Левито 3:5 - Библия - Пэ Балтитко Романи чиб (Романэс) 2019

⁵ и Аароно́скирэ чхавэ́ схачкирэна дава́ пэ алта́рё кхэтанэ́ цэлонэ́ схачкирибнаса, саво́ исын пэ кашта́ пэ яг: дова́ исын свэ́нто дыибэ́н, гудло́ тхув, Ра́скэ-Дэвлэ́скэ.

Biblija - Pe Baltitko Romani čib (Romanes) 2019

⁵ i Aaronóskire čhavé shačkirena davá pe altárjo khetané celoné shačkiribnasa, savó isyn pe kaštá pe jag: dová isyn svénto dyibén, gudló thuv, Ráske-Devléske.

Левито 3:5 Referans Kwoze

Левито 6:12

а яг пэ алта́рё мэк тэ хачол, тэ на мурдёл, и мэк раша́й тэ хачкирэл пэ лэ́стэ кашта́ кажно зло́ко (ра́нко), и росчхувэла пэ лэ́стэ цэ́ло схачкирибэ́н, и хачкирэ́ла пэ лэ́стэ чэкэ́н (ту́ко) мирнонэ свэнтонэ́ дыибна́стыр (жэртватыр);

1 Petr 2:5

и кокорэ́ тумэ́, савэ́ сан сы́рбы джидэ́ бара́, кэрэ́н пэ́стыр духовно кхэр тэ мангэ́лпэ Дэвлэ́скэ, соб (кай) тумэ́ тэ явэ́н свэ́нта рашая́, соб (кай) тэ янэ́н свэ́нто дыибэ́н, савэ́скэ явэ́ла радо Дэвэ́л пир Исусо́стэ Христосо́стэ.

Vygiiben 29:13

лэ саро́ чэкэ́н (ту́ко), саво́ учхакирэ́ла букэ (андратунэ́ маса́), и сальнико калэ́ букэса (печонкаса), и дуй букорэ (почки) и ту́ко, саво́ исын пэ лэ́ндэ, и схачкир пэ алта́рё;

Езэкилё 44:15

А рашая́ Левиёскирэ родыцо́стыр, Садокоскирэ чхавэ́, савэ́ дро дова́ часо, ке́ли дуринэ Израилёскирэ чхавэ́, савэ́ ракхэнас Миро штэ́то (свэнтыма), явэ́на кэ Мэ, соб (кай) тэ кэрэ́н буты́ ваш Ма́нгэ, ёнэ явэ́на тэ тэрдён анги́л Миро муй, соб (кай) тэ янэ́н Ма́нгэ чэкэ́н и рат,” – ракирэ́ла Рай Дэвэ́л, Дэвэ́л.

Езэкилё 44:7

Тэ лыджа́н андрэ́ явирэ-манушнякирэ чхавэ́н, конэ́стэ нанэ обчхиндло ило́, нанэ обчхиндлы лоч (плоть), соб (кай) тэ явэ́н пэ Миро свэ́нто штэ́то, савэ́ магирэнас Мири́ Кхангири́; тэ янэ́н Миро маро́, чэкэ́н и рат; соб (кай) тэ пхагирэн Миро завето тумарэ́ джунгалэ́ рэндэ́нца.

2 Паралипоменоно 35:14

А тэ́ньчи (после) кэрдэ́ ваш пэ́скэ и ваш рашангэ: пал-дова́ со рашая́, Аароно́скирэ чхавэ́ сыс залынэ (залымэ) яныбнаса цэлонэ́ схачкирибнастыр кэ рат; палдава́ и кэрадэ Леви́ты ваш пэ́скэ и ваш рашангэ, Аароно́скирэ чхавэ́нгэ.

3 Kralip 8:64

Дрэ дова́-паць дывэ́с обсвэнцындя кра́ли машкиралатуны грэдакири (двороскири) паш, сави́ сыс анги́л Ра́скирэ-Дэвлэ́скири Кхангири́, кэрдя́ ёв одо́й цэ́ло схачкирибэ́н и марэскиро яныбэ́н, и ґаздыя́ ту́ко (чэкэ́н) ваш ми́рно свэ́нто яныбэ́н; пал-дова́ со харкуно алта́рё (жэртвенико), саво́ сыс анги́л Растэ-Дэвлэ́стэ, сыс тыкно́ штэ́то ваш цэ́ло схачкирибэ́н и марэскиро яныбэ́н и ту́ко (чэкэ́н) мирна свэ́нта дыибэна́.

Левито 4:35

и саро́ ла́киро чэкэ́н откэдэла, сыр откэдэлапэ бакрякиро чэкэ́н мирнонэ жэртватыр, и схачкирэ́ла дава́ раша́й пэ алта́рё дро свэ́нто дыибэ́н Ра́скэ-Дэвлэ́скэ; и адя́кэ выжужакирэ́ла лэс раша́й грэхостыр, саво́ ёв кэрдя́, и отмэкно явэ́ла лэ́скэ.

Левито 4:31

и саро́ ла́киро чэкэ́н откэдэла, адя́кэ-паць сыр откэдэла чэкэ́н раманёнэ (мирнонэ) свэнтонэ́ дыибна́стыр (жэртватыр), и схачкирэ́ла лэс раша́й пэ алта́рё дро гудло́ тхув, Ра́скэ-Дэвлэ́скэ; и адя́кэ выжужакирэ́ла лэс раша́й, и отмэкно лэ́скэ явэ́ла.

Левито 1:9

а свэнтонэ́ дыибнаскирэ паша́ андрыпнастыр (букорэ) и ла́кирэ ґэра́ выморэла ёв пане́са, и схачкирэ́ла раша́й саро́ пэ алта́рё: дава́ исын цэ́ло схачкирибэ́н, свэ́нто дыибэ́н, гудло́ тхув Ра́скэ-Дэвлэ́скэ.

Левито 3:4

и дуй букорэ (почки) и чэкэ́н (ту́ко), саво́ тэ явэ́л пэ лэ́ндэ, саво́ исын пэ стёгны, и сальнико, саво́ исын пэ кало́ буко (печонка); букорэнца (почкэнца) ёв роскэдэла дава́;

Левито 3:11

раша́й схачкирэ́ла дава́ пэ алта́рё; дава́ исын ягакиро маро́ – свэ́нто дыибэ́н Ра́скэ-Дэвлэ́скэ.

Левито 7:28

И пхэндя́ Рай Дэвэ́л Мойза́скэ дасавэ́ лава́:

Левито 9:17

И яндя́ маруно́ яныбэ́н и пхэрдякирдя́ лэ́са пэ́скирэ васта́, и схачкирдя́ пэ алта́рё апри́ч сарэ́ цэлонэ́ схачкирибнастыр пэ ра́нко (пэ зло́ко).

Čysly 15:8

Ко́ли тэрнэ́ гурувэ́с янэса ваш цэ́ло схачкирибэ́н, ци сыр свэ́нто яныбэ́н зачхинэса пир совла́х, соб (кай) тэ кэрэ́лпэ, ци дро ми́рно свэ́нто дыибэ́н Ра́скэ-Дэвлэ́скэ,

Čysly 28:3

И пхэн лэ́нгэ: “Дава́ исын свэ́нто яныбэ́н ваш яг, сави́ тумэ́ сан бангэ́ тэ янэ́н Ра́скэ Дэвлэ́скэ: дуй бакрэ́ екхэ-бэршы́тка би дошакирэ пэ дывэ́с, дро цэ́ло схачкирибэ́н кажно дывэ́с.

Čysly 28:12

и трин дэшта паша́ эфатыр пшэничнонэ яржэстыр, пиримешындло елеёса, дро маруно́ яныбэ́н пэ екхэ́стэ гурувэстэ, и дуй дэшта паша́ эфатыр пшеничнонэ яржэстыр, перемешандло елеёса, дро маруно́ яныбэ́н пэ бакрэстэ,

Левито 1:13

а паша́ андрыпнастыр (букорэ) и ґэра́ выморэла пане́са, и саро́ янэ́ла раша́й, и пэ алта́рё схачкирэ́ла, дава́ исын цэ́ло схачкирибэ́н, свэ́нто дыибэ́н (жэ́ртва), гудло́ тхув, Ра́скэ-Дэвлэ́скэ.

Левито 1:17

и пхагирэ́ла ла (чирикля́) дрэ ла́кирэ пхака́ (крылы), на отлыи лэн, и схачкирэ́ла ла раша́й пэ алта́рё, пэ кашта́, савэ́ исын пэ яг: дава́ исын цэ́ло схачкирибэ́н, свэ́нто дыибэ́н, гудло́ тхув, Ра́скэ-Дэвлэ́скэ.

Čysly 18:17

нэ пал пэрвонэ́ тыкнорэстэ гурумнендыр [гурувэндыр-р.с.], и пал пэрвонэстэ бакрэ́ндыр, и пал пэрвонэстэ бузнэндыр, на лэ выкиныбэ́н: ёнэ исын свэ́нта; лэ́нгирэ ратэ́са обчхув алта́рё, и ада́й лэн хачкир сыр свэ́нто дыибэ́н, дро гудло́ тхув, лачхо́ Ра́скэ-Дэвлэ́скэ;