ подджа́ла, отдыно́ явэ́ла мэрибна́скэ.

Vygiiben 30:30

помакх и Аароно́с и лэ́скирэ чхавэ́н, и высвэнцын лэн, соб (кай) ёнэ тэ явэ́н рашая́ Ма́нгэ.

Vygiiben 29:44

И Мэ высвэнцякирава ша́тра ваш скэдыибэ́н и алта́рё; и Аароно́с и лэ́скирэ чхавэ́н высвэнцякирава, соб (кай) ёнэ свэнтэс тэ дынаринэ́н Ма́нгэ;

Vygiiben 29:9

и обпхандэ лэн кустыкаса, Аароно́с и лэ́скирэ чхавэ́н, и чхув пэ лэ́ндэ пхандлуня (повязки), и явэ́ла лэ́нгэ дыно́ рашаибэн пир стату́то пэ ве́ко; и пхэрдякир Аароно́скирэ и лэ́скирэ-чхавэ́нгирэ васта́.

Vygiiben 29:1

Ѓа́да, со ту́кэ трэй тэ кэрэ́с пэ лэ́ндэ, соб (кай) ту тэ высвэнцинэс лэн дрэ рашандэ Ма́нгэ: лэ екхэ́с гуруво́рэс (тельцос) гурувэндыр, и дуе́н бакрэ́н би дошэнгиро,

Vygiiben 28:41

и ури дрэ лэ́ндэ Аароно́с, тырэ́ пшалэ́с, и лэ́скирэ чхавэ́н лэ́са, и помакх лэн, и пхэрдякир лэ́нгирэ васта́, и высвэнцын лэн, и ёнэ явэ́на рашая́ Ма́нгэ.

Vygiiben 28:1

Акана́ лэ кэ пэ Аароно́с, тырэ́ пшалэ́с, и лэ́скирэ чхавэ́н лэ́са, чхавэ́н Израилёскирэ родо́стыр, соб (кай) ёв тэ явэ́л Ма́нгэ раша́са, Аароно́с и Надавос, Авиудос, Елизарос и Ифоамарос, Аароно́скирэ чхавэ́н.

1 Паралипоменоно 24:2

Надаво и Авиудо мынэ́ англэды́р пэ́скирэ дадэ́стыр, чхавэ́ на сыс лэ́ндэ; и пал-дова́ Елиза́ро и Ифамаро сыс рашая́.

Luka 1:7

Лэ́ндэ на сыс чхаворэ́, пал-дова́ со Елизавета на могиндя́ тэ биянэ́л, ёнэ дуйджинэ́ сыс пхурэ́ пир бэрша́.