Левито 26:5 - Библия - Пэ Балтитко Романи чиб (Романэс) 2019

⁵ и укэдыибэн маритко явэ́ла тэ доджал тумэ́ндэ кэ винаградоскиро скэдыибэ́н, а винаградоскиро скэдыибэ́н явэ́ла тэ доджал кэ сеиныбэн, и явэ́на тэ хан пэ́скиро маро́ чалэ́с, и явэ́на тэ дживэ́н пэ тумари́ пхув штылыткэс (бидаракирэс).

Biblija - Pe Baltitko Romani čib (Romanes) 2019

⁵ i ukedyiben maritko javéla te dodžal tuménde ke vinagradoskiro skedyibén, a vinagradoskiro skedyibén javéla te dodžal ke sieinyben, i javéna te xan péskiro maró čalés, i javéna te dživén pe tumarí phuv štylytkes (bidarakires).

Левито 26:5 Referans Kwoze

Amoso 9:13

“Акэ, явэ́на дывэса́’, – ракирэ́ла Рай Дэвэ́л, – ке́ли ману́ш, кон пахинэла пхув, пирилэла манушэ́с, кон счхинэла гива́, и ману́ш, кон штакирэла винаградо, пирилэла кодолэ́с, кон чхувэ́ла дрэ пхув зя́рки; со́ко (хум) (гудлы мол) явэ́ла тэ тхадэл бэргэндыр, и тэ чхувэлпэ тэлэ́ бэргицэндыр.

Ioil 2:26

И тумэ́ явэ́на тэ хан, кицы́ камэ́на и явэ́на чалэ, и тумэ́ явэ́на тэ шарэ́н Рас-Дэвлэ́с, тумарэ́ Дэвлэ́с, Кон кэрдя́ дивнэс тумэ́нца. И Мирэ́ манушэ́н буты́р на явэ́на тэ ладжакирэн.

Ioil 2:19

О Рай Дэвэ́л отпхэнэ́ла и пхэнэ́ла Пэ́скирэ манушэ́нгэ: “Акэ, Мэ бичхава́ва тумэ́нгэ гив, мол (вино), и маслинитко дзэт, и тумэ́ явэ́на чалэ лэ́ндыр; и Мэ кэра́ва адя́кэ, соб (кай) Наюды́тка на́цыи буты́р тэ на бипатывалякирэн тумэн.

Pritčy 1:33

Нэ кон шунэ́ла мирэ́ лава́, кодова́ явэ́ла тэ дживэ́л би дара́киро, и ёв явэ́ла би трашаибнаскиро (штылэ́с), ёв на явэ́ла тэ дарэл фуипнастыр.”

Яви́р Зако́но 11:15

и Мэ да́ва чар пэ фэ́лда тыри́ ваш тырэ́ кхэритконэ́ мурдалэ́нгэ (ското) и, ту явэ́са тэ хас и тэ чалёс.

1 Ximaske 6:17

Упхэн далэ́ свэто́скирэ барвалэнгэ, соб (кай) ёнэ тэ на ґаздэ́н пэс и тэ на патя́н дро пэ́скиро барвалыпэ́н, нэ фэды́р тэ патял дрэ джидэ́ Дэвлэ́стэ, Саво́ пхэрдэ́с дэ́ла саро́, со трэй ваш амари́ бахт,

1 Petr 1:5

Пал савэ́ндэ Дэвэ́л Пэ́скирэ зорья́са явэ́ла тэ дыкхэ́л ваш зракхибэ́н, саво́ исын приготовиндло амэ́нгэ и явэ́ла сыкадо дро палатуно́ часо.

Apostolengiri Butý 14:17

Нэ Ёв ячкирдя́ пал Пэ́стэ допхэныбэ́н и сыкавэ́ла Пэ́скиро лачхипэ́н дрэ дова́, со бичхавэ́ла амэ́нгэ болыбна́стыр брышы́нд дро аплодоскиро часо; Ёв дэ́ла амэ́нгэ хабэ́н и пхэрдякирэла амарэ́ илэ радыма́са”

Матфеё 23:37

Ерусалимэ! Ерусалимэ! Дро саво́ мулякирэнас пророкэ́н и шулякирэнас барэ́нца кодолэ́н, савэ́н бичхадэ́ кэ ту. Кицы́ мо́лы Мэ кама́м тэ скэдав чхаворэ́н тырэ́н, сыр чириклы скэдэ́ла чириклорэн тэл пхак и тумэ́ на камлэ́!

Ереме́ё 23:6

Дрэ долэ́ дывэса́ Юдэ́я явэ́ла зракхны, и Израилё явэ́ла тэ дживэ́л би дара́киро. Ёв явэ́ла тэ кхарэлпэ: ‘Рай Дэвэ́л исын амаро́ Чачипэ́н.’

Pritčy 18:10

Ра́скирэ-Дэвлэ́скирэ лав исын сыр зоралы́ вучарды́ (башня), чачуно́ ману́ш нашэла дрэ ла́тэ, и тэ́ньчи ёв исын бидаракиро.

Psalmy 90:1

Мойзаскири Па́тери (Моли́тва), Саво́ сыс Дэвлэ́скиро Ману́ш.

Vygiiben 16:8

И пхэндя́ Мо́йза: “Тумэ́ уджинэна, ке́ли Рай Дэвэ́л бэльвэле́ дэ́ла тумэ́нгэ мас дрэ хабэ́н, а пэ ра́нко маро́, кицы́ тумэ́ камэ́на, пал-дова́ со Рай Дэвэ́л шундя́ го́дла тумари́, сави́ тумэ́ ґаздынэ́ проти Лэ́стэ: а амэ со? Тумари́ го́дла на пэ амэ́ндэ, а пэ Растэ-Дэвлэ́стэ.

Osija 2:18

Пэ дова́ дывэ́с Мэ чхува́ва завето ваш лэ́нгэ фэлдытконэ мурдалэ́нца (зверенца), болыбнытконэ чирикленца и цапненца (ползучонэ джидыпнэнгэ), савэ́ ползынэна пир пхув. И Мэ пхагирава лу́ко и курта́ла, соб (кай) ёнэ тэ на явэ́н пэ доя́ пхув, и Мэ кэра́ва адя́кэ, соб (кай) ёнэ тэ пасён би дара́киро, и соб (кай) тэ на явэ́л марибэ́н.

Psalmy 144:13

мэк тэ явэ́н пхэрдэ́ амарэ́ пираля́ (жытницы) кажнонэ́ гивэса, мэк тэ биянэн амарэ́ бакря́ бара́ и дэш бара́ (тысёнцы) тыкнорэн пэ амарэ́ чаритка пхувья́;

Isajos 1:19

Ко́ли тумэ́ закамэна и явэ́на тэ кандэ́н, то тумэ́ явэ́на тэ хан лачхипэ́н пхувья́киро.

Isajos 30:23

И Ёв дэ́ла ту́кэ брышы́нд, ко́ли засеинэса фэ́лда и маро́, саво́ янэ́ла пхув сыр барьякирдо́ (пло́до), лачхо́ маро́ дэ́ла ту́кэ; тырэ́ гурува лэ́на тэ чаравэнпэ дро дова́ дывэ́с пэ лачхэ́ фэ́лды.

Osija 2:20

и Мэ ангрустынава (обрэнчынава) тут Ма́нца, со ту явэ́са патяибны́тко кэ Мэ, и Ту явэ́са тэ джинэ́с Ман, Рас-Дэвлэ́с.

Ioil 2:22

На дарэ́н, мурдала́ фэлды́тка: чаритка фэ́лды пэ чхучи́ пхув дэ́на пэ́скири чар, пхабалын дэ́ла пэ́скири пхабай; инжыритка дрэвы и винаграды́тка дрэвицы дэ́на му́ри и прибарипэн.