Luka 1:1 - Библия - Пэ Балтитко Романи чиб (Романэс) 2019

¹ Пал-дова́ со, сыр бут мануша́ ужэ лынэпэ тэ чхинэн роспхэныбэн пал дова́, со сыс машки́р амэ́ндэ и, со исын древа́н джиндло́ тумэ́нгэ,

Biblija - Pe Baltitko Romani čib (Romanes) 2019

¹ Pal-dová so, syr but manušá uže lynepe te čhinen rosphenyben pal dová, so sys maškír aménde i, so isyn drieván džindló tuménge,

Luka 1:1 Referans Kwoze

1 Ximaske 3:16

И сарэ́ приґалынэ, со баро́ гарадо́ чачипэ́н исын дро амаро́ дэвлыткимакиро патяибэ́н: Дэвэ́л явдя́ дрэ манушы́тко лоч (плоть), Ду́хо (Фа́но) приґалыя Лэс чачунэса, сыкадя́ Пэс Янголэнгэ, пал Лэ́стэ роспхэндлэ́ машки́р сарэ́ манушэ́ндэ, дрэ Лэ́стэ упатяндыя свэ́то и Ёв сыс лыно́ упрэ́ дрэ сла́ва пэ болыбэ́н.

Joannostir 20:31

нэ саро́, со сыс чхиндло́ дрэ дая́ лылвари́, исын ваш тумэ́нгэ, соб (кай) тумэ́ тэ патя́н, со Ису́со исын Христо́со, Дэвлэ́скиро Чхаво́, и пир патяибэ́н дрэ Лэ́стэ, тумэ́ тэ дживэ́н Лэ́скирэ лавэ́стыр.

2 Ximaske 4:17

Нэ Рай Дэвэ́л сыс пашы́л ма́ндэ, Ёв дыя́ ма́нгэ зор, соб (кай) пир ма́ндэ тэ ячэ́л пхэныбэ́н пал Дэвлэ́стэ зоралэды́р и соб (кай) ман тэ шунэ́н сарэ́ мануша́, савэ́ исын На́юды, и соб (кай) ма́нгэ тэ зракхавпэ шчэрэ́скирэ (лево́скирэ) дандэндыр.

Marko 16:20

И ёнэ выгинэ́ и роспхэндлэ́ лав усенде (везде), Рай Дэвэ́л сыс пашы́л лэ́нгирэ рэ́нды и Ёв допхэнэлас лэ́нгирэ лавэнгиро чачипэ́н знамение́нца (ґертыкэ́нца), савэ́ джа́нас ада́й жэ пал лэ́нгирэ лава́.

Римлянэнгэ 4:21

Ёв древа́н патяндыя, со Дэвлэ́стэ исын зор, и ёв кэрэ́ла дова́, пал со Ёв дыя́ лав;

Римлянэнгэ 14:5

Екх ману́ш гинэ́ла, со екх дывэ́с исын буты́р свэ́нто, сыр яви́р, а яви́р ману́ш гинэ́ла екх дывэ́с адя́кэ-паць, сыр и яви́р. Мэк кажно ману́ш тэ кэрэ́л саро́ пир пэ́скиро патяибэ́н.

Колосянэнгэ 2:2

соб (кай) лэ́нгирэ илэ тэ явэ́н подрикирдэ, соб (кай) ёнэ тэ явэ́н кхэтанэ́ дрэ паты́в кэ яви́р мануша́ ваш кажно барвалыпэ́н, тэ уджинэ́н пхэрдэ́с Дэвлэ́скиро гарадо́ чачипэ́н пал Христосо́стэ,

Колосянэнгэ 4:12

Пиридэла “рама́нё” тумэ́нгэ тумаро́ Епафрасо, Исусо́скирэ-Христосо́скиро писха́ри, саво́ саро́ часо мангэлапэ Дэвлэ́скэ зоралэ́с пал тумэ́ндэ, соб (кай) тумэ́ тэ явэ́н тварда и зоралэ́ дро патяибэ́н и тэ кэрэ́н саро́ пир Дэвлэ́скири во́ля.

1 Фесалоникийцэнгэ 1:5

пал-дова́ со амаро́ роспхэныбэн пал бахталы́ зан (звесь) сыс тумэ́ндэ на со екхэ лавэ́нца, нэ и зорья́са и Свэнтонэ́ Духо́са бутэ́ допхэныбнаса, сыр тумэ́ кокорэ́ джинэ́на, савэ́ амэ са́мас ваш тумэ́нгэ.

Юдэ́нгэ 6:11

Амэ камаса, соб (кай) кажно ману́ш тумэ́ндыр тэ патял хачкирдэ́ илэ́са кэ ко́нцо (кэ яго́ро),

Юдэ́нгэ 10:22

палдава́ явэ́н пашылэды́р кэ Дэвэ́л чачунэ́ илэ́са, пхэрдэ́ патяибна́са, соб (кай) тэ явэ́н амарэ́ илэ выжужакирдэ грэхэ́ндыр и тэ на чуинас фуес, со амэ сам бангэ́; тэ явэ́н амарэ́ маса́ обмордэ жужэ́ пане́са.