Левито 26:9 - Библия - Пэ Балтитко Романи чиб (Романэс) 2019

⁹ Мэ подыкхава пэ тумэ́ндэ, и бутэ́-бияныбнытконэнца (плодороднэнца) Мэ кэра́ва тумэн, и Мэ бутырьякирава бут тумэн, и Мэ ява́ва твардо (би кунипнаскиро) дрэ Миро завето (доракирибэ́н) тумэ́нца;

Biblija - Pe Baltitko Romani čib (Romanes) 2019

⁹ Me podykhava pe tuménde, i buté-bijanybnytkonenca (plodorodnenca) Me keráva tumen, i Me butyrjakirava but tumen, i Me javáva tvardo (bi kunipnaskiro) dre Miro zavieto (dorakiribén) tuménca;

Левито 26:9 Referans Kwoze

Psalmy 107:38

Ёв адя́кэ-паць бахтякирдя́ лэн, соб (кай) ёнэ тэ розбарьён зоралэ́с, и Ёв на домэкэла, соб (кай) тэ явэ́л тыкнэды́р мурдалэ́н лэ́ндэ.

Езэкилё 16:62

Мэ ґазда́ва Миро доракирибэ́н ту́са, ту дыкхэ́са, со Мэ сом Рай Дэвэ́л, Дэвэ́л,

Ниеми́я 9:23

Чхавэ́н лэнгирэн Ту убарьякирдян пэ бут сыр чэргэня́ пэ болыбэ́н и лыджиян лэн пэ пхув, пал сави́ Ту ракирдян лэ́нгирэ дадэ́нгэ, со ёй явэ́ла лэ́нгири.

Isajos 55:3

Откэрэн тумарэ́ кана́, явэ́н кэ Мэ; пошунэн и явэ́ла тэ дживэ́л тумаро́ ило́; и Мэ да́ва тумэ́нгэ ве́чно завето, Мэ да́ва лачхипэ́н, пал саво́ дыём лав Давидо́скэ.

Džiibén 28:3

Мэк Дэвэ́л Сарэзорья́киро, тэ бахтякирэ́л тут, мэк тэ бияндён бут ту́тыр, и мэк тэ явэ́л ту́тыр бут мануша́, мэк тэ явэ́н ту́тыр бут манушы́тка на́цыи (народы).

Ереме́ё 33:3

‘Кхар Ман Мирэ́ лавэ́са, и Мэ отпхэнава ту́кэ, и Мэ сыкава́ва ту́кэ барэ́ и гарадэ́ рэ́нды (де́лы), и савэ́ ту на джинэ́са!’

Яви́р Зако́но 28:11

И дэ́ла ту́кэ Рай Дэвэ́л дрэ сарэ́ тырэ́ лачхэ́ рэ́нды саро́ бут, дро барьякирдо́ (пло́до) тырэ́ масэ́ндыр, и дрэ тырэ́ кхэритконэ́-мурдалэнгиро барьякирдо́, и дрэ тырэ́-фэлдэнгиро барьякирдо́ пэ пхув, сави́ Рай Дэвэ́л совлахадя́ дадэ́нгэ тырэнгэ тэ дэл ту́кэ.

Luka 1:72

и Ёв потангинэла (пожалинэла) амарэ́ дадэн и рипирэла Пэ́скиро Свэ́нто Завето.

Psalmy 89:3

Пал-дова́ со мэ пхэндём: “Лачхэ́-илы́ткима явэ́ла тэ ячэ́лпэ пэ сарэ́ ве́ки.” Ту зорьякирдян Пэ́скиро патяибэ́н аж кэ са́мо болыбэ́н.

Яви́р Зако́но 28:4

Бахтякирдо́ явэ́ла барьякирдо́ тырэ́ масэ́ндыр, и барьякирдо́ (пло́до) тырэ́ пхувья́киро, и барьякирдо́ (пло́до) тырэ́ мурдалэнгиро, и барьякирдо́ тырэ́ гурувэнгиро, и барьякирдо́ тырэ́ бакрэнгиро.

Vygiiben 6:4

и Мэ чхудём завето Миро лэ́нца, соб (кай) лэ́нгэ тэ дав Ханаанэнгири пхув, пэ сави́ ёнэ дживдэ́.

Vygiiben 2:25

И дыкхця́ Дэвэ́л Израилёскирэ чхавэ́н, и потангиндя лэн Дэвэ́л.

Vygiiben 1:7

а Израилёскирэ чхавэ́ ячнэ́ бут, и ёнэ розбаринэпэ и ячнэ́ ёнэ древа́н зоралэ́, и доя́ пхув пхэрдия лэ́нца.

Džiibén 28:14

и явэ́ла баро́ тыро́ ро́до, сыр пхувья́киро пра́хо; и ту явэ́са тэ дживэ́с дур аж кэ мо́рё (дэрья́в), и кэ васто́ко, и кэ паш-рат, и кэ паш-дывэ́с; и бахтякирэнапэ ту́тыр и тырэ́ родо́стыр сарэ́ кхэри́тка ро́ды (пле́ми) пэ пхув;

Džiibén 26:4

Мэ кэра́ва баро́ тырэ́-чхавэ́нгиро ро́до, сыр болыбна́скирэ чэргэня́, и тырэ́ родо́скэ Мэ да́ва сарэ́ далэ́ пхувья́; явэ́на бахтякирдэ дро тыро́ ро́до сарэ́ пхувья́кирэ мануша́.

Džiibén 17:20

И пал Измаилостэ Мэ шундём ту́тыр: “Ѓа́да, Мэ бахтякирава лэс, и Мэ кэра́ва, со лэ́стыр явэ́ла баро́ ро́до; и Мэ да́ва джиибэ́н бутэнгэ лэ́скирэ родо́стыр, дэшуду́й тхага́рья бияндёна лэ́стыр, и Мэ созда́ва лэ́стыр баро́ народо.

Džiibén 6:18

Нэ ту́са Мэ кэра́ва Миро заве́то, и ту заджаса дрэ ковчэго, и тырэ́ чхавэ́, и тыри́ ромны́, и ту́са тырэ́-чхавэ́нгирэ ромня́.

Юдэ́нгэ 8:9

нэ нанэ дасаво завето, саво́ Мэ кэрдём лэ́нгирэ дадэ́нца дро дова́ часо, ке́ли Мэ лыём пал васт лэн, соб (кай) тэ вылыджав Египто́скирэ пхувья́тыр. Ёнэ на ячнэ́пэ зоралэ́ дро патяибэ́н и Мэ на прилыём илэ́са лэн.

Ниеми́я 2:20

Мэ дыём лэ́нгэ отпхэныбэ́н, и ракирдём лэ́нгэ: “О Дэвэ́л болыбна́скиро, Ёв шука́р дэ́ла амэ́нгэ, и амэ, Лэ́скирэ писха́рья, ласам тэ кэра́с буты́, тумэ́нгэ нанэ ни котэ́р, ни право, ни рипирибэ́н дро Ерусалимо.

4 Kralip 13:23

Нэ Рай Дэвэ́л сыкадя́ тангипэ́н (змилындяпэ) пэ лэ́ндэ, и отмэкця́ лэ́нгэ, и порисия кэ ёнэ ваш заве́то Пэ́скиро Авраамоса, Исаакоса и Яковоса, и на камдя́ тэ протрадэл лэн, и на отрискирдя лэн Пэ́скирэ мо́стыр кэ дава́ дывэ́с.

Džiibén 1:28

И бахтякирдя́ Дэвэ́л лэн, и Дэвэ́л пхэндя́ лэ́нгэ: “Биянэн и тэ явэ́н тумэн бут-бут, и пхэрдякирэн пхув и тэ лэн зор пэ ла́тэ, и тэ хулаинэн тумэ́ пэ морёскирэ (дэрьявэ́скирэ) мачхэндэ, и пэ болыбна́скирэ чирикле́ндэ и пэ кажнонэ́ мурдалэ́стэ, саво́ кхарэ́лапэ пир пхув.”

Džiibén 22:17

то Мэ бахтякирава тут, и барьякири, убарьякирава тыро́ ро́до, сыр чэргэня́ пэ болыбэ́н, и сыр пра́хо пэ морёскиро (дэрьявэ́скиро) брэ́го; и прилэ́ла ро́до тыро́ пэ́скирэ-вэргэ́нгирэ фо́рья;

Džiibén 48:4

и пхэндя́ ма́нгэ: “Ѓа́да, Мэ да́ва ту́кэ бут чхаворэ́н и явэ́ла бут бут тумэн, и Мэ кэра́ва адя́кэ, со ту́тыр выджа́на бут манушы́тка на́цыи, и Мэ да́ва пало́ (после) ту́тэ дая́ пхув тырэ́ родо́скэ, соб (кай) ёнэ ве́чнэс тэ явэ́н хуланца.”

Левито 26:15

и ко́ли тумэ́ явэ́на тэ на прилэ́н патыва́са Мирэ́ упхэныбэна́, и ко́ли тумаро́ ди исын насвало́ (брыдинэлапэ) Мирэ́ законэндыр адя́кэ, со тумэ́ на явэ́на тэ кэрэ́н пир сарэ́ Мирэ́ упхэныбэна́, пхагири Миро завето,

Яви́р Зако́но 7:13

и явэ́са ту дро́го Лэ́скэ, и Ёв бахтякирэ́ла тут, и Ёв кэрэ́ла адя́кэ, со явэ́ла бут тумэн, и бахтякирэ́ла трэ-масэ́нгиро барьякирдо́, и тырэ́-пхувья́киро барьякирдо́, и маро́ тыро́, и мол (вино) тыри́, и алеё (дзэт) тыро́ и дова́, кон явэ́ла бияндло барэ́ тырэ́ кхэритконэ́ мурдалэ́ндыр (ското́стыр) и тырэ́ стадакирэ бакрэ́ндыр пэ доя́ пхув, сави́ Ёв совлахадя́ тырэ́ дадэ́нгэ тэ дэл ту́кэ;

Езэкилё 36:9

Акэ, Мэ рисёва́ва кэ тумэ́; пэ тумэ́ндэ явэ́на тэ барьякирэ́н, пэ тумэ́ндэ явэ́на тэ сеинэн.

3 Kralip 3:8

И писха́ри Тыро́ исын – машки́р манушэ́ндэ Тырэндэ, савэ́н зракхця́н Ту, манушэ́н ада́кицы бут, со лэн нашты́ ни тэ пиригинэс, ни тэ згинэс якхэ́нца.

Ереме́ё 23:3

“Нэ Мэ скэда́ва отячибэн (одолэ́н, кон яця́пэ) Мирэ́ ґуртостыр сарэ́ тхэмэндыр, кэ савэ́ Мэ протрадыём лэн, и Мэ яна́ва лэн палэ пэ лэ́нгирэ чаритка пхувья́, и лэ́ндэ явэ́на бут чхаворэ́, и лэн явэ́ла бут.

Ереме́ё 23:4

И Мэ чхува́ва чхупнарьен пэ лэ́ндэ, и ёнэ явэ́на тэ чалякирэн лэн; и ёнэ на явэ́на тэ дарэ́н буты́р, и ёнэ на явэ́на запхагирдэ дро ду́хо (фа́но), и нико́н на хасёла лэ́ндыр”, – ракирэ́ла Рай Дэвэ́л.