Левито 7:12 - Библия - Пэ Балтитко Романи чиб (Романэс) 2019

¹² ко́ли вари-кон дро парикирибэн лэс янэ́ла, тэды кхэтанэ́ парикибнаскирэ свэнтонэ́ дыибнаса лэ́скэ трэй тэ янэл пресна марэ́, пиримешындлэ елеёса, и пресна марикля, помакхнэ елеёса, и яржо́ парнэ́ гивэстыр, почхудо елеёса, марэ́, пиримешындлэ елеёса;

Biblija - Pe Baltitko Romani čib (Romanes) 2019

¹² kóli vari-kon dro parikiriben les janéla, tedy khetané parikibnaskire sventoné dyibnasa léske trej te janel priesna maré, pirimiešyndle jeliejosa, i priesna mariklia, pomakhne jeliejosa, i jaržó parné givestyr, počhudo jeliejosa, maré, pirimiešyndle jeliejosa;

Левито 7:12 Referans Kwoze

Čysly 6:15

и кхудо (корзина) опреснокэнца пшеничнонэ яржэстыр, маро́, саво́ сыс спэкно елеёса, и пресна марикля, савэ́ сыс помакнэ елеёса, и пашы́л лэ́ндэ маруно́ яныбэ́н и вычхуибэн;

Левито 2:4

Ко́ли янэса свэ́нто дыибэ́н сыр маруно́ яныбэ́н, саво́ исын пэкно дро бов, тэды ян пшенична марэ́ пресна, пиримешындлэ елеёса, ци пресна марикля, помакхнэ елеёса.

1 Petr 2:5

и кокорэ́ тумэ́, савэ́ сан сы́рбы джидэ́ бара́, кэрэ́н пэ́стыр духовно кхэр тэ мангэ́лпэ Дэвлэ́скэ, соб (кай) тумэ́ тэ явэ́н свэ́нта рашая́, соб (кай) тэ янэ́н свэ́нто дыибэ́н, савэ́скэ явэ́ла радо Дэвэ́л пир Исусо́стэ Христосо́стэ.

Юдэ́нгэ 13:15

Палдава́ ява́са саро́ часо пир Исусо́стэ тэ славинас Дэвлэ́с лавэ́нгирэ-свэнтонэ́ дыибнаса, – дава́ исын амарэ́ лава́, ке́ли амэ приджинаса, со Ёв исын амаро́ Рай Дэвэ́л.

Эфесянэнгэ 5:20

усады (сак) парикирэ́н пал саро́ Дэвлэ́скэ и Дадэ́скэ, ваш амарэ́ Ра́скирэ-Дэвлэ́скирэ, Исусо́скиро Христосо́скиро лав,

Римлянэнгэ 1:21

Ёнэ джиндлэ́ Дэвлэ́с, нэ ёнэ на славиндлэ Лэс, сыр Дэвлэ́с, и на парикирэнас Лэ́скэ: ёнэ ячнэ́ тэ кошэнпэ, ке́ли пириракирэнас, и лэ́нгирэ нагодьварэ илэ тасадынэ дро калыпэ́н:

Luka 17:18

Ёнэ на рисинэ́ палэ тэ парикирэ́н Дэвлэ́с апри́ч адалэ́ чужонэ́ манушэ́стэ.

Luka 17:16

и ёв пыя́ мо́са кэ Исусо́скирэ ґэра́ и парикирдя Лэ́скэ; ёв сыс Самарянино.

Osija 14:2

О Израиле! Рисёв палэ кэ Рай Дэвэ́л, тыро́ Дэвэ́л, пал-дова́ со ту обштадянпэ ґэрьяса пал пэ́скиро чорипэ́н.

Psalmy 116:17

[8] Мэ яна́ва Ту́кэ свэ́нто дыибэ́н (жэ́ртва) парикирибнаса, соб (кай) тэ парикирэ́н Ту́кэ, и мэ ява́ва тэ кхарав Ра́скирэ-Дэвлэ́скиро лав.

Psalmy 107:8

Мэк сарэ́ тэ парикирэ́н Ра́скэ-Дэвлэ́скэ пал Лэ́скири лачхэ́-илы́ткима и сарэ́ Лэ́скирэ ди́вна бутя́ манушэ́нгирэ чхавэ́нгэ,

Ереме́ё 33:11

явэ́ла нэвэ́стыр зан радыма́са, явэ́ла весёло (багаибнытко) зан, явэ́ла зан тэрнэскири и зан тэрнякири, зан одолэ́ манушэ́нгири, савэ́ пхэнэ́на: ‘Парикирэ́н болыбна́скирэ-янголэ́нгиро Ра́скэ-Дэвлэ́скэ, пал-дова́ со Рай Дэвэ́л исын лачхо́, пал-дова́ со Лэ́скири ла́ска (тангипэ́н) ячэ́лапэ пэ сарэ́ ве́ки’, – и зан кодолэнгири, савэ́ янэ́на свэ́нта дыибэна́ парикирибнаса кэ Ра́скирэ-Дэвлэ́скири Кхангири́. Пал-дова́ со Мэ рискира́ва [дава́-р.с.] лачхипэ́н пленонэнгэ далэ́ пхувья́тыр, сыр сыс англэды́р,” – ракирэ́ла Рай Дэвэ́л.

Psalmy 50:23

Кон парикирэла Дэвлэ́скэ свэнтонэ́ яныбнаса, кодова́ славинэла Ман и Мэ сыкава́ва лэ́скэ, сыр Дэвэ́л зракхэ́ла лэс, и саво́ придыкхэла пал пэ́стэ тэ дживэ́л пир чачипэ́н.

Ниеми́я 12:43

И янэ́нас дро дова́ дывэ́с барэ́ дыибэна́, и радындлэпэ, пал-дова́ со Дэвэ́л дыя́ лэ́нгэ бари ра́дыма. Радындлэпэ лошаса (радыма́са) и джувля́, и бияты, и ра́дыма (лош) Ерусалимо́скири сыс шундлы дур.

2 Паралипоменоно 33:16

И чхудя́ ёв палэ Ра́скирэ-Дэвлэ́скиро алта́рё, и яндя́ пэ лэ́стэ свэ́нта дыибэна́ Ра́скэ-Дэвлэ́скэ, мирна и шарибнытка, и пхэндя́ Юдэякирэнгэ, соб (кай) ёнэ тэ дынаринэ́н Ра́скэ-Дэвлэ́скэ, Израилёскирэ Дэвлэ́скэ.

2 Паралипоменоно 29:31

И ракирдя́ Езэки́я, и пхэндя́: “Акана́ тумэ́ отдынэ́ пэс Ра́скэ-Дэвлэ́скэ; джа́н и янэ́н свэ́нта дыибэна́ и яныбэ́н тэ парикирэ́н дро Ра́скирэ-Дэвлэ́скиро Кхэр”, и лыджия́ саро́ скэдыибэ́н свэ́нта дыибэна́ и парикирибнаскиро яныбэ́н, кажно (сва́ко), кон сыс лыджино илэ́са, – цэ́ло схачкирибэ́н.

Левито 22:29

Ко́ли янэ́на Ра́скэ-Дэвлэ́скэ парикирибнаскиро свэ́нто дыибэ́н, тэды янэ́н лэс адя́кэ, соб (кай) ёв тэ дэл тумэ́нгэ ла́ска;

Левито 7:15

а мас раманёнэ-свэнтонэ́ дыибна́стыр дро парикирибэн трэй тэ хан дро лэ́скиро яныбнытко дывэ́с, нашты́ тэ ячкирэл лэ́стыр кэ ра́нко (кэ зло́ко).

Левито 6:16

а палатуно́ лэ́стыр мэк тэ хан Ааро́но и лэ́скирэ чхавэ́; пресно трэй тэ хан лэс пэ свэ́нто штэ́то, пэ грэ́да (дво́ро) дрэ скэдыибна́скири ша́тра мэк тэ хан лэс;

Левито 2:5

Ко́ли тыро́ свэ́нто дыибэ́н исын маруно́ яныбэ́н скороведатыр (хичатыр), то тэды дава́ трэй тэ явэ́л пшэнично яржо́, пиримешындло елеёса, пресно;

Amoso 4:5

янэ́н свэ́нта дыибэна́ парикирибнаса пэ рошчына, подэн звесь (зан) и дэн тэ джинэ́н сарэ́нгэ пал во́льно яныбэ́н: дава́ исын пир ило́ тумэ́нгэ, чхавэ́ Израилёскирэ”, – ракирэ́ла Рай Дэвэ́л.