Luka 1:49 - Библия - Пэ Балтитко Романи чиб (Романэс) 2019

⁴⁹ пал барипэ́н, саво́ со кэрдя́ Ма́нгэ Зоралыпнаскиро Дэвэ́л, мэк тэ явэ́л свэ́нто Лэ́скиро лав,

Biblija - Pe Baltitko Romani čib (Romanes) 2019

⁴⁹ pal baripén, savó so kerdiá Mánge Zoralypnaskiro Devél, mek te javél svénto Léskiro lav,

Luka 1:49 Referans Kwoze

Psalmy 111:9

Ёв выракхця Пэ́скирэ манушэ́н, Ёв дыя́ Пэ́скиро Зако́но пэ сарэ́ ве́ки: свэ́нто аж кэ дар исын Лэ́скиро лав.

Psalmy 99:3

Мэк тэ славинэ́н ёнэ лэ́скиро лав, со Ёв исын древа́н славу́тно кэ дар – Ёв исын Свэ́нто!

Ереме́ё 10:6

Нанэ ние́кх, кон исын кадасаво́, саво́ Ту сан, Раё Дэ́вла! Ту сан баро́ и Тыро́ лав исын баро́ пир Тыро́ зоралыпэ́н.

Эфесянэнгэ 3:20

Нэ Одолэ́скэ, Конэ́скири зор исын дрэ амэ́ндэ, и сави́ могинэ́ла тэ кэрэ́л бутэды́р долэ́стыр, пал со амэ мангаса, ци амэ думинаса,

Džiibén 17:1

Аврамоскэ сыс енядэша еня́ бэрш, и Рай Дэвэ́л сыкадыя́ Аврамоскэ и пхэндя́ лэ́скэ: “Мэ сом Сарэзорья́киро Рай Дэвэ́л; псир анги́л Ма́ндэ и яв бидошэ́нгиро;

Isajos 57:15

Пал-дова́ со адя́кэ ракирэ́ла Вучо́, Вучэ́с ґаздыно́, Саво́ дживэ́ла ве́чнэс, Лэ́скиро лав исын “Свэ́нто”: “Мэ джива́ва пэ вучо́ болыбэ́н и пэ свэ́нто штэ́то и адя́кэ-паць одолэ́ манушэ́нца, конэ́скиро ду́хо (фа́но) исын пхагирдо́, и кон исын на пхутькирдо, соб (кай) тэ отджидякирав ду́хо (фа́но), кон на пхутькирдо, и тэ отджидякирав илэ, конэ́стэ ду́хо (фа́но) исын пхагирдо́.

Sykadyipén 15:4

Кон исын одова́, саво на дарэ́ла Ту́тыр, Раё Дэ́вла, И кон на славинэла Тыро́ Лав? Пал-дова́ со Ту сан Екх Свэ́нто, пал-дова́ со сарэ́ мануша́ явэ́на, и ёнэ поклонинэнапэ патыва́са анги́л Ту́тэ пал-дова́, со Ту чачунэ́с приджинэса манушэ́н анги́л бангипэн!”

Psalmy 99:9

Славинэ́н зоралэ́с Рас-Дэвлэ́с, амарэ́ Дэвлэ́с и дэн паты́в Лэ́скэ пашы́л Лэ́скири Свэ́нто бэ́ргица, пал-дова́ со Рай Дэвэ́л исын амаро́ Свэ́нто Дэвэ́л.

1 Kralip 2:2

Нанэ дасавэс свэнтонэс, сыр Рай Дэвэ́л; пал-дова́ со нанэ явирэ́с, апри́ч Ту́тэ; и нанэ твардэдыр, сыр амаро́ Рай Дэвэ́л.

Vygiiben 15:11

Кон исын сыр Ту, Раё Дэ́вла, машки́р дэвлорэндэ? Кон исын, сыр Ту, най барыдыр свэнтыпнаса, шарибнаса кэ дар Ту, дивэнгиро Кэрибнари?

Isajos 6:3

Ёнэ кхарэнас екх екхэ́с и ракирэ́нас: “Свэ́нто, Свэ́нто исын Рай Дэвэ́л, болыбна́скирэ-янголэ́нгиро, сари́ пхув исын пхэрды́ Лэ́скирэ барипнаса!”

Ереме́ё 20:11

Нэ Ту, Раё Дэ́вла, сан зоралыпнаскиро и трашано (би дара́киро), и Ту сан пэ мири́ риг; палдава́ вэ́рги, савэ́ традэ́на ман, обштавэнапэ, и ёнэ на лэ́на упралыпэ́н пэ ма́ндэ: ёнэ явэ́на ладжакирдэ́, пал-дова́ со лэ́нгирэ планы на удэнапэ лэ́нгэ кэ миштыпэ́н [енэ кэрдэ́ нагодьварэс, ладж явэ́ла лэ́нгэ пэ саро́ ве́ко и ние́кхвар на бистрэлапэ-р.с.],

Sykadyipén 4:8

И кажнонэ́ джидалэстэ сыс шов пхака́ (крылы) пэ сарэ́ рига́, и андрэ́ сыс пхэрдо́ якха́ и дывэсэ́ и раты́ ёнэ ракирэ́нас: “Свэ́нто, Свэ́нто, Свэ́нто исын Рай Дэвэ́л, Сарэзорья́киро, Саво́ сыс исын, и Саво́ трэй исын тэ явэ́л.”

Marko 5:13

Ису́со екха́тыр (тотчас) домэкця, соб (кай) налачхэ́ ду́хи (фаны) тэ выджа́н адалэ́ манушэ́стыр и тэ заджа́н андрэ́ дрэ балычэндэ. Сарэ́ пашэ́ дуй бара́ (тысёнцы) шэрэ́ екха́тыр (сра́зу) чхурдынэпэ брэгоскирэ крутыматыр дро пани́ и тасадынэ.

Isajos 1:24

Палдава́ адя́кэ пхэнэ́ла Рай Дэвэ́л, болыбна́скирэ-янголэ́нгиро, Зорало́ Израилёскиро: “О, ґазда́ва Мэ Пэс пэ одолэ́ндэ, кон нанэ Ма́нца, Мэ сыкава́ва Мирэ́ вэргэ́нгэ!

Psalmy 24:8

Кон исын Болыбна́скиро Кра́ли? Рай Дэвэ́л, Саво́ исын зорало́ и дро зоралыпэ́н? Рай Дэвэ́л исын зоралыпнаскиро кэ мэрибэ́н!

Isajos 63:1

Кон дава́ джа́ла Едомостыр, джа́ла дрэ лолэ́ и́ди Восоростыр, адасаво́ баро́ дро Пэ́скиро урибэ́н, Саво́ выджа́ла дро Пэ́скирэ-зорьякиро пхэрдыпэн? “Мэ сом Одова́, Кон пхэнэ́ла чачипэ́н, зорало́, соб (кай) тэ зракхав.”

Luka 1:48

Со Ёв подыкхця́ ласкаса пэ Пэ́скирэ писхарицатэ, сави́ исын кандуны, пал-дова́ со далэ́ дывэсэ́стыр сарэ́ ро́ды явэ́на тэ кхарэ́н Ман “бахтякирды”;

Luka 1:50

И Лэ́скиро тангипэ́н явэ́ла пэ сарэ́ ро́ды, кон дарэ́ла Лэ́стыр.