Luka 1:70 - Библия - Пэ Балтитко Романи чиб (Романэс) 2019

⁷⁰ Сыр Дэвэ́л и дыя́ лав бут бэрш палэ пир Пэ́скирэ Свэнтонэ́ пророкэ́ндэ, савэ́ пхэндлэ́,

Biblija - Pe Baltitko Romani čib (Romanes) 2019

⁷⁰ Syr Devél i dyjá lav but berš pale pir Péskire Sventoné prorokénde, savé phendlé,

Luka 1:70 Referans Kwoze

2 Petr 1:21

пал-дова́ со мануша́ ние́кхвар вагэдыр (ґарэдыр) на ангилпхэнэнас пир пэ́скири во́ля, а дава́ ракирдэ́ свэ́нта Дэвлэ́скирэ мануша́, ке́ли Свэ́нто Ду́хо (Фа́но) лыджия́ лэн.

Римлянэнгэ 1:2

пал савэ́стэ Дэвэ́л англэды́р дыя́ лав пир Пэ́скирэ пророкэ́ндэ дрэ Свэ́нта Чхиныбэна,

Apostolengiri Butý 28:25

Ёнэ на сыс дрэ екх годы́ машки́р пэ́стэ, и лынэ́ тэ джа́н пэ́скэ коригэды́р долэ́стыр, сыр Па́вли пхэндя́ лэ́нгэ екх лав: “Чачипэ́н пхэндя́ Свэ́нто Ду́хо (Фа́но) тумарэ́ дадэ́нгэ пир пророкостэ Исаёстэ, ракири́:

1 Petr 1:12

Лэ́нгэ сыс сыкадо, со ёнэ дынаринэ́нас (служынэ́нас) на пэ́скэ, а тумэ́нгэ, пал-дова́ со тумэ́нгэ роспхэндлэ́ бахталы́ зан (звесь) Духо́скирэ зорья́са, а пал дава́ аж Янго́лы сыклякирэнас миштэ́с.

Luka 24:44

И пхэндя́ Ёв лэ́нгэ: “Ѓа́да, исын долэ́ лава́, савэ́ Мэ пхэндём тумэ́нгэ, пака Мэ ишчо (инкэ́) со́мас тумэ́нца: со саро́, со исын чхиндло́ дро Мойза́скиро Зако́но и дрэ пророкэ́нгирэ зачхиныбэна и дрэ псалмы пал Ма́ндэ, трэй тэ сполнинэ́лпэ (тэ кэрэ́лпэ кэ ко́нцо/яго́ро).”

Marko 12:36

Дави́до жа Кокоро́ пхэндя́ Свэнтонэ́ Духо́са: “Пхэндя Рай Дэвэ́л Ра́скэ-Дэвлэ́скэ мирэ́скэ: бэш пэ чачо́ (право) васт Ма́ндыр, пака Мэ чхува́ва вэргэ́н Тырэ́н тэл ґэра́ тырэ́.”

Ереме́ё 30:10

И ту, Миро писха́ри, Яково, на дар’, – ракирэ́ла Рай Дэвэ́л’, – на замэр дара́тыр, о Израилё: Акэ, Мэ зракха́ва тут дуратунэ́ тхэмэстыр, и тыро́ кхэри́тко ро́до штэтэ́ндыр, кай сыс ёнэ дро пле́но. О Яково рисёла палэ и явэ́ла рама́нё, Ёв явэ́ла тэ дживэ́л би дара́киро.

Ереме́ё 23:5

“Акэ, явэ́на дывэса́”, – ракирэ́ла Рай Дэвэ́л, – ке́ли Мэ чхува́ва упрэ́ нэвэ́стыр Давидо́скэ Рандь (Отбарипэн) чачуны́, Крали́с, ёв явэ́ла тэ раинэл и тэ кэрэ́л саро́ годэс. Ёв явэ́ла тэ кэрэ́л чачуно́ сэ́ндо и пир чачипэ́н пэ пхув.

2 Kralip 23:2

Ра́скирэ-Дэвлэ́скиро ду́хо ракирэ́ла дрэ ма́ндэ, и лав Лэ́скиро сыс пэ чиб ма́ндэ.

Džiibén 49:10

На отджала Юдастыр скипетро и законоскиро дыибнари лэ́скирэ трушулэндыр, кэ дава́ часо, пака явэ́ла Раманёскиро (Примирителё), и лэс явэ́на тэ кандэ́н мануша́.

Džiibén 12:3

Мэ бахтякирава манушэ́н, савэ́ явэ́на тэ бахтякирэн тут, и кон прокошэл тут, одолэ́н Мэ прокошава; и дрэ ту́тэ явэ́на бахтякирдэ сарэ́ кхэри́тка ро́ды пэ пхув.”

Džiibén 3:15

И нараманё (намиро) кэра́ва Мэ машки́р ту́тэ и джувля́тэ, и машки́р ро́до тыро́ и ла́киро; ёв явэ́ла дро шэро́ тэ дукхавэл тут, а ту явэ́са тэ дукхавэс лэс дрэ пента (кхур).

Sykadyipén 19:10

И мэ пыём анги́л лэ́скирэ ґэра́ тэ поклонинавпэ патыва́са лэ́скэ. Нэ ёв пхэндя́ ма́нгэ: “Дыкх жа, на́ кэр дава́. Мэ сом дасаво-паць писха́ри, сыр ту сан, и мэ сом кхэтанэ́ тырэ́ пшалэ́нца тэ досыкавав пал Христосо́стэ. Дэ паты́в Дэвлэ́скэ, пал-дова́ со допхэныбэ́н пал Христосо́стэ исын Христосо́скиро лав.”

Юдэ́нгэ 3:7

Палдава́ Свэ́нто Ду́хо (Фа́но) ракирэ́ла: “Ко́ли ададывэ́с тумэ́ шунэ́на Лэ́скири зан,

2 Petr 3:2

соб (кай) тумэ́ тэ рипирэ́н лава́, савэ́ англэды́р свэ́нта проро́ки пхэндлэ́ и пал припхэныбэ́н амарэ́ Ра́скирэ – Дэвлэ́скиро и Зракхибнарискиро, со дынэ́ тумарэ́ Апо́столы.