Левито 26:16 - Библия - Пэ Балтитко Романи чиб (Романэс) 2019

¹⁶ то тэды и Мэ кэра́ва тумэ́нца адя́кэ: Мэ бичхава́ва пэ тумэ́ндэ дар, насвалыпэн и хачкирибэ́н, савэ́ндыр кхинёна якха́ и нашавэла зор ди, и тумэ́ явэ́на тэ почхувэн дрэ пхув тумарэ́ зя́рки (семи) ивья́, и тумарэ́ вэ́рги схана лэн;

Biblija - Pe Baltitko Romani čib (Romanes) 2019

¹⁶ to tedy i Me keráva tuménca adiáke: Me bičhaváva pe tuménde dar, nasvalypen i xačkiribén, savéndyr khinjona jakhá i našavela zor di, i tumé javéna te počhuven dre phuv tumaré ziárki (siemi) ivjá, i tumaré vérgi shana len;

Левито 26:16 Referans Kwoze

Ióvo 31:8

то тэды мэк ма́нгэ тэ чхував зя́рка дрэ пхув, нэ явирэскэ тэ хал дова́, со барьёла, ци тэ́ньчи мэк миро ро́до тэ рискирэ́н криг корне́нца (рукхэ́нца).

1 Kralip 2:33

Мэ на традава криг ту́тэ сарэ́н Мирэ́ алтарёстыр (жэртвеникостыр), соб тэ кхинякирэс тырэ́ якха́ и тэ мэнчынэс тыро́ ди; нэ саро́ тырэ́ кхэрэ́скиро ро́до явэ́ла тэ мэрэ́л дро машкиратунэ бэрша́.

Mihiejo 6:15

Ту явэ́са тэ почхувэс дрэ пхув, нэ ту на явэ́са тэ счхинэс гива́; ту явэ́са тэ тасавэс (тэ штакирэс) маслинитка му́ри, нэ ту на явэ́са тэ макхэспэ маслинитконэ дзэтэса; и ту вытасавэса винаграды́тко со́ко (хум), нэ ту на явэ́са тэ пьес мол (вино).

Езэкилё 33:10

Ту, манушэ́скиро чхава, адя́кэ пхэн Израилёскирэ чхавэ́нгэ: “Тумэ́ ракирэ́на адя́кэ: амарэ́ налачхэ́ рэ́нды, амарэ́ грэ́хи исын пэ амэ́ндэ, амэ хасёваса дрэ лэ́ндэ, сыр жэ амэ́нгэ тэ джива́с?

Ереме́ё 5:17

И ёнэ похана тумарэ́ гива́ и тумаро́ маро́, и ёнэ похана тумарэ́ чхавэ́н и тумарэ́ чхае́н. Ёнэ похана тумарэ́ бакрэ́нгирэ ґурты и тумарэ́ табуны. Ёнэ похана тумарэ́ винаграды́тка барья, и тумарэ́ инжыритка кашта́; ёнэ роспхагирэна бара́ пэ тумарэ́ фо́рья зоралэ́ тыноса куртала́са, дрэ савэ́ тумэ́ рискирэна илэ тэ зракхэнпэ.

Psalmy 78:33

палдава́ Ёв и домэкця, со лэ́нгирэ дывэса́ сыс сыр балвалякиро пхурдыпэн, а лэ́нгирэ бэрша́ джа́нас дрэ дар кэ мэрибэ́н.

Яви́р Зако́но 28:51

и явэ́ла ёв тэ хал тырэ́-мурдалэнгирэ барьякирдэ́ (пло́до), и тырэ́-пхувья́кирэ-барьякирдэ́, пака кэрэ́на чорорэс тут адя́кэ, со на ячкирэна ту́кэ ни маро́, ни мол, ни елеё, ни тырэ́-гурувэнгирэ барьякирдо́, ни тырэ́-бакрэнгиро-барьякирдо́, пака хасякирэна тут;

Юдэ́нгэ 10:31

Дава́ исын дарано тэ пэрэ́н дрэ джидэ́ Дэвлэ́скирэ васта́.

Заха́рия 14:12

И, акэ, савэ́ явэ́на хасибны́тка фра́нсы, савэ́нца хасякирэ́ла Рай Дэвэ́л сарэ́ манушэ́н, со марэнаспэ Ерусалимоса: кажнонэ́стэ вышутёна маса́ лэ́скирэ, сыр ёв ишчо (инкэ́) явэ́ла тэрдо́ пэ пэ́скирэ ґэра́, и якха́ лэ́скирэ билёна дрэ пэ́скирэ ямицы, и чиб лэ́скири вышутёла дро муй лэ́стэ.

Agiejo 1:6

Тумэ́ бут чхувэ́на дрэ пхув, нэ на́бут лэ́на тумэ́: тумэ́ ха́на, нэ тумэ́ на сан чалэ; тумэ́ пьена, нэ тумэ́ на выпьена чалэ́с, тумэ́ урьенапэ, нэ тумэ́нгэ исын на тато; и кон кэрэ́ла буты́ тэ закэрэл, закэрэла, соб (кай) тэ чхувэ́л дро миенгиро (кошэлько) лёхэнца (дыркэнца)”

Ереме́ё 20:4

Пал-дова́ со адя́кэ ракирэ́ла Рай Дэвэ́л: ‘Акэ, Мэ кэра́ва адя́кэ, со Ту, Пасхоро, явэ́са тэ дарэс кокоро́ пэ́стыр, и адя́кэ-паць сарэ́ Тырэ́ дру́ги (мала́), и ёнэ пэрэ́на вэргэ́нгирэ куртала́тыр и тырэ́ якха́ явэ́на тэ дыкхэ́н дава́. И Мэ отда́ва сари́ Юдэ́я дрэ Вавилоно́скирэ-крали́скирэ васта́ и ёв лыджа́ла криг лэн дро пле́но кэ Вавило́но, и одо́й ёв мулякирэ́ла лэн куртала́са.

Ереме́ё 15:8

Ма́ндэ явэ́ла лэ́нгирэ пивлен (удовэн) буты́р сыр пра́хо дро мо́рё (дэрья́в): Мэ яна́ва пэ лэ́ндэ пэ тэрнэ́-манушэ́нгирэ датэ прахарис – чорэс дро паш-дывэ́с: Мэ кэра́ва адя́кэ, со екха́тыр илытко дукх и трашаибэ́н (дар) пэрэ́на пэ лэ́ндэ.

Ереме́ё 12:13

Ёнэ чхудэ́ дрэ пхув гив, нэ ёнэ счхиндлэ пхусадытка хру́сты, ёнэ кхинякирдэ пэс кэ дукха́, и лэ́нгэ на удэлапэ кэ миштыпэ́н. Ладжан дасавэ́ тумарэ́ чорорэ́ умалотостыр, пал-дова́ со явэ́ла бари холы́ Ра́стыр-Дэвлэ́стыр.

Isajos 10:4

Би Миро тумэ́ бандёна машки́р манушэ́ндэ, савэ́н залынэ дро бэшыбэн, пэрэ́на машки́р домардэ́ манушэ́ндэ. Пир саро́ дава́, Лэ́скири холы́ на пириячэ́ла и васт Лэ́скиро исын протырдыно.

Isajos 7:2

Сыс пхэндло́ кэ Давидо́скиро кхэр, сыс откэрдо: “Сирияни исын тэрдэ́ пэ Ефремо́скири пхув”, издрандыя лэ́скиро ило́, лэ́скирэ-народоскиро ило́, сыр издрана кашта́ дро вэш, ко́ли пхурдэла балва́л.

Psalmy 109:6

Чхув чорэ́ манушэ́с пэ мирэ́ вэргостэ, мэк на́лачхо тэ тэрдёл пэ лэ́скири чачи́ риг;

Psalmy 73:19

Сыр адя́кэ сы́гэс ёнэ екха́тыр хасёна, джа́на криг сарэ́са кэ хась мэрибнытконэ дара́са.

Ióvo 20:25

Ёв потырдэла саструны буст яври́ масэ́ндыр, ёй выджа́ла, и адя́кэ-паць выджа́ла зяиндлы острима пэ бустякиро яго́ро (ко́нцо) пирда́л жэлучытко буко: трашаибэ́н пэрэ́ла екх пал екх пэ лэ́стэ.

Ióvo 18:11

Трашаибэ́н пал трашаибэ́н дарьякирэна лэс кажнонэ́ рига́тыр, и пал лэ́стэ традэнапэ пала́л лэ́скирэ пе́нты (кхурья).

Сэндарьенгири Лылвари́ 6:11

И явдя́ Ра́скирэ-Дэвлэ́скиро Янго́ло, и бэстя́ дрэ Офра тэл дэмбо, саво́ сыс Иоасоскиро, Авиезэроскирэ родо́скэ; лэ́скиро чхаво́, о Гедео́но, вытринскирэлас тэды парно́ гив (гивны) дро точыло, соб (кай) тэ гаравэл ла Мадианитянэндыр.

Яви́р Зако́но 32:25

яври́ явэ́ла тэ хасякирэ́л лэн курта́ла, а дрэ кхэра́ дар – и тэрнэ́ чхавэ́с, и патываля чха, и колынытконэ биято́с, и сывонэ пхурэс.

Vygiiben 15:26

И пхэндя́: “Ко́ли ту явэ́са тэ шунэ́с ракхунэс Ра́скирэ-Дэвлэ́скири, тырэ́ Дэвлэ́скири зан, и тэ кэрэ́с лачхипэ́н анги́л Лэ́скирэ якха́, и тэ шунэ́с Лэ́скирэ припхэныбэна́, и тэ ракхэ́с сарэ́ Лэ́скирэ упхэныбэна́, тэды Мэ на лыджа́ва пэ ту́тэ ни екх дукхэндыр, савэ́ Мэ лыджиём пэ Еги́пто, пал-дова́ со Мэ сом Рай Дэвэ́л, Тыро́ састякирибнари.”

3 Kralip 8:37

Ци явэ́ла пэ пхув бок, ци явэ́на мороскирэ фуя́, ци явэ́ла хачкирды балва́л, ржа, пхакитка скочки (саранча), кирмэ, ци вэ́рго явэ́ла тэ притасавэл лэс пэ пхув лэ́скири, ци явэ́ла сави́ би́да, ци саво́ насвалыпэн,

Pritčy 3:33

Рай Дэвэ́л прокошэла кхэр, кай исын фуй ману́ш, нэ Ёв бахтякирэ́ла штэ́то, кай чачипна́скиро ману́ш дживэ́ла.

Isajos 62:8

Рай Дэвэ́л совлахадя́ Пэ́скирэ вастэ́са, Пэ́скирэ зоралэ́ вастэ́са: “Мэ на дава́ буты́р гив, соб (кай) тэ хан лэс тырэ́ вэ́рги, чужонэ́ манушэ́нгирэ чхавэ́ на пьена мол (вино), сави́ ту кэрдя́н.

Ереме́ё 15:3

Мэ ява́ва кэ ёнэ и Мэ да́ва лэ́нгэ штар ра́зна кары’ – ракирэ́ла Рай Дэвэ́л: Курта́ла тэ мулякирэ́л, джукэла тэ рискирэ́н, болыбны́тка чирикля́, и рискирибна́скирэ мурдала́ (звери) пэ пхув, тэ похан и тэ хасякирэ́н.

Езэкилё 24:23

Шэро́ тумаро́ явэ́ла обпхандло, тривики явэ́на пэ тумарэ́ ґэра́, тумэ́ на явэ́на тэ тугинэн ясвэ́нца, и на явэ́на тэ ровэ́н, нэ явэ́на тэ шутён тумарэ́ чорипна́стыр, тэ тугинэн ровибнаса екх анги́л явирэ́стэ.

Малахия 2:3

Акэ, Мэ отлава псико́ тумэ́ндыр [штылякирава тумаро́ ро́до-ю.о.], и Мэ росчхурдава ґнэё пэ тумарэ́ муя́, ґнэё тумарэ́ свэнкэндыр; и тумэн лыджа́на криг кхэтанэ́ ґнэёса.

Amoso 5:11

Палдава́, со тумэ́ штакирэна (притасавэ́на) чорорэс, и тумэ́ лэ́на лэ́стыр почасту́нки гивэса; на дыкхи́ пэ дова́, со тумэ́ чхудэ́ кхэра́ вычингирдэ барэстыр, тумэ́ усае́кх на явэ́на тэ дживэ́н дрэ лэ́ндэ; тумэ́ почхудэ дрэ пхув шука́р винаграды́тка унты (сады), нэ тумэ́ на явэ́на тэ пьен мол (вино) лэ́ндыр.