Левито 11:7 - Библия - Пэ Балтитко Романи чиб (Романэс) 2019

⁷ и балычэн, пал-дова́ со копыто лэ́ндэ роскэрдо и пэ копыто исын хор росчхиныбэн (разрезо), нэ ёнэ на жуйскирэна жвачка, нажужэ́ ёнэ исын ваш тумэ́нгэ;

Biblija - Pe Baltitko Romani čib (Romanes) 2019

⁷ i balyčen, pal-dová so kopyto lénde roskerdo i pe kopyto isyn xor rosčhinyben (razriezo), ne jone na žujskirena žvačka, nažužé jone isyn vaš tuménge;

Левито 11:7 Referans Kwoze

Isajos 66:17

“Одолэ́, кон свэнтякирэла и жужакирэл пэс дро вэша́, и ха́на балычано мас, магирипэ́н и кармусэн (мышэн) – сарэ́ ёнэ хасёна”, – ракирэ́ла Рай Дэвэ́л.

Isajos 66:3

Одова́, кон зачхинэла гурувэ́с исын сы́рбы одова́, кон замарэла манушэ́с. Кон янэ́ла бакрорэс ваш свэ́нто дыибэ́н исын сы́рбы одова́, кон затасавэла джуклэс; кон янэ́ла да́ро исын сы́рбы одова́, кон чхувэ́ла балычано рат; кон хачкирэ́ла фимиа́мо, исын сы́рбы одова́, кон мангэлапэ идолоскэ; сыр ёнэ выкэдынэ́ пэ́скиро дром и дава́ налачхипэн исын дро́го лэ́нгирэ илэскэ.

Isajos 65:4

Бэшэла дрэ коплицы (гробницы) и ратькирэла дрэ ґеба́р (пешчэра); ха́ла балычано мас и на́лачхо (нажужо) хабэ́н исын дрэ лэ́скирэ чарэ́.

Яви́р Зако́но 14:8

и балычэн, пал-дова́ со мэк копыты лэ́ндэ исын росчхиныбнаса, нэ ёнэ на жуинэна жвачка: нажужэ́ ёнэ исын ваш тумэ́нгэ; на хан лэ́нгиро мас, и пал лэ́нгирэ тру́пы на лэнпэ.

Luka 15:15

тэды ёв гия́ и тэрдия́ пэ буты́ кхэтанэ́ явирэнца кэ екх хула́й пэ доя́ пхув, а кодова́ ману́ш бичхадя́ лэс пэ пэ́скири фэ́лда тэ чаравэл балычэн;

Luka 8:33

Налачхэ́ ду́хи выгинэ́ манушэ́стыр, загинэ́ дрэ балычэндэ; и балычэнгиро гурто чхурдыяпэ брэгоскирэ крутыматыр дро зеро и тасадыя.

Матфеё 7:6

На дэн дова́, со исын свэ́нто, джуклэнгэ, на чхурдэ́н мутиня (жэмчуги) анги́л балычэндэ, соб (кай) ёнэ тэ на штакирэн лэн ґэрэ́нца, и тэ на рисён, и тэ на роскушэн тумэн.

Левито 11:3

кажно кхэри́тко мурда́л (ското), савэ́стэ исын роскэрдо копыто (най), и пэ копыты исын хор росчхиныбэн (разрезо), и саво́ жуйскирэла жвачка, хан;

Левито 11:6

и шушуёс (зайцос), пал-дова́ со ёв жуйскирэла жвачка, нэ копыто лэ́стэ нароскэрдо, нажужо ёв исын ваш тумэ́нгэ;

Левито 11:8

мас лэ́нгиро на хан и кэ тру́пы лэ́нгирэ на причилавэнпэ; нажужэ́ ёнэ исын ваш тумэ́нгэ.