Левито 22:2 - Библия - Пэ Балтитко Романи чиб (Романэс) 2019

² “Ра́кир Аароно́скэ и лэ́скирэ чхавэ́нгэ, соб (кай) ёнэ ракхибнаса тэ рикирэ́н пэс анги́л Израилёскирэ-чхавэ́нгирэ свэнтыма, и тэ на магирэ́н Миро свэ́нто лав дро дова́, со ёнэ ракирэ́на Ма́нгэ. Мэ сом Рай Дэвэ́л.

Biblija - Pe Baltitko Romani čib (Romanes) 2019

² “Rákir Aaronóske i léskire čhavénge, sob (kaj) jone rakhibnasa te rikirén pes angíl Izrailjoskire-čhavéngire sventyma, i te na magirén Miro svénto lav dro dová, so jone rakiréna Mánge. Me som Raj Devél.

Левито 22:2 Referans Kwoze

Яви́р Зако́но 15:19

Саро́ англатуно́ бияныпнаскиро муршытко, со бияндёла барэ́ тырэ́ барэ́ мурдалэ́ндыр и тыкнэ́ кхэритконэ́ тырэ́ мурдалэ́ндыр, отдэ́ Ра́скэ-Дэвлэ́скэ, Дэвлэ́скэ тырэ́скэ: на кэр буты́ пэ англатунэ́ (пэрвонэ́) бияныпнаскирэ гурувэстэ тырэстэ, и на обчхин англатунэ́ бияныпнаскирэс тырэ́ тыкнэ́ кхэритконэ́ мурдалэ́ндыр;

Левито 18:21

Тырэ́ чхавэ́ндыр на отдэ́ тэ дынаринэ́н Молохоскэ, и на ладжакир тырэ́ Дэвлэ́скиро лав. Мэ сом Рай Дэвэ́л.

Čysly 18:32

и тумэ́ на лыджа́на пал дава́ грэ́хо, ке́ли янэ́на фэдыршо сарэ́стыр; и тумэ́ на магирэна свэнцякирдо Израилёскирэ чхавэ́нца и на мэрэ́на тумэ́.

Левито 22:32

На магирэ́н Миро свэ́нто лав, соб (кай) Мэ тэ явав свэнтонэса машки́р Израилёскирэ чхавэ́ндэ. Мэ сом Рай Дэвэ́л, Саво́ свэнцякирэла тумэн,

Левито 19:12

На дэн хоханы совэ́л, причхуви кэ дава́ лав Миро на магирэ́н пэ́скирэ Дэвлэ́скиро. Мэ сом Рай Дэвэ́л.

Vygiiben 28:38

и явэ́ла ёй пэ Аароноскиро шэро́, и лыджа́ла пэ пэ́стэ Ааро́но яныбнаскирэ надо ухтылыбэна, ке́ли высвэнцынэнас Израилёскирэ чхавэ́ндыр, и сарэ́ да́ры, савэ́ ёнэ янэ́нас; и явэ́ла ёй саро́ часо пэ лэ́скиро шэро́, соб (кай) ёнэ тэ латхэ́н ла́ска анги́л Растэ-Дэвлэ́стэ.

Vygiiben 13:12

отдэ́ Ра́скэ-Дэвлэ́скэ саро́, со откэрэла лочови́ (утроба); и саро́ англатуно́ тыкно́ кхэритконэ́ мурдалэ́ндыр (ското́стыр), саво́ явэ́ла ту́тэ, муршканэ́ родо́стыр, Ра́скэ-Дэвлэ́скэ,

Левито 21:6

Лэ́нгэ трэй тэ явэ́н свэ́нта пэ́скирэ Дэвлэ́скэ, и лэ́нгэ нашты́ тэ тэлякирэн пэ́скирэ-Дэвлэ́скиро лав, пал-дова́ со ёнэ янэ́на Ра́скэ-Дэвлэ́скэ свэ́нто дыибэ́н (жэ́ртва) пэ яг, маро́ пэ́скирэ Дэвлэ́скэ, и палдава́ исын бангэ́ тэ явэ́н свэ́нта.

Левито 20:3

и Мэ рискира́ва Миро муй пэ одолэ́ манушэ́стэ и хасякира́ва лэс лэ́скирэ манушэ́ндыр, пал-дова́ со ёв отдыя́ пэ́скирэ чхавэ́ндыр Молохоскэ, соб (кай) тэ магирэл Миро свэ́нто штэ́то и тэ тэлякирэл свэ́нто Миро лав;

Левито 15:31

Адя́кэ ракхэ́н Израилёскирэ чхавэ́н лэ́нгирэ нажужакирибнастыр, соб (кай) ёнэ тэ на мэрэ́н дро пэ́скиро нажужыпэн, магири Миро кхэр (ша́тра), саво́ исын машкира́л лэ́ндэ.

Левито 22:1

И пхэндя́ Рай Дэвэ́л Мойза́скэ, ракири́:

Е́здра 8:28

И мэ пхэндём лэ́нгэ: “Тумэ́ сан высвэнцындлэ Ра́скэ-Дэвлэ́скэ; и кхорэ́ адя́кэ-паць исын обсвэнцындлэ; и руп и сувнака́й, со яндлэ́ илэ́стыр Ра́скэ-Дэвлэ́скэ, Дэвлэ́скэ тумарэ́ дадэнгирэскэ.

Isajos 52:11

Джа́н, джа́н, выджа́н одотхы́р, на лэнпэ пал магирдо́, уджан лэ́стыр, жужакирэн пэс одолэ́, кон лыджа́ла кхорэ́ (сасу́ды) Ра́скирэ-Дэвлэ́скирэ.

Езэкилё 44:8

Тумэ́ на ракхэнас Миро свэ́нто штэ́то, а чхувэ́на лэн, соб (кай) тэ ракхэ́н пэ Миро свэ́нто штэ́то.”