Luka 1:17 - Библия - Пэ Балтитко Романи чиб (Романэс) 2019

¹⁷ И ёв явэ́ла анги́л Растэ-Дэвлэ́стэ, зорья́са и духо́са сыр Или́я, и ёв кэрэ́ла рама́не (миро) машки́р дадэндэ и чхавэ́ндэ, рискирэ́ла пэ чачуно́ дром кодолэ́н, савэ́ на кандэ́на Дэвлэ́с, соб (кай) тэ скэдэл манушэ́н ваш Ра́скэ-Дэвлэ́скэ.”

Biblija - Pe Baltitko Romani čib (Romanes) 2019

¹⁷ I jov javéla angíl Raste-Devléste, zorjása i duhósa syr Ilíia, i jov keréla ramánie (miro) maškír dadende i čhavénde, riskiréla pe čačunó drom kodolén, savé na kandéna Devlés, sob (kaj) te skedel manušén vaš Ráske-Devléske.”

Luka 1:17 Referans Kwoze

Матфеё 11:14

И ко́ли тумэ́ закамэна тэ прилэ́н лэс, Иа́но исын сы́рбы Или́я, савэ́скэ трэиндя́ тэ явэ́л.

Luka 1:76

И тут, чхаворо́, явэ́на тэ кхарэ́н пророкоса Най Вучэдырэскирэса, пал-дова́ со ту явэ́са тэ джас анги́л Растэ-Дэвлэ́стэ тэ скэдэс дром Лэ́скэ,

Joannostir 3:28

Тумэ́ кокорэ́ сан якхи́тка Ма́нгэ дро дова́, со мэ пхэндём: ‘Мэ на сом Христо́со, мэ со́мас бичхадо́ анги́л Лэ́стэ’.

Psalmy 78:8

Мэк тэ на явэ́н ёнэ сыр лэ́нгирэ дада́, савэнгиро ро́до сыс накандуно и бунтяритко, и конэ́скиро ро́до на сарэ́са рискирдя́ Пэскро ило́ Дэвлэ́скэ, и конэ́скиро ду́хо (фа́но) на сыс патяибны́тко Дэвлэ́скэ.

1 Паралипоменоно 29:18

Раё Дэ́вла, Дэ́вла Авраамо́скиро, Исаакоскиро и Израилёскиро, дадэнги́рэ-амарэнгиро! Зра́кх дава́ пэ ве́ко, дава́ отлыджыибэн думкакиро, пэ илэ манушэ́нгирэ Тырэнгирэ, и ян ило́ лэ́нгиро кэ Ту.

Sykadyipén 20:4

И мэ дыкхцём троны и одолэ́н, савэ́ бэшэнас пал сками́нд, савэ́нгэ сыс дыно́ тэ сэндякирэн. И мэ дыкхцём дия́ одолэнгирэ, конэ́скэ чингирдэ шэрэ́, палдова́ со ёнэ допхэнэнас пал Христосо́стэ и пал Дэвлэ́скиро лав. Ёнэ на клониндлэпэ патыва́са анги́л рискирибна́скирэ мурдалэ́стэ ци анги́л лэ́скири патри́н (о́бразо), ёнэ на прилынэ́ клеймоскири шпэ́ра пэ чэка́т ци пэ лэ́нгиро васт. И ёнэ отджидынэ и кралиндлэ Христосо́са бар бэрш.

1 Petr 2:9

Нэ тумэ́ сан выкэдынэ́ бияныпнастыр, кралитка рашая́, свэ́нта мануша́ Дэвлэ́скирэ миштыпна́стыр, соб (кай) тэ выпхэнэн лачхипэ́н пал Лэ́стэ, Саво́ кхардя́ тумэн калыпна́стыр дро дивно Лэ́скиро дуд (свэ́то);

Колосянэнгэ 1:12

парикири́ Дадэ́скэ, Саво́ кхардя́ тумэн кэ дуд кхэтанэ́ сарэ́ свэнтонэ́ манушэ́нца,

Psalmy 111:10

Кон лэ́ла тэ дарэл Ра́стыр-Дэвлэ́стыр, одова́ лэ́ла годы́ пэ́скэ, а сарэ́ндэ, кон дживэ́ла и кэрэ́ла пир Лэ́скирэ припхэныбэна́, исын лачхи́ годы́. Тэ шарэ́н Лэс пэ сарэ́ ве́ки.

2 Ximaske 2:21

ко́ли вари-кон выжужакирэ́ла пэс кадалэ́ грэхэ́ндыр, ёв явэ́ла сыр чаро́, саво́ лэ́на ваш свэ́нко и саво́ трэй лэ́скирэ Ра́скэ пэ кажно лачхо́ рэ́ндо.

Isajos 29:24

Тэ́ньци одолэ́, кон блэндынэла духо́са, прилэ́ла годы́, а кодолэ́, кон на кандэ́ла, сыклёна, сыр тэ кандэ́н.”

Римлянэнгэ 9:23

соб (кай) ты сыкавэ́л Пэ́скиро барвалыпэ́н дрэ сла́ва тангипнаса пэ манушэ́ндэ, савэ́н Ёв выкэдыя́ ваш сла́ва,

Apostolengiri Butý 10:33

Палдава́ мэ дрэ дава́-паць часо бичхадём манушэ́н пал ту́тэ и ту куч кэрдя́н, со явдя́н. Какана́ амэ сарэ́ ада́й сам анги́л Дэвлэ́стэ тэ шунас саро́, со Дэвэ́л пхэндя́ ту́кэ, соб (кай) ту тэ пхэнэ́с амэ́нгэ.”

Joannostir 1:34

Мэ дыкхцём дава́ и допхэнава, со Ёв исын Дэвлэ́скиро Чхаво́”

Joannostir 1:13

Дава́ сыс кадалэ́ чхавэ́, савэ́ бия́ндынэ на ратэстыр и на пир лочакиро камибэн на пир манушэскири во́ля, а Дэвлэ́стыр сыс бияндлэ.

Luka 1:16

и ёв рискирэ́ла палэ кэ Лэ́нгиро Рай Дэвэ́л бутэн Израилёскирэ чхавэ́н.

Матфеё 14:4

пал-дова́ со Иа́но ракирдя́ лэ́скэ: “Ту́кэ нашты́ тэ лэс ла.”

Amoso 4:12

‘Палдава́ адя́кэ Мэ кэра́ва ту́кэ, о Израилё: и пир дова́, со Мэ адя́кэ кэра́ва ту́кэ, яв скэдыно́ тэ дыкхэспэ Ма́нца, тырэ́ Дэвлэ́са, о Израилё.”

Psalmy 10:17

[38] Раё Дэ́вла, Ту шунэса, пал со мангнэпэ Ту́кэ одолэ́, савэ́ страдынэна явирэндыр, Ту зорьякирдян лэ́нгиро ило́.

2 Паралипоменоно 29:36

И радындяпэ Езэки́я и сарэ́ мануша́ пал дова́, со Дэвэ́л адя́кэ рискирдя́ манушэ́н; пал-дова́ со дава́ кэрдя́пэ наужакири.

3 Kralip 21:20

И пхэндя́ Аха́во Илияскэ: “Латхян ту ман, вэ́рго миро!” Ёв пхэндя́: “Латхём, пал-дова́ со ту отдыян пэс адя́кэ, со ту кэрэ́са фуипэ́н анги́л якха́ Ра́скирэ-Дэвлэ́скирэ.”

3 Kralip 17:1

И пхэндя́ Или́я Фесвитянино, екх манушэ́ндыр, савэ́ дживдэ́ кэ Галаа́до, Ахавоскэ: “Тэ явэ́л джидо́ Рай Дэвэ́л, Дэвэ́л Изра-илёскиро, анги́л Савэ́стэ мэ сом тэрдо́! Дрэ далэ́ бэрша́ на явэ́ла ни пахлын (роса), ни брышы́нд, ко́ли фэ́ни (то́ка) явэ́ла пир миро лав”

1 Ian 2:28

Ѓа́да, бияты, ячэ́нпэ дро екхипэ́н Христосо́са, соб (кай) Ёв, ке́ли сыкадёла, тэ явэ́л амэ́ндэ зорало́ патяибэ́н и тэ на явэ́л ладжаво анги́л Лэ́стэ, ке́ли Ёв явэ́ла.

Матфеё 3:4

Кокорэстэ Ианостэ сыс урибэ́н верблюдытконэ балэндыр; цыпитко кусты́к пэ лэ́скирэ маса́; лэ́скиро хабэ́н сыс акриды и авги́н (мэда) фэлдытко.

4 Kralip 1:16

И пхэндя́ Или́я лэ́скэ: “Адя́кэ ракирэ́ла Рай Дэвэ́л: ‘Палдова́, со ту бичхадян манушэ́н тэ пхучэспэ Веельзевулостыр, Акароно́скирэ дэвлыткиматыр, сы́рбы дро Израилё нанэ Дэвлэ́с, соб (кай) тэ пхучэспэ пал лав Лэ́скиро, – чхуибнастыр, пэ саво́ ту пасиян, на зджаса лэ́стыр, а мэрэ́са.’”

3 Kralip 18:18

И отпхэндя́ Или́я: “Мэ на кэра́ва пхарипэ́н Израилёскэ; нэ дава́ ту, и тырэ́-дадэ́скиро кхэр кэрэ́на дава́ далэ́са, со тумэ́ мэкнэ́ припхэныбэна́ Ра́скирэ-Дэвлэ́скирэ и джа́на пал Ваало.

1 Kralip 7:5

И пхэндя́ Самуи́ло: “Скэдэ́н сарэ́н Израильтянэ́н дро Маси́фа, и мэ помангавапэ пал тумэ́ндэ Ра́скэ-Дэвлэ́скэ.”

Матфеё 3:3

Пал-дова́ со ёв исын одова́, пал конэ́стэ пхэндя́ проро́ко Исаё: “Дава́ исын зан, сави́ дэ́ла го́дла пир чхучи́ пхув: ‘Кэрэ́н дром Ра́скэ-Дэвлэ́скэ, чхувэ́н Лэ́скэ маму́й (пря́мо) дром.’”