Левито 16:5 - Библия - Пэ Балтитко Романи чиб (Романэс) 2019

⁵ И Израилёскирэ чхавэ́нгирэ скэдыибна́стыр мэк ёв тэ лэл дуе́н бузнэн (козлэн) дро свэ́нто дыибэ́н пал грэ́хо и екхэ бакрэ́с ваш цэ́ло схачкирибэ́н.

Biblija - Pe Baltitko Romani čib (Romanes) 2019

⁵ I Izrailjoskire čhavéngire skedyibnástyr mek jov te lel dujén buznen (kozlen) dro svénto dyibén pal grého i jekhe bakrés vaš célo shačkiribén.

Левито 16:5 Referans Kwoze

2 Паралипоменоно 29:21

И яндлэ́ эфта́ гуруворэ́н и эфта́ бакрэ́н, и эфта́ бакрорэ́н, и эфта́ бузнэн (козлэн) пэ свэ́нто дыибэ́н Ра́скэ-Дэвлэ́скэ пал грэ́хо пал кралипэ́н, и пал свэ́нто штэ́то, и пал Юдэ́я; и припхэндя́ ёв Аароно́скирэ чхавэ́нгэ, рашангэ, тэ ґаздэ́н цэ́ло схачкирибэ́н пэ Ра́скирэ-Дэвлэ́скиро алта́рё.

Е́здра 6:17

И яндлэ́ ёнэ свэ́нта дыибэна́, ке́ли свэнцынэнас Кхэр (Кхангири́) Дэвлэ́скиро шэл гурува, дуйшэла́ бакрэ́ штаршэла́ бакрорэ, дэшуду́й бузнэ (козлы), сыр свэ́нто дыибэ́н пал Израилё пир дова́, со исын дэшуду́й ро́дыцы Израилёскирэ.

Čysly 29:11

и екхэ бузнэ́с (козлос) дрэ свэ́нто дыибэ́н Ра́скэ-Дэвлэ́скэ пал грэ́хо, апри́ч свэнтонэ́ яныбнастыр Ра́скэ-Дэвлэ́скэ пал грэ́хо, саво́ янэ́на пэ жужакирибнаскиро дывэ́с, и апри́ч кажнонэ́-дывэсэскирэ цэ́ло схачкирибэ́н и лэ́скиро маруно́ яныбэ́н, и лэ́скиро вычхуибэн.

Левито 8:2

“Лэ Аароно́с и лэ́скирэ чхавэ́н лэ́са, и и́ди, и оливи́тко дзэт (елеё) тэ макхэс, и гуруво́рэс (тельцос) ваш свэ́нто дыибэ́н пал грэ́хо и дуе́н бакрэ́н (овнэн), и кхудо (корзина) апреснокэнца,

Римлянэнгэ 8:3

Пал-дова́ со, сыр Зако́но на могиндя́ тэ пиризорьякирэл манушэскири лоч, и хасякирдя́ пэ́скири зор, тэды Дэвэ́л бичхадя́ Пэ́скирэс Чхавэ́с, Саво́ сыс дрэ лоч (плоть), сыр грэхи́тко ману́ш, соб (кай) Ёв тэ явэ́л сыр свэ́нто дыибэ́н (жэ́ртва) пал грэ́хо и тэ сэндякирэ́л грэ́хо дрэ манушэ́стэ,

Левито 8:14

И яндя́ гуруво́рэс (тельцос) пал грэ́хо ваш свэ́нто дыибэ́н, и Ааро́но и лэ́скирэ чхавэ́ чхудэ́ пэ́скирэ васта́ пэ гуруворэскиро шэро́ пал грэ́хо;

Левито 1:10

Ко́ли лэ́скиро цэлонэ́-хачкирибнаскиро свэ́нто дыибэ́н тыкнэ́ кхэритконэ́ мурдалэстыр, бакрэ́ндыр ци бузнендыр, мэк тэ янэл ёв муршканэ́ родо́стыр, тэ явэ́л ёв бидошэ́нгиро,

Левито 4:3

ко́ли помакхно раша́й кэрэ́ла грэ́хо и кэрэ́ла манушэ́н бангэнца, то тэды пал пэ́скиро грэ́хо, саво́ кэрдя́ ёв, мэк тэ янэл барэ́ кхэритконэ́ мурдалэстыр гуруво́рэс, бидошэнгирэс, Ра́скэ-Дэвлэ́скэ дро свэ́нто дыибэ́н пал грэ́хо,

Левито 9:2

и пхэндя́ Аароно́скэ: “Лэ пэ́скэ гурувэндыр гуруво́рэс (тельцос) дро свэ́нто дыибэ́н (жэ́ртва) пал грэ́хо и бакрэ́с дро цэ́ло схачкирибэ́н, дуе́н бидошэнгирэн, и ян лэн анги́л Растэ-Дэвлэ́стэ;