Luka 1:20 - Библия - Пэ Балтитко Романи чиб (Романэс) 2019

²⁰ и, ґа́да, ту явэ́са штыл и ту на дэ́са ра́да (на змогинэса) тэ ракирэ́с анги́л дова́ дывэ́с, ке́ли саро́ дава́ кэрэ́лапэ, пал-дова́ со ту на патяндыян Мирэ́ лавэнгэ, савэ́ кэрэ́напэ кэ ко́нцо / яго́ро дро пэ́скиро часо.

Biblija - Pe Baltitko Romani čib (Romanes) 2019

²⁰ i, ĥáda, tu javésa štyl i tu na désa ráda (na zmoginesa) te rakirés angíl dová dyvés, kiéli saró davá kerélape, pal-dová so tu na patiandyjan Miré lavenge, savé kerénape ke kónco / jagóro dro péskiro časo.

Luka 1:20 Referans Kwoze

Езэкилё 3:26

Чиб тыри́ Мэ отлава ту́тыр, и ту явэ́са бичибакиро, и на пхэнэ́са чачипэ́н пал лэ́ндэ, пал-дова́ со ёнэ исын кхэр, кай на кандэ́на никонэ́с.

Езэкилё 24:27

дро кодова́ дывэ́с, ке́ли ту дыкхэсапэ зракхнэ́ манушэ́са, откэрнапэ тырэ́ васта́, и ту явэ́са тэ ракирэ́с, на явэ́са ту буты́р бичибакиро, а явэ́са сыкаибнаса ваш лэ́нгэ, и ёнэ ґалёна, со Мэ сом Рай Дэвэ́л, Дэвэ́л.”

Sykadyipén 3:19

Сарэ́нгэ, кон исын дро́го Ма́нгэ, Мэ пхэна́ва зорья́са лэ́нгири банг и сыклякирава лэн кэ дукха́. Палдава́ яв хачкирдэ́ илэ́са кэ Дэвэ́л и ри́скир пэ́скиро джиибэ́н кэ Ёв.

Юдэ́нгэ 6:18

Дэвэ́л кэрдя́ адя́кэ пир дуй чачипэна́: Дэвэ́л на парувэла пхэндло́ лав и на хохавэла. Амэ́нгэ, савэ́ чхурдыямпэ кэ Ёв тэ ухтыласпэ пал наде́я, со сыс дыны́ амэ́нгэ, явэ́ла зорало́ подыно васт (помошш) тэ зракхаспэ.

Luka 1:22

Ке́ли ёв выгия́ яври́, ёв на дыя́ ра́да тэ ракирэ́л, и ёнэ ґалынэ́, со сыс лэ́стэ дыкхибэ́н дро Кхангири́; и ёв сыкавэлас вастэ́нца и ёв яця́пэ немо (муто).

Titoske 1:2

дава́ чачипэ́н дэ́ла наде́я пэ ве́чно джиибэ́н, пал саво́ Дэвэ́л дыя́ лав амэ́нгэ анги́л, сыр свэ́то сыс создыно́, а Дэвэ́л ние́кхвар на хохавэла,

2 Ximaske 2:13

ко́ли амэ на сам патяибнытка, Ёв ячэ́лпэ патяибны́тко, пал-дова́ со Ёв на могинэ́ла тэ отпхэнэлпэ Кокоро́ Пэ́стыр.”

Luka 1:45

со бахталы́ исын Кодоя, Сави́ упатяндыя дро дова́, со дава́ явэ́ла чачунэ́с, сыр Рай Дэвэ́л пхэндя́ ла́кэ.”

Marko 16:14

Тэ́ньци Ису́со сыкадыя́ дэшуекхэ сыкляибнытконэ́нгэ, савэ́ ханас пал сками́нд. Ёв выракирдя лэ́нгэ, со на ухты́лла (на́доси) лэ́ндэ патяибэ́н и лэ́нгиро ило́ исын пхаро́ дро дова́, со лэ́нгэ сыс на пир ило́ тэ патя́н одолэ́нгэ, савэ́ дыкхнэ́ Лэс коригэды́р (позжэды́р), сыр Ёв отджидыя́.

Marko 9:19

Ису́со отпхэндя́ кадасавэ́ лавэ́нца: “О, напатяибнытко ро́до! Кицы́ Ма́нгэ тэ явав тумэ́нца? Ци бут Ма́нгэ тэ вырикирав тумэн? Янэ́н лэс кэ Мэ!”

Isajos 7:9

А Ефремоскиро шэро́ исын Сама́рия, а Самариякиро шэро́ исын Ремалияскиро чхаво́. Ко́ли тумэ́ на патя́на, то тумэ́ кэрэнэ адя́кэ, палдова́, со тумэ́ на упатя́ндынэ.”

4 Kralip 7:19

Тэды и отпхэндя́ дава́ тхагарискиро-помогибнаскиро (сановнико) Дэвлэ́скирэ манушэ́скэ и пхэндя́: “Ко́ли бы Дэвэ́л и отчхакирдя́ фэнштры пэ болыбэ́н, и тэды ци могинэлас дава́ тэ явэ́л?” А ёв пхэндя́: “Дыкхэ́са тырэ́ якхэ́нца, нэ тэ хас дава́ на явэ́са.”

4 Kralip 7:2

И отпхэндя́ тхагарискиро-ману́ш, пэ васт савэскиро кра́ли чхудя́ кунь, Дэвлэ́скирэ манушэ́скэ, и пхэндя́: “Ко́ли бы Дэвэ́л и тэ отчхакирэл фэнштры пэ болыбэ́н, и тэды, ци могинэ́ла дава́ тэ явэ́л?” И пхэндя́ одова́: “Ѓа́да, дыкхэ́са тырэ́ якхэ́нца, нэ тэ хас дава́ на явэ́са.”

Čysly 20:12

И пхэндя́ Рай Дэвэ́л Мойза́скэ и Аароно́скэ: “Пал дова́, со тумэ́ на патяндынэ́ Ма́нгэ, соб (кай) тэ сыкавав Мири́ свэнтыма анги́л якха́ Израилёскирэ чхавэ́нгирэ, тумэ́ на залыджана адалэ́ манушэ́н пэ пхув, сави́ Мэ да́ва лэ́нгэ.”

Vygiiben 4:11

И Рай Дэвэ́л пхэндя́: “Кон дыя́ ушта́ манушэ́скэ? Кон кэрэ́ла манушэ́с бичибакирэса, ци кашукэса, ци дыкхибнытконэса, ци корорэса? Ци на Мэ сом Рай Дэвэ́л?

Римлянэнгэ 3:3

И со ж? Ко́ли бут лэ́ндыр на упатя́ндынэ дрэ Дэвлэ́стэ, тэды ци могинэ́ла лэ́нгиро начачипэ́н тэ хасякирэ́л Дэвлэ́скиро чачипэ́н?

Дание́лё 10:15

Ке́ли ёв ракирэ́лас ма́нгэ дасавэ́ лава́, мэ пыём мо́са кэ пхув и яцём муто (немо).

Luka 1:19

И Янго́ло отпхэндя́ Лэ́скэ: “Мэ сом Гавриило, мэ сом тэрдо́ пашы́л Дэвлэ́стэ. Ёв бичхадя́ ман тэ пхэна́в ту́кэ и тэ янав ту́кэ дава́ бахтало́ лав,

Luka 1:21

И мануша́ ужакирдэ Захарияс и дивиндлэ́пэ пэ дава́, со ёв ґара́ (длу́гэс) на джа́лас яври́ Кхангирья́тыр.

Luka 1:64

И екха́тыр Захарияскиро муй откэрдяпэ, лэ́скири чиб отпхандяпэ, и ёв лыя́ тэ ракирэ́л, и тэ шарэл Дэвлэ́с.