Левито 5:1 - Библия - Пэ Балтитко Романи чиб (Романэс) 2019

¹ Ко́ли вари-кон кэрэ́ла грэ́хо долэса, со шундя́ прокошыбнаскири зан и сыс якхи́тко, ци дыкхця́ ци джиндя́, нэ на пхэндя́ дава́, тэды ёв лыджа́ла пэ пэ́стэ грэ́хо.

Biblija - Pe Baltitko Romani čib (Romanes) 2019

¹ Kóli vari-kon keréla grého dolesa, so šundiá prokošybnaskiri zan i sys jakhítko, ci dykhciá ci džindiá, ne na phendiá davá, tedy jov lydžála pe péste grého.

Левито 5:1 Referans Kwoze

Левито 5:17

Ко́ли вари-кон кэрэ́ла грэ́хо и кэрэ́ла вари-со проти Ра́скирэ-Дэвлэ́скирэ припхэныбэна́, со на трэиндя́ тэ кэрэ́л, и пир наджиныбэн кэрэ́лапэ бангэса и лыджа́ла пэ пэ́стэ грэ́хо,

Pritčy 29:24

Кон исын кхэтанэ́ чорэса, одова́ ману́ш сы́рбы зоралэ́с исын на пир ило́ кокоро́ пэ́скэ: ёв шунэ́ла сыр прокошэна лэс, нэ ёв на сыкавэ́ла лэс.

Матфеё 26:63

Нэ Ису́со сыс штыл. И пэ́рво раша́й пхэндя́ Лэ́скэ: “Засовлахава Тут Дэвлэ́са Джидэса: пхэн амэ́нгэ, ци Ту сан Христо́со, Чхаво́ Дэвлэ́скиро?”

Левито 19:8

кон лэ́ла ла тэ хал, одова́ лыджа́ла пэ пэ́стэ грэ́хо, пал-дова́ со ёв магирдя Ра́скирэ-Дэвлэ́скири свэнтыма, и хасёла дова́ ди пэ́скирэ манушэ́ндыр.

Левито 7:18

ко́ли явэ́на тэ хан мас мирнонэ-жэртвакиро пэ три́то дывэ́с, тэды ёв на явэ́ла лачхо́; кон ла янэ́ла, одолэ́скэ ни дрэ со на загинэлапэ: дава́ исын магирипэ́н, и кон явэ́ла лэс тэ хал, одова́ лыджа́ла пэ пэ́стэ грэ́хо;

Езэкилё 18:4

Акэ, кажнонэ́-манушэ́скиро ди исын Миро: сыр дадэ́скиро ди, адя́кэ и чхавэ́скиро ди. О ди, саво́ кэрэ́ла грэ́хо, мэрэ́ла.

3 Kralip 8:31

Ке́ли кон кэрэ́ла грэ́хо проти пашатунэстэ пэскирэстэ и лэс зачхувэна тэ совлахал и ваш совэ́л ёв явэ́ла анги́л алта́рё Тыро́, дрэ дая́ Кхангири́,

Čysly 9:13

а кон исын жужо́ и нанэ дро дром, и на кэрэ́ла Патради́, – хасёла дова́ ди пэ́скирэ манушэ́ндыр, пал-дова́ со ёв на яндя́ свэ́нто дыибэ́н Ра́скэ-Дэвлэ́скэ дрэ пэ́скиро часо: лыджа́ла пэ пэ́стэ грэ́хо одова́ ману́ш,

Левито 20:17

Ко́ли вари-кон лэ́ла пэскирья́ пхэня́, пэ́скирэ-дадэ́скирэ чха ци пэ́скирэ-да́кирэ чха, и удыкхэ́ла ла́киро нангипэ́н, и ёй удыкхэ́ла лэ́скиро нангипэ́н: дава́ исын ладж, мэк тэ явэ́н ёнэ хасякирдэ́ анги́л пэ́скирэ-чхавэ́нгирэ манушэ́нгирэ якха́; ёв отчхакирдя́ пэ́скирэ-пхэнякиро нангипэ́н: пэ́скиро грэ́хо лыджа́ла ёв.

Левито 17:16

ко́ли ёв на выморэла пэ́скирэ урибэна́, и на обморэла пэ́скирэ маса́, тэды ёв тэ лыджа́л пэ пэ́стэ пэ́скири банг.’”

1 Petr 2:24

Христо́со Кокоро́ Пэ́скирэ Масэнца ґаздыя́ амарэ́ грэ́хи пэ трушу́л, соб (кай) амэ тэ явас мулэ́ ваш грэ́хо и тэ джива́с пир чачипэ́н: Лэ́скирэ фра́нсы (раны) высастякирдэ тумэн.

Езэкилё 18:20

О ди, саво́ кэрэ́ла грэ́хи, мэрэ́ла. О чхаво́ на явэ́ла тэ лыджа́л дадэ́скири банг, и дад на лыджа́ла чхавэскири банг; дэвлытконэ́-манушэ́скиро чачипна́скиро чачипэ́н ячэ́лапэ лэ́са, а злыднима фуе́-манушэ́скиро ячэ́лапэ лэ́са.

Isajos 53:11

Бахтало́ явэ́ла Ёв одолэ́стыр тэ дыкхэ́л, со кэрдя́ Лэ́скиро ди; Пэ́скирэ ґалыибнастыр Ёв, чачипна́скиро, писха́ри Миро, зракхэ́ла бут манушэ́н и грэ́хи лэ́нгирэ лыджа́ла пэ Пэ́стэ.

Pritčy 30:9

соб (кай) мэ тэ на явав древа́н чало, и тэ на отпхэнавпэ Ту́тыр, и тэ на пхэна́в: “Кон исын Рай Дэвэ́л?” Ци, соб (кай) мэ тэ на явав чороро́ и тэ на чорав, соб (кай) мэ тэ на пропатякирав мирэ́-Дэвлэ́скиро лав.

Psalmy 38:4

Нанэ лачхо́ штэ́то дро мирэ́ маса́ пал Тыри́ холы́, нанэ састэ кокалы́ ма́ндэ пал миро грэ́хо.

2 Паралипоменоно 18:15

И пхэндя́ лэ́скэ кра́ли: “Ци бут мо́лы ма́нгэ тэ совлахав ту́кэ, соб (кай) ту тэ на ракирэ́с ма́нгэ ничы́, апри́ч чачипэ́н, дро лав Ра́скирэ-Дэвлэ́скиро?”

3 Kralip 22:16

И пхэндя́ лэ́скэ кра́ли: “Кицы́ мо́лы мэ тэ засовлахав тут, соб (кай) ту тэ на ракирэ́с ничы́ ма́нгэ апри́ч чачипнастыр дро лав Ра́скирэ-Дэвлэ́скиро.”

Сэндарьенгири Лылвари́ 17:2

Ёв пхэндя́ пэ́скирэ да́кэ: “Тысёнцо шэл шэ́кели руп, савэ́ ту́тэ лынэ́ и, пал савэ́ ту пашы́л ма́ндэ пхэндя́н прокошыбэна, дава́ руп ма́ндэ, мэ лыём лэс.” Дай лэ́скири пхэндя́: “Бахтякирдо́ тэ явэ́л миро чхаво́ Растэ-Дэвлэ́стэ!”

Левито 5:15

“Ко́ли вари-кон кэрэ́ла чорипэ́н и пир наджиныбэн кэрэ́ла грэ́хо проти дова́ предмето, со сыс обсвэнцындло Ра́скэ-Дэвлэ́скэ, мэк пал пэ́скири банг ёв тэ янэл Ра́скэ-Дэвлэ́скэ бакрэ́нгирэ стадатыр бакрэ́с бидошэнгирэс, пир тыри́ тими́н, рупувэ́ шэкеленца пир шэ́келё свэнтонэскиро, дро свэ́нто дыибэ́н (жэ́ртва) пал чорипэ́н;

Левито 4:2

“Пхэн Израилёскирэ чхавэ́нгэ: ко́ли саво́ ди кэрэ́ла грэ́хо на джины́ проти вари-савэ́ Ра́скирэ-Дэвлэ́скирэ припхэныбэна́ и кэрэ́ла вари-со, со нашты́ тэ кэрэ́л;

Vygiiben 22:11

то совла́х анги́л Растэ-Дэвлэ́стэ мэк тэ явэ́л машки́р дуендэ дрэ дова́, со кон лыя́ пэ зракхибэ́н, на ґаздыя́ пэ́скиро васт пэ пэ́скирэ-пашатунэскиро миштыпэ́н; и хула́й исын банго́ тэ прилэл, а одова́ на явэ́ла тэ плэскирэл;

Ереме́ё 23:10

Пал-дова́ со пхув исын пхэрды́ манушэ́нца, савэ́ камэ́на явирэ дэвлорэн, пал-дова́ со ёй зоралэ́с тугинэла (ровэла) прокошыбнастыр. Чаритка фэ́лды (пастбишчы) пэ чхучи́ пхув шутинэ; пал-дова́ со пророкэнгиро дром исын бибахтало́, и лэ́нгири зор исын дро начачипэ́н.