Левито 8:3 - Библия - Пэ Балтитко Романи чиб (Романэс) 2019

³ и скэ́дэ сарэ́ манушэ́н кэ скэдыибна́скири ша́тра кэ загиибэ́н.”

Biblija - Pe Baltitko Romani čib (Romanes) 2019

³ i skéde saré manušén ke skedyibnáskiri šátra ke zagiibén.”

Левито 8:3 Referans Kwoze

Apostolengiri Butý 2:1

Ке́ли явдя́ Духо́скирэ-свэнкитко дывэ́с (Ду́хо), сарэ́ сыкляибны́тка скэдынэ́пэ кхэтанэ́.

2 Паралипоменоно 30:13

И скэдынэ́пэ дро Ерусалимо древа́н бут мануша́ тэ свэнкинэн свэ́нко опреснокэнгиро, пэ яви́р чхон, – скэдыибэ́н древа́н баро́.

Psalmy 22:25

Пал-дова́ со Ёв на дыкхця́ вучипна́стыр, и рисия кэ страдындлэ мануша́, ке́ли сыс пхаро́; и Ёв на отрисия лэ́ндыр, нэ ке́ли ёнэ дынэ́ го́дла Лэ́скэ, тэ дэл васт, Ёв шундя́.

Ниеми́я 8:1

Ке́ли яця́ эфта́то чхон, и дживдэ́ Израилёскирэ чхавэ́ пир пэ́скирэ фо́рья, тэды скэдынэ́пэ сарэ́ мануша́, со кэ екх ману́ш, пэ форуны́ (плошча), саво́ сыс анги́л Панитко по́рта, и пхэндлэ́ лылваритконэскэ (книжникоскэ) Ездраскэ, соб (кай) ёв тэ янэл Мойза́скирэ-Законоскири лылвари́, сави́ припхэндя́ Рай Дэвэ́л Израилёскэ.

2 Паралипоменоно 30:25

И радындлэпэ сарэ́ мануша́, савэ́ скэдынэ́пэ Юдэндыр, и рашая́, и Леви́ты, и сарэ́ скэдынэ́ мануша́, савэ́ явнэ́ Израилёстыр, и мануша́, савэ́ явнэ́ явирэ ригэ́ндыр, яви́ Израильсконэ пхувья́тыр и савэ́ дживдэ́ кэ Юдэ́я.

2 Паралипоменоно 30:2

И обракирдэ кра́ли, и лэ́скирэ тхага́рья, и саро́ скэдыибэ́н дро Ерусалимо – тэ кэрэ́н Патради́ пэ яви́р чхон;

2 Паралипоменоно 5:6

Кра́ли Соломо́но и сарэ́ Израилёскирэ мануша́, савэ́ скэдынэ́пэ кэ ёв анги́л ковчэго, янэ́нас свэ́нта дыибэна́ Ра́скэ-Дэвлэ́скэ бакрэ́ндыр и гурувэндыр, савэ́н сыс нашты́ тэ згинэс и тэ уджинэс, пал-дова́ со лэн сыс древа́н бут.

2 Паралипоменоно 5:2

Тэды скэдыя́ Соломо́но Израилёскирэ пхурыдырэн и сарэ́н шэралэн пэ ро́дыцы, барыдырэ́н Израилёскирэн пэ чхавэ́нгирэ стрэ́чы, дро Ерусалимо, соб (кай) тэ лыджа́н пэ яви́р штэ́то Дэвлэ́скирэ-завето́скиро ковчэго Давидо́скирэ форо́стыр, Сионо́стыр.

1 Паралипоменоно 15:3

И скэдыя́ Дави́до сарэ́н Израильтянэ́н дро Ерусалимо, соб (кай) тэ лыджа́н Дэвлэ́скиро ковчэго пэ лэ́скиро штэ́то, саво́ ёв ваш лэ́скэ кэрдя́.

1 Паралипоменоно 13:5

Адя́кэ скэдыя́ Дави́до сарэ́н Израильтянэ́н, Шихоростыр Египтоскирэстыр кэ загиибэ́н дро Емафо, соб (кай) тэ янэ́н Дэвлэ́скиро ковчэго о Кири́аф-Иаримостыр.

Čysly 21:16

Одотхы́р гинэ́ ёнэ кэ Беэр, дава́ исын ґаны́нг, пал сави́ Рай Дэвэ́л пхэндя́ Мойза́скэ: “Скэ́дэ манушэ́н, и Мэ да́ва лэ́нгэ пани́.”

Čysly 20:8

“Лэ дэсто́ кхенингоскиро (жэзло) и скэ́дэ манушэ́н, ту и Ааро́но, тыро́ пшал, и пхэнэ́н дрэ лэ́нгирэ якха́ бэргакэ, и ёй дэ́ла пэ́стыр пани́: и адя́кэ ту кэрэ́са лэ́нгэ пани́ бэрга́тыр, и панякирэса манушэ́н и лэ́нгирэ кхэритконэ́ мурдалэ́н.”

Левито 8:2

“Лэ Аароно́с и лэ́скирэ чхавэ́н лэ́са, и и́ди, и оливи́тко дзэт (елеё) тэ макхэс, и гуруво́рэс (тельцос) ваш свэ́нто дыибэ́н пал грэ́хо и дуе́н бакрэ́н (овнэн), и кхудо (корзина) апреснокэнца,

Левито 8:4

Мо́йза кэрдя́ адя́кэ, сыр пхэндя́ лэ́скэ Рай Дэвэ́л, и скэдынэ́пэ мануша́ кэ скэдыибна́скири ша́тра кэ загиибэ́н.

Čysly 8:9

и ян Левитэ́н анги́л скэдыибна́скири ша́тра, и скэ́дэ саро́ скэдыибэ́н Израилёскирэ чхавэ́нгиро.

Левито 14:11

И раша́й, саво́ жужакирэла, чхувэ́ла манушэ́с, саво́ жужакирэлапэ лэ́нца анги́л Растэ-Дэвлэ́с-тэ пашы́л загиибэ́н дрэ ша́тра скэдыибна́скири;