Левито 11:8 - Библия - Пэ Балтитко Романи чиб (Романэс) 2019

⁸ мас лэ́нгиро на хан и кэ тру́пы лэ́нгирэ на причилавэнпэ; нажужэ́ ёнэ исын ваш тумэ́нгэ.

Biblija - Pe Baltitko Romani čib (Romanes) 2019

⁸ mas léngiro na xan i ke trúpy léngire na pričilavenpe; nažužé jone isyn vaš tuménge.

Левито 11:8 Referans Kwoze

Юдэ́нгэ 9:10

пал-дова́ со ёнэ отлыджанаспэ кэ упхэныбэна́, со сашты́ тэ хас, и со тэ пьес, сыр со тэ морэс (тэ халавэс), кэ амари́ лоч (плоть), лэ́ндэ исын зор кэ/ жы́ко дава́ часо, пака Дэвэ́л кэрэ́ла нэво́ ладо (порядко).

Колосянэнгэ 2:16

Мэк нико́н тэ на сэндинэл тумэн пал хабэ́н ци пал пибэ́н, ци пал вари-саво́ свэ́нко, ци са́вато (субо́та),

Osija 9:3

Ёнэ на явэ́на тэ дживэ́н пэ пхув Ра́скирэ-Дэвлэ́скири, а Ефре́мо рисёла палэ кэ Еги́пто, и ёнэ явэ́на тэ хан нажужэ́ хабэна дрэ Асирия.

Isajos 52:11

Джа́н, джа́н, выджа́н одотхы́р, на лэнпэ пал магирдо́, уджан лэ́стыр, жужакирэн пэс одолэ́, кон лыджа́ла кхорэ́ (сасу́ды) Ра́скирэ-Дэвлэ́скирэ.

Левито 5:2

Ци, ко́ли вари-кон чилавэлапэ кэ вари-со нажужо, ци кэ нажужэ́ рискирибна́скирэ мурдалэскиро (зверёскиро) тру́по, ци кэ нажужэ́ кхэритконэ́ мурдалэскиро (скотоскиро) тру́по, ци кэ нажужэ́-ґадоскиро тру́по, нэ ёв на джиндя́ дава́, тэды ёв исын нажужо и явэ́ла банго́.

Эфесянэнгэ 5:11

соб (кай) тэ на явэ́л тумэ́ндэ нисо́ кхэтанэ́ дрэ чхучэ́ калэ́ (тёмна) рэ́нды, нэ фэды́р сыкавэ́н банг,

Эфесянэнгэ 5:7

На явэ́н кхэтанэ́ адасавэ́ манушэ́нца;

2 Коринфянэнгэ 6:17

“Палдава́ мэкэ́н адалэ́ манушэ́н и явэ́н дрэ риг, – ракирэ́ла Рай Дэвэ́л, – и тэ на явэ́л тумэ́ндэ ничы́ кхэтанэ́ нажужэса, и Мэ прилава тумэн;

1 Коринфянэнгэ 8:8

Нэ мас на чхувэ́ла амэн пашылэды́р кэ Дэвэ́л; ци хаса амэ лэс, ци амэ на хасякираса ничы́, ци на хаса амэ лэс, нанэ ни сави́ льго́та амэ́ндэ.

Римлянэнгэ 14:21

Фэды́р тэ на хас мас, и тэ на пьес мол и тэ на кэрэ́с нисо́ дасаво, со́стыр тыро́ пшал могинэ́ла тэ змарэлпэ дромэ́стыр, соб (кай) тэ на злыджас пшалэ́с, ци тэ на кэра́с дова́, со́стыр ёв на могинэ́ла тэ зрикирэлпэ.

Apostolengiri Butý 15:29

На хан дова́ хабэ́н, саво́ янэ́на идолэ́нгэ сыр свэ́нто дыибэ́н и на пьен рат, на кэрэ́н биладжаипэ́н, и на хан мас затасадэ мурдалэстыр, и на кэрэ́н явирэ́нгэ дова́, со тумэ́ на камэ́на пэ́скэ; ко́ли тумэ́ явэ́на тэ ракхэ́н пэс сарэ́ далэ́стыр, тумэ́ кэрэ́на шука́р. Ячэ́нпэ Дэвлэ́са.”

Apostolengiri Butý 10:28

И ёв пхэндя́ лэ́нгэ: “Тумэ́ джинэ́на, со пир амаро́ Зако́но нашты́ Юдоскэ тэ ракирэ́л Наюдэнца, ци тэ явэ́л кхэтанэ́ лэ́нца; нэ Дэвэ́л сыкадя́ ма́нгэ, тэ на кхарав ние́кхвар манушэ́с налачхэса ци нажужэса.

Marko 7:18

И Ёв пхэндя́ лэ́нгэ: “Нау́што и тумэ́ ишчо (инкэ́) на ґалёна? Нисо́, со джа́ла андрэ́ яврестыр дрэ манушэ́стэ, на могинэ́ла тэ кэрэ́л лэс нажужэса,

Marko 7:15

Нисо́ далэ́стыр, со джа́ла андрэ́ яврэстыр дрэ манушэ́стэ, на могинэ́ла тэ кэрэ́л манушэ́с нажужэса; нажужэса манушэ́с бутэды́р кэрэ́ла дова́, со джа́ла яври́ лэ́стыр.”

Marko 7:2

И дыкхнэ́, со вари-савэ́ Лэ́скирэ сыкляибны́тка ха́на “мэлалэ вастэ́нца”, со значынэ́ла, “на мо́ри васта́.”

Матфеё 15:20

Кадава́ саро́ кэрэ́ла манушэ́с магирдэса анги́л Дэвлэ́стэ, нэ тэ хал намордэ вастэ́нца на кэрэ́ла манушэ́с магирдэса.”

Матфеё 15:11

‘На дова́, со заджа́ла дрэ манушэ́скирэ ушта́, кэрэ́ла Лэс магирдэса анги́л Дэвлэ́стэ, нэ дова́, со джа́ла яври́ лэ́стыр, акэ, исын, дава́, со кэрэ́ла Лэс магирдэса.”

Левито 11:7

и балычэн, пал-дова́ со копыто лэ́ндэ роскэрдо и пэ копыто исын хор росчхиныбэн (разрезо), нэ ёнэ на жуйскирэна жвачка, нажужэ́ ёнэ исын ваш тумэ́нгэ;

Левито 11:9

Сарэ́ мурдалэ́ндыр (жывотнэндыр), савэ́ исын дро пани́, хан долэн: савэ́ндэ исын пора и чэшуя дро пани́, дро мо́рё (дэрья́в) ци дрэ рэка (лэнь), долэн хан;