Левито 21:9 - Библия - Пэ Балтитко Романи чиб (Романэс) 2019

⁹ Ко́ли э рашаскири чхай магирэла пэс биладжаипнаса, тэды ёй тэлякирэла пэ́скирэ дадэ́с; яга́са трэй ла тэ хачкирэ́н.

Biblija - Pe Baltitko Romani čib (Romanes) 2019

⁹ Kóli e rašaskiri čhaj magirela pes biladžaipnasa, tedy joj teliakirela péskire dadés; jagása trej la te xačkirén.

Левито 21:9 Referans Kwoze

Džiibén 38:24

Прогия́ (накхця) пашы́л трин чхона́, и пхэндлэ́ Юда́скэ: “Фамарь, тыри́ бори, загия́ дро блэ́ндо, и ґа́да, ёй исын пэралы блэндостыр.” Юда пхэндя́: “Вылыджан ла, и мэк ёй тэ явэ́л схачкирды.”

Левито 19:29

На магир тырья чха, домэки ла кэ блэ́ндо, соб (кай) тэ на явэ́л блэ́ндо пэ пхув и тэ на пхэрдёл пхув злыднимаса.

Titoske 1:6

соб (кай) кадасаво́ ману́ш тэ явэ́л бидошакиро, екхэ-ромнякиро ром, соб (кай) тэ явэ́н лэ́стэ чхавэ́, савэ́ патя́на Дэвлэ́скэ, савэ́ исын нарозмэкнэ, и савэ́ кандэ́на.

Малахия 2:3

Акэ, Мэ отлава псико́ тумэ́ндыр [штылякирава тумаро́ ро́до-ю.о.], и Мэ росчхурдава ґнэё пэ тумарэ́ муя́, ґнэё тумарэ́ свэнкэндыр; и тумэн лыджа́на криг кхэтанэ́ ґнэёса.

Езэкилё 9:6

Пхурэн и тэрнэ́ манушэ́н, патывалэ́ тэрнэ́ джувле́н и биято́с и джувле́н мулякирэ́н, нэ на чилавэн ни екх манушэ́с, пэ конэ́стэ исын шпэ́ра (знако). Лэн (зачнинэн) тэ кэрэ́н Мирэ́ свэнтонэ́ штэто́стыр.” Ёнэ лынэ́ тэ мулякирэ́н долэ́ годэ́-пхурэндыр (пхурыдырэндыр), савэ́ сыс анги́л Кхэр.

Isajos 33:14

Пиридарандынэ (страха́дынэ) грэхи́тка мануша́ пэ Сио́но, дарэ́на и издрана бидэвлыткарья! “Кон амэ́ндыр выдживэла паш яг, сави́ саро́ похала, кон выдживэла паш яг, сави́ хачола ве́чнэс?”

1 Kralip 2:34

И ґа́да, ту́кэ ґерты́к (знаме́ниё), сави́ джа́ла дуе тырэ́ чхавэ́нца, Офниса и Финеесоса: ёнэ дуйджинэ́ мэрэ́на дро екх дывэ́с.

1 Kralip 2:17

И грэ́хо далэ́ тэрнэ́-манушэ́нгиро сыс древа́н баро́ анги́л Растэ-Дэвлэ́стэ, пал-дова́ со ёнэ отрискирэна манушэ́н свэнтонэ́ яныбнастыр Ра́скэ-Дэвлэ́скэ.

Isúso 7:25

И пхэндя́ Ису́со: “Пал дова́, со ту яндян пэ амэ́ндэ би́да, Рай Дэвэ́л пэ ту́тэ янэ́ла би́да дрэ дава́ дывэ́с”. И мардэ́ лэс сарэ́ Израильтя́ни барэ́нца, и схачкирдэ́ лэн яга́са, и чхурдынэ́ пэ лэ́ндэ бара́.

Isúso 7:15

И манушэ́с угалёна, кон чордя совлахадэстыр, мэк лэс тэ схачкирэн яга́са, лэс и саро́, со лэ́стэ, пал-дова́ со ёв пиригия Ра́скирэ-Дэвлэ́скиро завето и кэрдя́ проти зако́но машки́р Израилё.

Левито 20:14

Ко́ли вари-кон лэ́ла пэ́скэ ромня́ и лакирья да: дава́ исын проти зако́но; пэ яг трэй тэ хачкирэ́н лэс и лэн, соб (кай) тэ на пхагирэн зако́но машки́р тумэ́ндэ.

Vygiiben 31:14

и ракхэ́н са́вато, пал-дова́ со ёв исын свэ́нто ваш тумэ́нгэ: кон магирэла лэс, одова́ мэк тэ явэ́л отдыно́ мэрибна́скэ; кон лэ́ла тэ кэрэ́л дрэ дава́ дывэ́с вари-сави́ буты́ (рэ́ндо), дова́ ди исын банго́ тэ явэ́л хасякирдо пэ́скирэ манушэ́ндыр;

Яви́р Зако́но 22:21

то тэрня джувля́ мэк тэ янэ́н кэ ла́кирэ-дадэ́скирэ кхэрэ́скирэ вудара́, и адалэ́-форо́скирэ мануша́ замарэна ла барэ́нца кэ мэрибэ́н; пал-дова́ со ёй кэрдя́ ладжаипнаскиро рэ́ндо машки́р Израилё, кэрдя́ биладжаипэ́н дро пэ́скирэ-дадэ́скиро кхэр; и адя́кэ вытрадэ фуипэ́н пэ́стыр.