Левито 2:10 - Библия - Пэ Балтитко Романи чиб (Романэс) 2019

¹⁰ а со ячэ́лапэ марунэ яныбнастыр, то мэк тэ явэ́л Аароно́скэ и лэ́скирэ чхавэ́нгэ: дая́ исын бари свэнтыма свэнтонэ́ дыибна́стыр (жэртвэндыр) Ра́скэ-Дэвлэ́скэ.

Biblija - Pe Baltitko Romani čib (Romanes) 2019

¹⁰ a so jačélape marune janybnastyr, to mek te javél Aaronóske i léskire čhavénge: daja isyn bari sventyma sventoné dyibnástyr (žertvendyr) Ráske-Devléske.

Левито 2:10 Referans Kwoze

Левито 2:3

а со ячэ́ла марунэ яныбнастыр, дова́ явэ́ла Аароно́скэ и лэ́скирэ чхавэ́нгэ: дава́ исын най барэды́р свэнтыма Ра́скирэ-Дэвлэ́скирэ свэнтонэ́ дыибна́стыр (жэртвэндыр).

Левито 6:16

а палатуно́ лэ́стыр мэк тэ хан Ааро́но и лэ́скирэ чхавэ́; пресно трэй тэ хан лэс пэ свэ́нто штэ́то, пэ грэ́да (дво́ро) дрэ скэдыибна́скири ша́тра мэк тэ хан лэс;

Е́здра 2:63

И о Тиршафа, барыдыро Персиякиро, пхэндя́ лэ́нгэ, соб (кай) ёнэ тэ на хан най свэ́нта яныбэна́ хабнастыр анги́л дова́, сыр тэ явэ́л раша́й Уримоса и Тумимоса (тэ мангэ́лпэ Дэвлэ́скэ пал лэ́ндэ).

Левито 5:13

и адя́кэ выжужакирэ́ла лэс раша́й лэ́скирэ грэхостыр, саво́ ёв кэрдя́ дро вари-со далэ́ ваканцыендыр (случаендыр), и отмэкно лэ́скэ явэ́ла; а со ячэ́лапэ, дова́ явэ́ла раша́скэ, сыр маруно́ яныбэ́н.

Левито 6:9

“Припхэн Аароно́скэ и лэ́скирэ чхавэ́нгэ: ‘Ѓа́да, исын Зако́но пал цэ́ло схачкирибэ́н: цэ́ло схачкирибэ́н мэк тэ ячэ́лпэ пэ схачкирибнаскиро штэ́то пэ алта́рё сари́ рат кэ зло́ко (ра́нко), и алтарёскири яг мэк тэ хачол пэ лэ́стэ;

Левито 6:23

и кажно маруно́ яныбэ́н рашастыр, саро́ мэк тэ явэ́л схачкирдо, а на схано.”

Левито 7:7

Сыр пал грэхоскиро свэ́нто дыибэ́н, адя́кэ и пал свэ́нто дыибэ́н пал чорипэ́н Зако́но исын екх: ёв отлыджалапэ раша́скэ, саво́ жужакирэла лэ́са.

Левито 10:12

И пхэндя́ Мо́йза Аароно́скэ и Елизароскэ и Ифамароскэ, савэ́ ячнэ́пэ лэ́скирэ чхавэ́ндыр: “Лэн маруно́ яныбэ́н, саво́ яця́пэ Ра́скирэ-Дэвлэ́скирэ свэнтонэ́ дыибнэндыр, и хан лэс преснонэ (бидрожджэнгирэ) пашы́л алта́рё, пал-дова́ со дава́ исын бари свэнтыма;

Левито 14:13

и зачхинэла бакрэ́с пэ дова́ штэ́то, кай чхинэна ваш свэ́нто дыибэ́н пал грэ́хо, и цэ́ло схачкирибэ́н, пэ свэ́нто штэ́то, пал-дова́ со дава́ чхинэна ваш свэ́нто дыибэ́н пал банг, саво́ подджа́ла пэ свэ́нто дыибэ́н (жэ́ртва) пал грэ́хо, и ёв трэй, соб (кай) тэ явэ́л раша́скэ: дава́ исын бари свэнтыма;

Левито 21:22

Маро пэ́скирэ Дэвлэ́скиро исын барэ́ свэнтыматыр и свэнтыматыр ёв сашты́ тэ хал;

Čysly 18:9

Ѓа́да, со исын тыро́ самонэ барэ́ яныбнаскирэ свэнтыматыр, со янэ́на пэ яг: кажно лэ́нгиро маруно́ яныбэ́н, и кажно лэ́нгиро свэ́нто яныбэ́н пал грэ́хо, и кажно свэ́нто яныбэ́н пал лэ́нгири банг, со ёнэ янэ́на Ма́нгэ, дава́ тэ явэ́л сыр бари свэнтыма ту́кэ и тырэ́ чхавэ́нгэ.

1 Kralip 2:28

И ци на выкэдыём Мэ лэс сарэ́ндыр Израилёскирэ родэндыр Пэ́скэ дро рашастэ, соб ёв тэ подджа́л кэ Миро алта́рё (жэртвенико), соб (кай) тэ хачкирэл фимиа́мо, соб тэ лыджа́л эфо́до анги́л Ма́ндэ? И ци на дыём Мэ тырэ́ дадэ́скирэ кхэрэ́скэ сарэ́ схачкирдэ́ яга́са Израилёскирэ чхавэ́нгиро свэнтонэ́ дыибнэндыр Ра́скэ-Дэвлэ́скэ?

2 Паралипоменоно 31:14

Коре́, Имнаскиро чхаво́, Левито, ракхибнари пэ по́рта пэ васточно риг, сыс пашы́л яныбэна́ илэ́стыр Дэвлэ́скэ, тэ выдэл дова́, со сыс яндло Ра́скэ-Дэвлэ́скэ и фэдыршонэ посвэнцындлэ вешчэндыр.

Езэкилё 44:29

Ёнэ явэ́на тэ хан марэскирэ яныбнастыр, свэнтонэ́ дыибна́стыр пало́ грэ́хо, свэнтонэ́ дыибна́стыр пало́ чорипэ́н, саро́ свэнцындло хабэ́н дро Израилё исын раша́нгиро.

Езэкилё 46:20

И пхэндя́ ма́нгэ: “Адава́ исын штэ́то, кай рашая́ исын бангэ́ тэ кэравэн свэ́нто дыибэ́н (жэ́ртва) пал чорипэ́н, и свэ́нто дыибэ́н пал грэ́хо, и кай исын бангэ́ тэ пэкэн маруно́ свэ́нто дыибэ́н и нашты́ тэ янэс лэс пэ грэ́да (дво́ро), сави́ сыс яври́, ваш дова́, соб (кай) народо тэ явэ́л свэ́нто.”