Левито 10:3 - Библия - Пэ Балтитко Романи чиб (Романэс) 2019

³ И пхэндя́ Мо́йза Аароно́скэ: “Ѓа́да, пал со ракирдя́ Рай Дэвэ́л, ке́ли Ёв пхэндя́: ‘Дрэ одолэ́ндэ, савэ́ явэ́на пашылэды́р кэ Мэ и Мэ высвэнцынавапэ и анги́л сарэ́ манушэ́ндэ прославинавапэ.’” Ааро́но сыс штыл.

Biblija - Pe Baltitko Romani čib (Romanes) 2019

³ I phendiá Mójza Aaronóske: “Ĥáda, pal so rakirdiá Raj Devél, kiéli Jov phendiá: ‘Dre odolénde, savé javéna pašyledýr ke Me i Me vysvencynavape i angíl saré manušénde proslavinavape.’” Aaróno sys štyl.

Левито 10:3 Referans Kwoze

Vygiiben 19:22

рашая́, савэ́ джа́нас пашылэды́р кэ Рай Дэвэ́л, лэ́нгэ трэиндя́ тэ освэнцынэн пэс, соб (кай) тэ на хаськирэл лэн Рай Дэвэ́л.

Isajos 49:3

И пхэндя́ Ма́нгэ: “Ту сан писха́ри Миро, Израилё, Ту дэ́са Ма́нгэ паты́в и барипэ́н:

Левито 21:6

Лэ́нгэ трэй тэ явэ́н свэ́нта пэ́скирэ Дэвлэ́скэ, и лэ́нгэ нашты́ тэ тэлякирэн пэ́скирэ-Дэвлэ́скиро лав, пал-дова́ со ёнэ янэ́на Ра́скэ-Дэвлэ́скэ свэ́нто дыибэ́н (жэ́ртва) пэ яг, маро́ пэ́скирэ Дэвлэ́скэ, и палдава́ исын бангэ́ тэ явэ́н свэ́нта.

Čysly 20:12

И пхэндя́ Рай Дэвэ́л Мойза́скэ и Аароно́скэ: “Пал дова́, со тумэ́ на патяндынэ́ Ма́нгэ, соб (кай) тэ сыкавав Мири́ свэнтыма анги́л якха́ Израилёскирэ чхавэ́нгирэ, тумэ́ на залыджана адалэ́ манушэ́н пэ пхув, сави́ Мэ да́ва лэ́нгэ.”

1 Kralip 2:30

Палдава́ адя́кэ ракирэ́ла Рай Дэвэ́л, Рай Дэвэ́л Израилёскиро: ‘Мэ пхэндём тэды: ‘Тыро́ кхэр и тырэ́-дадэ́скиро кхэр явэ́на тэ псирэ́н анги́л Миро муй дро ве́ко.’ Нэ какана́ ракирдя́ Рай Дэвэ́л: ‘Мэк тэ на явэ́л адя́кэ, пал-дова́ со Мэ прославинава манушэ́н, савэ́ славинэна Ман, а кон на славинэла Ман, одолэ́ явэ́на ладжакирдэ́.

Яви́р Зако́но 32:51

пал-дова́, со тумэ́ кэрдэ́ грэ́хо проти Ма́ндэ машки́р Израилёскирэ чхавэ́ндэ пашы́л пани́ Мериво дро Кадесо, пэ чхучи́ пхув Син, пал-дова́, со ёнэ на ракхнэ Мири́ свэнтыма машки́р Израилёскирэ чхавэ́ндэ.

Isajos 52:11

Джа́н, джа́н, выджа́н одотхы́р, на лэнпэ пал магирдо́, уджан лэ́стыр, жужакирэн пэс одолэ́, кон лыджа́ла кхорэ́ (сасу́ды) Ра́скирэ-Дэвлэ́скирэ.

Psalmy 89:7

Кон пэ болыбэ́н исын равно Ра́скэ-Дэвлэ́скэ? Конэ́с машки́р болыбна́скирэ Янголэндэ сашты́ тэ припарувэн Ра́са-Дэвлэ́са.

1 Kralip 6:20

И пхэндлэ́ Вефсамисоскирэ мануша́: “Кон могинэ́ла тэ тэрдёл анги́л Растэ-Дэвлэ́стэ, адалэ́ Свэнтонэ́ Дэвлэ́стэ? И кэ кон Ёв джа́ла амэ́ндыр?”

Левито 21:21

ние́кх ману́ш рашаскирэ Аароно́скирэ родо́стыр, савэ́стэ пэ маса́ исын наухтылыбэн, нашты́ тэ подджа́л, соб (кай) тэ янэл Ра́скэ-Дэвлэ́скэ свэ́нта дыибэна́; наухтылыбэн исын пэ лэ́стэ, палдава́ лэ́скэ нашты́ тэ подджа́л, соб (кай) тэ янэл маро́ пэ́скирэ-Дэвлэ́скэ.

Левито 8:35

пашы́л скэдыибнаскиро загиибэ́н дрэ ша́тра явэ́н дывэ́с и рат эфта́ дывэса́, и явэ́н ракхунэс Растэ-Дэвлэ́стэ, соб (кай) тэ на мэрэ́н, пал-дова́ со адя́кэ ма́нгэ сыс пхэндло́ Ра́стыр-Дэвлэ́стыр.”

Езэкилё 20:41

Мэ прилава тумэн сыр гудло́ тхув смолэндыр, ке́ли вылыджава Мэ тумэн явирэ нацые́ндыр, скэда́ва Мэ тумэн тхэмэндыр, кай тумэ́ сан росчхудэ тэ дживэ́н, Мэ ява́ва Свэ́нто машки́р тумэ́ндэ, соб (кай) тэ дыкхэ́н Наюды́тка на́цыи.

Левито 22:9

Мэк тэ ракхэ́н ёнэ Мирэ́ упхэныбэна́, соб (кай) тэ на лыджа́н пэ пэ́стэ грэ́хо, и тэ на мэрэ́н дрэ лэ́стэ, ке́ли ёнэ пхагирэна дава́. Мэ сом Рай Дэвэ́л, саво́ свэнцякирэла лэн.

Левито 21:17

“Ра́кир Аароно́скэ дасавэ́ лава́: ‘Нико́н тырэ́ родо́стыр дрэ сарэ́ лэ́нгирэ ро́ды, савэ́ндэ пэ маса́ явэ́ла наухтылыбэн, нашты́ тэ подджа́л, соб (кай) тэ янэл маро́ пэ́скирэ-Дэвлэ́скэ;

Левито 21:15

Лэ́скэ нашты́ тэ ладжакирэл пэ́скиро семё (сал) дрэ пэ́скирэ манушэ́ндэ, пал дова́ со Мэ сом Рай Дэвэ́л, Саво́ лэс свэнцякирава.’”

Левито 21:8

Высвэнцын лэн, пал-дова́ со ёнэ янэ́на маро́ тырэ́ Дэвлэ́скэ: мэк тэ явэ́н ёнэ ту́тэ свэ́нта, пал дова́ со Мэ сом свэ́нто Рай Дэвэ́л, Саво́ свэнцякирэла тумэн.

Езэкилё 42:13

И пхэндя́ ёв ма́нгэ: “Шту́бы пэ паш-рати́тко (северно) и пэ паш-дывэсы́тко (южно) рига́, савэ́ сыс анги́л англатуно́ штэ́то, исын свэ́нта шту́бы, кай рашая́ исын, савэ́ явэ́на кэ Рай Дэвэ́л, Дэвэ́л, и кай ёнэ ханас свэ́нта дыибэна́ (жэртвы), одо́й ёнэ чхувэ́на свэ́нта дыибэна́, и янэ́на маруно́ свэ́нто дыибэ́н, и дыибэ́н пало́ грэ́хо, и дыибэ́н пал чорипэ́н, пал-дова́ со кадава́ исын свэ́нто штэ́то.

Psalmy 39:9

Зра́кх ман сарэ́ мирэ́ чорипна́стыр, на домэк, соб (кай) дылыно́ ману́ш тэ обракирэл ман.

1 Petr 4:17

Пал-дова́ со подги́я часо, со явэ́на тэ сэндинэ́н манушэ́н дро Дэвлэ́скиро Кхэр, и ко́ли амэ ява́са пэ́рва мануша́ пэ сэ́ндо, тэды, со явэ́ла одолэ́ манушэ́нгэ, савэ́ на кандэ́на Дэвлэ́скири бахталы́ зан (звесь)?

Матфеё 10:37

Конэ́скэ исын дро́го лэ́скиро дад ци буты́р, сыр Мэ, кодова́ исын на́лачхо Ма́нгэ, и кодова́, савэ́скэ исын дро́го чхаво́ ци чхай буты́р, сыр Мэ, кодова́ исын на́лачхо Ма́нгэ,

Езэкилё 28:22

Пхэн: ‘Акэ, Мэ выджава пэ ту́тэ, Сидоно, тэ прославинавапэ машки́р ту́тэ, и ґалёна, со Мэ сом Рай Дэвэ́л, Дэвэ́л, ке́ли Мэ ява́ва тэ сэндякирав лэс, и ке́ли Мэ сыкава́ва Пэс пир лэ́стэ, со Мэ сом Свэ́нто.

Ióvo 2:10

Нэ ёв пхэндя́ ла́кэ: “Ту ракирэ́са сыр е́кх пхарэ́-шэрэскирэ джувлендыр, сави́ пхэнэлас: амэ адя́кэ-паць дорэсцям лачхипэ́н Дэвлэ́стыр, и ци амэ́нгэ адя́кэ-паць тэ на прилас биба́хт?” Пало́ саро́ дава́ Ио́во на пхэндя́ грэ́хо пэ́скирэ уштэ́нца.

Joannostir 12:28

Да́до, прославин Тыро́ лав.” И болыбна́стыр роздыяпэ зан: “И Мэ прославиндём, и ишчо (инкэ́) Мэ ява́ва тэ славинав.”

1 Kralip 3:18

И дыя́ тэ джинэ́л лэ́скэ Самуи́ло саро́, и на гарадя лэ́стыр ничы́. Тэды пхэндя́ Илиё: “Ёв, Рай Дэвэ́л; со Лэ́скэ трэй, дова́ мэк тэ кэрэ́л.”

Vygiiben 14:4

А Мэ пхарьякирава фараоно́скиро ило́, и ёв явэ́ла тэ традэлпэ пал лэ́ндэ, и Мэ сыкава́ва сла́ва Мири́ пэ фараоностэ и пэ сарэ́ лэ́скирэ халадэ́ндэ; и уджинэна Египтя́ни, со Мэ сом Рай Дэвэ́л.” И кэрдэ́ адя́кэ.

Džiibén 18:25

Нашты́ тэ явэ́л, соб (кай) Ту тэ кэрэ́с адя́кэ, соб (кай) Ту тэ хасякирэс чачунэ́ манушэ́с кхэтанэ́ злыднитконэса, соб (кай) дова́-паць тэ явэ́л чачунэ́ манушэ́са; со и злыднитконэса; нашты́ тэ явэ́л Ту́тыр! Сэнда́ри сарэ́ пхувья́киро тэ кэрэ́л на пир чачипэ́н?”

2 Фесалоникийцэнгэ 1:10

дро дова́ дывэ́с, ке́ли Ёв явэ́ла, соб (кай) Ёв тэ явэ́л славиндло машки́р Пэ́скирэ свэнтонэндэ и машки́р сарэ́ндэ, кон упатяндыя, пал-дова́ со тумэ́ упатя́ндынэ амарэ́ допхэныбнаскэ.

Joannostir 14:13

И со тумэ́ тэ на помангэн Дадэ́стыр Мирэ́ лавэ́стыр, Мэ саро́ кэра́ва дова́, и Дад сыкавэ́ла Пэ́скири сла́ва пир Чхавэ́стэ.

Psalmy 119:120

Мири́ лоч (плоть) издрала дара́тыр анги́л Ту́тэ; ма́ндэ исын трашаибэ́н анги́л Тыро́ сэ́ндо.

Psalmy 46:10

Кон кэрэ́ла адя́кэ, со марибэна кэ пхувья́кирэ яго́ры (краи́) кончынэнапэ, Ёв пхагирэ́ла лу́ко и пхагирэ́ла чхурдыпнытко буст (коп΄е) пэ котэра́; Ёв хачкирэ́ла сарэ́са яга́са марибны́тка вурдэна́.

Isajos 39:8

И пхэндя́ Езэки́я Исаёскэ: “Лачхо́ исын Ра́скирэ-Дэвлэ́скиро лав, саво́ ту пхэндя́н, пал-дова́ со дрэ Мирэ́ дывэса́ Ёв бичхавэ́ла ишчо (инкэ́) рама́нё (миро) и зракхибэ́н”.

Vygiiben 14:17

а Мэ пхарьякирава Египтянэнгиро ило́, и ёнэ джа́на пала́л пал лэ́ндэ. И Мэ сыкава́ва Миро барипэ́н пэ фараоностэ и пэ сарэ́ лэ́скирэ халадэ́ндэ, пэ лэ́скирэ марибны́тка вурдэна́ и пэ лэ́скирэ манушэ́ндэ, савэ́ уклистэ́ пэ грэ́ндэ;

Vygiiben 30:30

помакх и Аароно́с и лэ́скирэ чхавэ́н, и высвэнцын лэн, соб (кай) ёнэ тэ явэ́н рашая́ Ма́нгэ.

Čysly 16:5

и пхэндя́ Кореёскэ и сарэ́ манушэ́нгэ, савэ́ сыс кхэтанэ́ лэ́са, ракири́: “Атася́ сыкавэ́ла Рай Дэвэ́л, кон исын Лэ́скиро, и кон исын свэ́нто, соб (кай) тэ кэрэ́л пашылэды́р лэс кэ Пэ; и конэ́с Ёв выкэдэ́ла, одолэ́с и кэрэ́ла Ёв пашылэды́р кэ Пэ.

Psalmy 148:14

И Ёв ґаздыя́ Лэ́скирэ-манушэ́нгиро дэсто́, Саво́ дэ́ла зор, соб (кай) тэ шарэ́н Лэс Лэ́скирэ свэ́нта Израилёскирэ чхавэ́, савэ́ исын пашылэды́р кэ Ёв. Аллилуя.

Езэкилё 38:16

И ту ґаздэсапэ пэ Миро народо, пэ Израилё, сыр о́блоко, соб (кай) тэ учхакирэс пхув, дава́ явэ́ла дрэ палатунэ́ (последня) дывэса́, и Мэ яна́ва тут проти Мири́ пхув, соб (кай) тэ ґалён Ман народы, ко́ли Мэ пэ ту́тэ, Гогэ, сыкава́ва, со Мэ сом Свэ́нто анги́л лэ́нгирэ якха́.

Езэкилё 40:46

А шту́ба, сави́ выджа́ла пэ паш-рати́тко риг, исын ваш рашангэ, савэ́ ракхэнас алта́рё: кадалэ́ исын Садокоскирэ чхавэ́, екхджинэ мануша́ Левиёскирэ чхавэ́ндыр, савэ́ явэ́нас пашылэды́р кэ Рай Дэвэ́л, Дэвэ́л, соб (кай) тэ кэрэ́н буты́ ваш Лэ́скэ.

Vygiiben 19:24

И Рай Дэвэ́л пхэндя́ лэ́скэ: “Джа́ тэлэ́, тэ́ньчи джа́ упрэ́ ту, и ту́са Ааро́но; а рашая́ и мануша́, мэк тэ на скэдэ́нпэ тэ джа́н кэ Рай Дэвэ́л, соб (кай) лэн тэ на хасякирэ́л.”

Psalmy 39:10

Мэ со́мас лало́, мэ на отпхандём миро муй пал-дова́, со Ту адя́кэ кэрдя́н.

Psalmy 93:5

Тырэ́ допхэныбэна на парудёна; свэнтыма гожакирэла Тыро́ кхэр, о Раё Дэ́вла, пэ сарэ́ ве́ки.