Luka 1:51 - Библия - Пэ Балтитко Романи чиб (Романэс) 2019

⁵¹ Ёв кэрдя́ барэ́ бутя́ Пэ́скирэ мышчаса (вастэ́са), рострадыя одолэ́н, савэ́ исын пхутькирдэ́ и бут камэ́на дрэ пэ́скирэ илэ;

Biblija - Pe Baltitko Romani čib (Romanes) 2019

⁵¹ Jov kerdiá baré butiá Péskire myščasa (vastésa), rostradyja odolén, savé isyn phut'kirdé i but kaména dre péskire ile;

Luka 1:51 Referans Kwoze

Psalmy 98:1

Пса́лмо. О, бага́н Ра́скэ-Дэвлэ́скэ нэви́ гилы́! Пал-дова́ со Ёв кэрдя́ ди́вна рэ́нды (де́лы). Лэ́скиро чачо́ (право) васт и лэ́скиро чачо́ псико́ помогиндлэ Лэ́скэ тэ пиризорьякирэл.

Isajos 52:10

Сыкадя́ сарэ́нгэ Рай Дэвэ́л Пэ́скиро свэ́нто васт, соб (кай) тэ дыкхэ́н сарэ́ народы; сарэ́ пхувья́кирэ яго́ры (концы) дыкхэ́на амарэ́ Дэвлэ́скиро зракхибэ́н.

Isajos 51:9

Ѓаздэпэ, ґаздэпэ, яв зорало́, васт Ра́скирэ-Дэвлэ́скиро! Ѓаздэпэ сыр дрэ пхуранэ́ бэрша́, ко́ли ґаратуно ро́до дживэлас! Ци на ту хасякирдян Раавос, хасякирдян крокодилос?

Римлянэнгэ 1:21

Ёнэ джиндлэ́ Дэвлэ́с, нэ ёнэ на славиндлэ Лэс, сыр Дэвлэ́с, и на парикирэнас Лэ́скэ: ёнэ ячнэ́ тэ кошэнпэ, ке́ли пириракирэнас, и лэ́нгирэ нагодьварэ илэ тасадынэ дро калыпэ́н:

Isajos 63:12

Саво́ лыджия́ Мойза́с пал чачо́ васт, Ёв лыджалас Пэ́скирэ зоралэ́ вастэ́са, Ёв розлыджия (укэдыя) анги́л лэ́ндэ пани́, соб (кай) тэ кэрэ́л Пэ́скэ ве́чно лав?

Isajos 40:10

Акэ, Рай Дэвэ́л, Дэвэ́л явэ́ла зорья́са и Лэ́скиро васт исын зорья́са. Акэ, мазу́ри (награда) Лэ́скири исын Лэ́са, Ёв отдэ́ла палэ сарэ́нгэ анги́л Пэ́скиро муй.

Psalmy 118:15

Шунэ́н заня́ радыма́са пал зракхибэ́н дрэ ша́тры, кай исын Дэвлэ́скирэ мануша́.

Psalmy 89:10

Ту рикирэса зор пэ мо́рё (дэрья́в), сыр ёв холямэс ґлуминэла: ке́ли лэ́скирэ валны ґаздэ́напэ вучэ́с, Ту штылякирэса лэн.

Džiibén 6:5

И Рай Дэвэ́л дыкхця́, со мануша́ лынэ́ бут тэ кэрэ́н фуипэ́н пэ пхув, со сарэ́ лэ́нгирэ думки и илэ сыс холынакирэ пэ кажно дывэ́с.

Sykadyipén 18:8

палдава́ фра́нсы, мэрибэ́н, смэнтныма роибнаса и бари бокх явэ́на дро екх дывэ́с пэ ла́тэ. Яг хачкирэ́ла сарэ́са ла, пал-дова́ со Рай Дэвэ́л исын зорало́, Саво́ сэндякирэ́ла ла.

1 Petr 5:5

Адя́кэ-паць, тэрнэ́ мануша́лэ, кандэ́н пэ́скирэ годэпхурэн, явэ́н ковлэ́-илы́тка екх кэ екх, на шарэ́н пэс екх анги́л явирэ́стэ, пал-дова́ со Дэвэ́л исын проти одолэ́ндэ, кон гинэ́ла пэс вучэды́р явирэндыр, а одолэ́нгэ, кон на шарэла пэс, Ёв дэ́ла васт.

2 Коринфянэнгэ 10:5

хоханэ́ допхэныбэна и саро́, со пхутёла проти Дэвлэ́скиро дынарибэ́н; амэ пхандаса кажно годя́кири мы́сля, соб (кай) тэ явэ́л кандуны Христосо́скэ;

Psalmy 89:13

Ту создыян паш-рати́тко и паш-дывэсы́тко риг, Фаворо и Ермоно радынэ́напэ Тырэ́ лавэ́стыр.

Psalmy 63:5

Палдава́ мэ ява́ва тэ славинав и тэ парикира́в Ту́кэ дро миро джиибэ́н, мэ ява́ва тэ ґаздав васта́ ваш Тыро́ лав.

Psalmy 52:9

“Дыкхэ́н! Акэ, исын ману́ш, саво́ на чхудя́ пэ́скири наде́я пэ Дэвлэ́стэ, нэ ёв рисёлас кэ пэ́скиро барвалыпэ́н и ячэласпэ зоралэды́р тэ хасякирэ́л”

Psalmy 33:10

Рай Дэвэ́л на дэ́ла во́ля Наюдытконэ́ нацыенгэ тэ кэрэ́н, со ёнэ задуминэна пэ́скэ: Ёв на домэкэла манушэ́н тэ кэрэ́н пир пэ́скирэ планы.

Яви́р Зако́но 4:34

Ци скэдэласпэ вари-саво́ Дэвэ́л тэ джал, тэ лэл пэ́скэ манушэ́н машки́р явирэ манушэ́ндэ тхагарьенца, знамение́нца (ґертыкэ́нца) и дивэнца, и марибна́са, и зоралэ́ вастэ́са, и вучэ́ вастэ́са, и барэ́ страхаса, сыр кэрдя́ ваш тумэ́нгэ Рай Дэвэ́л, тумаро́ Дэвэ́л, дро Еги́пто анги́л тырэ́ якха́?

Vygiiben 18:11

кана́ мэ уджиндём, со Рай Дэвэ́л исын баро́, вучэды́р сарэ́ дэвлорэндыр, дрэ дова́-паць, со́са ёнэ шардэпэ вучэды́р пэ Израильтянэндэ.”

Džiibén 8:21

И сунгадя Рай Дэвэ́л гудло́ тхув (дымо) и пхэндя́ Рай Дэвэ́л дро Пэ́скиро ило́: “Мэ на ява́ва буты́р тэ прокошав пал пхув манушэ́с, пал-дова́ со манушэ́скиро ило́ исын тэ кэрэ́л фуипэ́н лэ́скирэ тэрныпнастыр: и буты́р Мэ на ява́ва тэ хасякира́в саро́, со исын джидо́, сыр Мэ кэрдём.

Džiibén 11:8

И росчхудя́ Рай Дэвэ́л лэн одотхы́р пир сари́ пхув; и ёнэ пириячнэ тэ кэрэ́н фо́ро.

Ереме́ё 49:15

“И, акэ, Мэ кэра́ва ту́тыр, Эдоме, тыкнэс машки́р Наюды́тка на́цыи, со явэ́на тэ дыкхэ́н вучипна́са пэ ту́тэ.