Левито 26:4 - Библия - Пэ Балтитко Романи чиб (Романэс) 2019

⁴ тэды Мэ да́ва тумэ́нгэ брышында дрэ пэ́скиро часо (цы́ро), и пхув дэ́ла пэ́скирэ барьякирдэ́ (пло́ды), и фэлды́тка вэша́ дэ́на пэ́скиро барьякирдо́ (пло́до);

Biblija - Pe Baltitko Romani čib (Romanes) 2019

⁴ tedy Me dáva tuménge bryšynda dre péskiro časo (cýro), i phuv déla péskire barjakirdé (plódy), i feldýtka vešá déna péskiro barjakirdó (plódo);

Левито 26:4 Referans Kwoze

Заха́рия 8:12

Пал-дова́ со сеиндло гив явэ́ла тэ дэл прибарипэн, винаграды́тко хру́сто дэ́ла пэ́скирэ мурицы, нэ пхув дэ́ла, со ёй барьякирдя, и болыбэ́н дэ́ла пахлын (роса) пэ́скири: и саро́ дава́ Мэ да́ва ада́кицы манушэ́нгэ, савэ́ ячэ́напэ.

Psalmy 67:6

Мэк тэ парикирэ́н Ту́кэ, Дэ́вла, сарэ́ на́цыи, мэк тэ парикирэ́н Ту́кэ сарэ́ на́цыи.

Езэкилё 36:30

Мэ выбарьякирава барьякирдэ́ (пло́ды) пэ кашта́ и барьякирибэн пэ фэ́лды, соб (кай) тэ на мэрэ́н бокха́тыр, соб (кай) тэ на кошэн тумэн народы.

Isajos 30:23

И Ёв дэ́ла ту́кэ брышы́нд, ко́ли засеинэса фэ́лда и маро́, саво́ янэ́ла пхув сыр барьякирдо́ (пло́до), лачхо́ маро́ дэ́ла ту́кэ; тырэ́ гурува лэ́на тэ чаравэнпэ дро дова́ дывэ́с пэ лачхэ́ фэ́лды.

Ióvo 5:10

Ёв дэ́ла брышы́нд пхувьякэ, и Ёв бичхавэ́ла паня́ пэ фэ́лды,

Яви́р Зако́но 28:12

Отчхакирэла ту́кэ Рай Дэвэ́л лачхи́ Пэ́скири кучипнаскири пиралы́ (сокровишчница), болыбэ́н, соб (кай) ёв тэ дэл брышы́нд тырэ́ пхувьякэ дро пэ́скиро уляго (пора), и соб (кай) тэ бахтякирэ́л сарэ́ рэ́нды тырэ́ вастэнгирэ: и ту явэ́са тэ дэс дрэ длуго бутэ́ манушэ́нгэ, а кокоро́ ту на явэ́са тэ залэс дро вужлыпэ́н (длуго).

Яви́р Зако́но 11:14

то Мэ да́ва тумарэ́ пхувьякэ брышы́нд дрэ пэ́скиро часо, тасярлуно/пэрвотуно (раннё) и коригуно (позднё); и ту скэдэса тыро́ маро́ и тыри́ мол (вино), и елеё тыро́;

Левито 25:21

Мэ бичхава́ва пэ шо́вто бэрш пэ тумэ́ндэ Миро бахтякирибэ́н, и ёв янэ́ла умалото пэ трин бэрш;

Apostolengiri Butý 14:17

Нэ Ёв ячкирдя́ пал Пэ́стэ допхэныбэ́н и сыкавэ́ла Пэ́скиро лачхипэ́н дрэ дова́, со бичхавэ́ла амэ́нгэ болыбна́стыр брышы́нд дро аплодоскиро часо; Ёв дэ́ла амэ́нгэ хабэ́н и пхэрдякирэла амарэ́ илэ радыма́са”

Матфеё 5:45

соб (кай) тумэ́ могинэ́нас тэ явэ́н ‘чхавэ́ Болыбна́скирэ Дадэ́скирэ’, и Ёв зачхувэла Пэ́скиро Кхам тэ свэнцынэл пэ лачхэ́ и налачхэ́ манушэ́ндэ, и бичхавэ́ла брышы́нд пэ одолэ́ндэ, кон кэрэ́ла лачхипэ́н и кон кэрэ́ла фуипэ́н.

Psalmy 85:12

Патяибэ́н ухтэла криг пхувья́тыр, а чачипэ́н явэ́ла тэ дыкхэ́л тэлэ́ Болыбна́стыр.

Psalmy 68:9

тэды пхув куниндяпэ и болыбэ́н чхудя́ адя́кэ-паць пани́ брышындэстыр, и бэ́рга Сио́но тринскирдяпэ анги́л Дэвлэ́стэ, Израилёскирэ Дэвлэ́стэ.

Sykadyipén 11:6

Адалэ́ Якхитконэндэ исын зор тэ пхандэн болыбэ́н, соб (кай) тэ на джал брышы́нд, ке́ли ёнэ явэ́на тэ ангилпхэнэн (тэ пророчынэн). И ёнэ рикирэ́на зор, соб (кай) паня́ тэ пирикэрэнпэ дро рат и тэ мулякирэ́н лэн франсэнца ада́кицы бут мо́лы, кицы́ ёнэ выкэдэна.

Jakov 5:7

Пшала́лэ, вырикирэн ґара́ (длу́гэс), пака явэ́ла Рай Дэвэ́л. Ѓа́да, ґавитко ману́ш ужакирэ́ла аплодо пхувья́тыр и ваш лэскэ ёв ужакирэ́ла ґара́ (длу́гэс), пака явэ́ла тасярлуно (раннё) и коригуно (позднё) брышы́нд.

Ереме́ё 14:22

Ци исын машки́р Наюды́тка и́долы одолэ́, савэ́ дэ́на брышы́нд? Ци могинэ́ла (сашты́) кокоро́ болыбэ́н тэ дэл барэ́ панинга́? Ци дава́ нанэ Рай Дэвэ́л, амаро́ Дэвэ́л? Палдава́ амэ ява́са тэ ужакирас Тут, пал-дова́ со Ту кэрдя́н саро́ дава́.

Isajos 5:6

Дасавэса Мэ лэс ячкирава: на явэ́на тэ обчхинэн лэс, на явэ́на тэ обґанавэн лэс, забарьёла ёв налачхэ́ чарьяса, Мэ припхэнава болыбнаскэ, соб (кай) ёв тэ на дэл брышы́нд лэ́скэ.”

Psalmy 104:13

Ту панякирэса бэ́рги Пэ́скирэ упратунэ шукаронэ штубэндыр, пхув исын чалы далэ́ пхабэнца, со Ту барьякирэса.

3 Kralip 17:1

И пхэндя́ Или́я Фесвитянино, екх манушэ́ндыр, савэ́ дживдэ́ кэ Галаа́до, Ахавоскэ: “Тэ явэ́л джидо́ Рай Дэвэ́л, Дэвэ́л Изра-илёскиро, анги́л Савэ́стэ мэ сом тэрдо́! Дрэ далэ́ бэрша́ на явэ́ла ни пахлын (роса), ни брышы́нд, ко́ли фэ́ни (то́ка) явэ́ла пир миро лав”

Левито 25:19

и явэ́ла пхув тэ дэл пэ́скиро барьякирдо́ (пло́до), и явэ́на тэ хан чалэ́с, и явэ́на тэ дживэ́н пэ ла́тэ штылыткэс.

Яви́р Зако́но 11:13

Ко́ли тумэ́ явэ́на тэ шунэ́н Мирэ́ припхэныбэна́, савэ́ Мэ ракира́ва тумэ́нгэ ададывэ́с, тэ рикирэ́н сыр Дро́гима дро тумаро́ ило́ Рас-Дэвлэ́с, Дэвлэ́с тумарэс, и тэ дынаринэ́н Лэ́скэ сарэ́ тумарэ́ илэ́стыр и сарэ́ тумарэ́ дестыр,

Psalmy 67:7

Пхув дыя́ пэ́скиро аплодо: Дэ́вла, амаро́ Дэвэ́л бахтякир амэн.

Psalmy 85:13

Чачо́, Рай Дэвэ́л дэ́ла лачхипэ́н амэ́нгэ и амари́ пхув отдэ́ла пэ́скиро аплодо.

Ioil 2:22

На дарэ́н, мурдала́ фэлды́тка: чаритка фэ́лды пэ чхучи́ пхув дэ́на пэ́скири чар, пхабалын дэ́ла пэ́скири пхабай; инжыритка дрэвы и винаграды́тка дрэвицы дэ́на му́ри и прибарипэн.