Левито 16:4 - Библия - Пэ Балтитко Романи чиб (Романэс) 2019

⁴ Лэ́скэ трэй тэ урьел свэнцындло ґандладэстыр (лёностыр) хитоно, тэлатуны и́дя ґандладэстыр мэк тэ явэ́л пэ лэ́скирэ маса́, и ґандладытконэ кустыкаса мэк ёв тэ подпхандэлпэ, и гандладытко кидаро мэк ёв тэ урьел: дава́ исын свэнцындлэ и́ди; и мэк ёв тэ обморэл пэ́скирэ маса́ пане́са, и тэ урьел лэн.

Biblija - Pe Baltitko Romani čib (Romanes) 2019

⁴ Léske trej te ur'jel svencyndlo ĥandladestyr (ljonostyr) xitono, telatuny ídia ĥandladestyr mek te javél pe léskire masá, i ĥandladytkone kustykasa mek jov te podphandelpe, i gandladytko kidaro mek jov te ur'jel: davá isyn svencyndle ídi; i mek jov te obmorel péskire masá paniésa, i te ur'jel len.

Левито 16:4 Referans Kwoze

Vygiiben 30:20

ке́ли лэ́нгэ трэй тэ заджа́н дрэ скэдыибна́скири ша́тра, мэк ёнэ тэ обморэнпэ пане́са, соб (кай) лэ́нгэ тэ на мэрэ́н; ци ке́ли лэ́нгэ трэй тэ подджан тэ явэ́н пашылэды́р кэ алта́рё тэ дынаринэ́н, тэ янэ́н цэ́ла схачкирибэна Ра́скэ-Дэвлэ́скэ,

Юдэ́нгэ 7:26

Пал-дова́ со адасаво́ Англатуно́ Раша́й и трэй амэ́нгэ: свэ́нто, лачхэ́-илы́тко, на магирдо́ грэхоса; Дэвэ́л чхудя́ Лэс дрэ риг грэхитконэ́ манушэ́ндыр и ґаздыя́ Лэс вучэ́с дро Болыбна́скиро Раё.

Левито 6:10

и мэк раша́й тэ урьелпэ дрэ пэ́скири гандладытко (лёнытко) и́дя, и урьела пэ пэ́скирэ маса́ похтанытка тэлатунэ́ холова, и злэла пра́ска (пепло) цэлонэ́ схачкирибнастыр, саво́ хачкирдя́ яг пэ алта́рё, и чхувэ́ла лэс пашы́л алта́рё;

Юдэ́нгэ 10:22

палдава́ явэ́н пашылэды́р кэ Дэвэ́л чачунэ́ илэ́са, пхэрдэ́ патяибна́са, соб (кай) тэ явэ́н амарэ́ илэ выжужакирдэ грэхэ́ндыр и тэ на чуинас фуес, со амэ сам бангэ́; тэ явэ́н амарэ́ маса́ обмордэ жужэ́ пане́са.

Юдэ́нгэ 2:14

Пал-дова́, со сыр сарэ́-манушэ́нгирэ чхавэ́ндэ исын рат и лоч (плоть), адя́кэ-паць и Ёв прилыя́ саро́, сыр ману́ш, ке́ли бия́ндыя, соб (кай) пир Пэ́скиро мэрибэ́н Ёв могиндя́ тэ хасякирэ́л налачхэскири зор пэ мэрибэ́н;

Filipiicenge 2:7

а Ёв чхудя́ дрэ риг Пэ́скири Дэвлыткима, Ёв яця́ сыр писха́ри, саво́ зджа́ла пэ манушэ́ндэ, и пир дыкхибэ́н – Ёв яця́ сыр ману́ш;

Luka 1:35

И отпхэндя́ ла́кэ Янго́ло, пхэны: “Свэ́нто Ду́хо (Фа́но) зджа́ла пэ Ту́тэ, и зор Сарэвучэдырэскири учхакирэ́ла Тут; пал-дова́ со Свэ́нто Чхаво́, Саво́ бияндёла, явэ́ла тэ кхарэлпэ Дэвлэ́скиро Чхаво́.

Isajos 53:2

Ёв выбария анги́л Лэ́стэ сыр чарори, сыр отбарипэн шукэ́ пхувья́тыр; Ёв на выдыкхэлас, сыр ману́ш патывалэ́ минаса, на сыс дрэ Лэ́стэ барипэ́н; амэ Лэс дыкхцям, и Лэ́стэ на сыс дасаво, со б притырдыя амэн кэ Ёв.

Левито 16:24

и обморэла пэ́скирэ маса́ пане́са пэ свэ́нто штэ́то, и урьела пэ́скирэ и́ди (ризы), и выджа́ла и янэ́ла цэ́ло схачкирибэ́н пал пэ́стэ и цэ́ло схачкирибэ́н пал манушэ́ндэ, и выжужакирэ́ла пэс и манушэ́н;

Vygiiben 40:12

И ян Аароно́с и лэ́скирэ чхавэ́н кэ загиибэ́н дрэ скэдыибна́скири ша́тра и обмор лэн пане́са,

Vygiiben 29:4

Аароно́с и лэ́скирэ чхавэ́н ян кэ загиибэ́н дрэ ша́тра ваш скэдыибэ́н, и обмор лэн пане́са.

Vygiiben 28:2

И кэр тырэ́ пшалэ́скэ Аароно́скэ свэ́нта урибэна́ ваш сла́ва и шукарипэ́н.

Левито 16:23

И заджа́ла Ааро́но дрэ ша́тра скэдыибна́скири, и злэла ґандладытка (лёнытка) урибэна́, савэ́ ёв урьявэлас, сыр джа́лас ёв пэ свэ́нто штэ́то, и ячкирэ́ла лэн одо́й,

Левито 16:32

Тэ жужакирэл исын банго́ о раша́й, саво́ исын помакхно, и саво́ исын высвэнцындло, соб (кай) лэ́скэ тэ кэрэ́л буты́ раша́са пэ штэ́то пэ́скирэ дадэ́скиро: и урьела ёв ґандладэстыр (лёностыр) урибэна́, свэ́нта и́ди,

Езэкилё 9:2

Акэ, шов мануша́ джа́на упратунэ портатыр, со исын кэ паш-рат (северо). Кажнонэ́стэ (сваконэстэ) дро васт исын дова́, со хасякирэ́ла кэ мулыпэн, а машки́р лэ́ндэ сыс екх, саво́ сыс уридо́ дро похтанытко урибэ́н, конэ́стэ пашы́л лэскро симири сыс дова́, со́са чхинэна лыла́ (приборо). И явнэ́ ёнэ, и сыс тэрдэ́ пашы́л алта́рё.

Езэкилё 44:19

Ке́ли явэ́ла трэй тэ выджа́н пэ грэ́да со яври́, пэ грэ́да, со яври́ кэ народо, лэ́нгэ трэй тэ злэн пэ́скиро урибэ́н, дро саво́ ёнэ кэрэ́нас свэ́нто буты́, трэй тэ ячкирэн (тэ ячавэн) лэн дрэ свэ́нта шту́бы, и тэ урьенпэ дро яви́р урибэ́н, соб (кай) тэ на чилавэн ёнэ народо пэ́скирэ свэнтонэ́ урибнаса.

Левито 6:3

ци ко́ли ёв латхэ́ла хасякирдо, и хохавэла дро дова́, и совлахала хоханэ́с дро вари-со, со мануша́ кэрэ́на и кэрэ́на грэ́хо долэса,