Левито 5:4 - Библия - Пэ Балтитко Романи чиб (Романэс) 2019

⁴ Ци, ко́ли вари-кон, на подумины пэ́скирэ уштэ́нца, совлахадя́ тэ кэрэ́л вари-со на́лачхо ци лачхо́, саво́ б тэ на явэ́л дава́ рэ́ндо (де́ло), дрэ саво́ на думины мануша́ совлахана, и ёв на джиндя́ дава́, нэ коригэды́р уджинэла, тэды ёв дро дава́ явэ́ла банго́.

Biblija - Pe Baltitko Romani čib (Romanes) 2019

⁴ Ci, kóli vari-kon, na poduminy péskire ušténca, sovlahadiá te kerél vari-so nálačho ci lačhó, savó b te na javél davá réndo (diélo), dre savó na duminy manušá sovlahana, i jov na džindiá davá, ne korigedýr udžinela, tedy jov dro davá javéla bangó.

Левито 5:4 Referans Kwoze

Apostolengiri Butý 23:12

Ке́ли яця́ дывэ́с, Юды зракирдэпэ машкира́л пэ́стэ и дынэ́ совла́х, тэ на хан и тэ на пьен, пака ёнэ замарэна Павли́с.

Marko 6:23

И ёв совлахадя́ ла́кэ: “Манг ма́ндыр дова́, со ту́кэ исын пир ило́, саро́ ту́кэ отда́ва! Аж кэ паш миро кралипэ́н!”

Сэндарьенгири Лылвари́ 11:31

то тэды пир миро рисибэн раманёса (миро́са) Амонитянэндыр, со выджа́ла мирэ́ кхэрэ́скирэ вударэндыр пэ стреч ма́нгэ, явэ́ла Ра́скэ-Дэвлэ́скэ, и мэ яна́ва дава́ пэ цэ́ло схачкирибэ́н.”

1 Kralip 25:22

мэк дова́ и дова́ тэ кэрэ́л Рай Дэвэ́л Давидо́скирэ вэргэнца, и ишчо (инкэ́) буты́р кэрэ́ла, ко́ли кэ зло́ко, ке́ли дывэсёла, сарэ́стыр, со исын Навалостэ, мэ ячкирава хоць екхэ джидэ́ муршэ́с.”

Čysly 30:8

и шунэ́ла ла́киро ром, и шуны, ничи́ на пхэнэ́ла: тэды ла́кири совэ́л явэ́ла, и ла́кирэ отпхэныбэна, савэ́ ёй чхудя́ пэ пэ́скиро ило́, явэ́на;

Матфеё 14:9

И кра́ли пыя́ дро ду́хо (фа́но), нэ пал совла́х и манушэ́ндэ, савэ́ сыс бэштэ́ лэ́са, припхэндя́ тэ дэл ла́кэ,

Матфеё 14:7

со ёв дыя́ лав совлахаса тэ дэл ла́кэ саро́, соб (кай) ёй тэ на помангэл.

4 Kralip 6:31

И пхэндя́ ёв: “Мэк дова́ и дова́ кэрэ́ла ма́нгэ Дэвэ́л, и ишчо (инкэ́) буты́р кэрэ́ла, ко́ли ячэ́лапэ шэро́ Елисеёскиро, Сафатовоскирэ-чхавэ́скиро, пэ лэ́стэ ададывэ́с.”

2 Kralip 21:7

Нэ тангиндя кра́ли Мефивосфеёс, Ионафаноскирэ чхавэ́с, Сауло́скирэ чхавэ́с, ваш совэ́л Ра́скирэ-Дэвлэ́скирэ лавэ́са, сави́ сыс машки́р лэ́ндэ, машки́р Давидо́стэ и Ионафаностэ, Сауло́скирэ чхавэ́стэ.

1 Kralip 1:11

и ёй дыя́ совэ́л, ракири́: “Раё-Дэ́вла, болыбна́скирэ-янголэ́нгиро! Ко́ли ту подыкхэса пэ Тырэ́ дынарицакиро пиридживипэн, и пририпирэса пал ма́ндэ, и на бистрэса Тырья дына́рица, и дэ́са Тырэ́ дынарицакэ чхаворэс, то тэды мэ отда́ва лэс Ра́скирэ-Дэвлэ́скири пэ сарэ́ лэ́скирэ джиибна́скирэ дывэса́, и бритва (мурадлуны) на чилавэ́ла лэ́скиро шэро́.

Сэндарьенгири Лылвари́ 21:18

нэ амэ на могинаса тэ дас лэ́нгэ джувле́н амарэ́ чхаендыр; пал-дова́ со Израилёскирэ чхавэ́ совлахадэ, ракири́: ‘Прокошно́ явэ́ла, кон дэ́ла джувля́ Вениаминоскэ.’”

Сэндарьенгири Лылвари́ 21:7

сыр тэ кэра́с амэ́нгэ, савэ́ ячнэ́пэ лэ́ндыр, со касынэлапэ джувле́н (ромнен), ке́ли амэ совлахадям Ра́са-Дэвлэ́са тэ на дас лэ́нгэ амарэ́ чхаендыр?”

Сэндарьенгири Лылвари́ 9:19

Ко́ли тумэ́ какана́ пир чачипэ́н и пир патябэн кэрдэ́ Иероваалоса и лэ́скирэ кхэрэса, тэды радынэ́нпэ пал Авимелехостэ, и ёв мэк тэ радынэ́лпэ пал тумэ́ндэ;

Isúso 9:15

И кэрдя́ Ису́со лэ́нца рама́нё (миро), и кэрдя́ лэ́нца доракирибэ́н дрэ дова́, со ёв зракхэ́ла лэ́нгэ джиибэ́н; и совлахадэ лэ́нгэ скэдыибнаскирэ барыдыра́.

Isúso 2:14

Адалэ́ мануша́ пхэндлэ́ ла́кэ: “Ди амаро́ заме́ст тумэ́ндэ мэк тэ явэ́л отдыно́ мэрибна́скэ, ко́ли тумэ́ на отчхакирэна дава́ рэ́ндо амаро́; ке́ли Рай Дэвэ́л отдэ́ла амэ́нгэ пхув, амэ кэра́са ту́кэ тангипэ́н и чачипэ́н”.

Čysly 30:6

ко́ли ла́киро дад, шундя́, и припхэнэла ла́кэ тэ на рикирэ́л совэ́л дурэды́р, тэды сарэ́ ла́кирэ совэла и отпхэныбэна, савэ́ ёй чхудя́ пэ пэ́скиро ило́, на явэ́на дрэ зор, и Рай Дэвэ́л отмэкэ́ла ла́кэ, пал-дава́ со ла́кэ запхэндя ла́киро дад.

Левито 5:3

Ци ко́ли ёв чилавэлапэ кэ манушэ́скиро нажужыпэн (начыстота), саво́ тэ на явэ́л дава́ нажужыпэн, савэ́стыр магирэнапэ, и ёв на джиндя́ дава́, нэ коригэды́р (позжэды́р) ёв уджинэла, тэды ёв явэ́ла банго́.

Левито 5:13

и адя́кэ выжужакирэ́ла лэс раша́й лэ́скирэ грэхостыр, саво́ ёв кэрдя́ дро вари-со далэ́ ваканцыендыр (случаендыр), и отмэкно лэ́скэ явэ́ла; а со ячэ́лапэ, дова́ явэ́ла раша́скэ, сыр маруно́ яныбэ́н.

Psalmy 106:33

ёнэ адя́кэ холякирдэ Мойза́скиро ду́хо (фа́но), со ёв древа́н сы́гэс ракирдя́.