Левито 10:1 - Библия - Пэ Балтитко Романи чиб (Романэс) 2019

¹ Надаво и Авиудо (Авигу), Аароно́скирэ чхавэ́, лынэ́ кажно пэ́скири кадила, и чхудэ́ дрэ лэ́ндэ яг, и зачхудэ дрэ ла́тэ дро́га смо́лы тэ тхувлякирэн, и яндлэ́ анги́л Растэ-Дэвлэ́стэ яг чу́жо, пэ сави́ Ёв на дыя́ во́ля лэ́нгэ;

Biblija - Pe Baltitko Romani čib (Romanes) 2019

¹ Nadavo i Aviudo (Avigu), Aaronóskire čhavé, lyné kažno péskiri kadila, i čhudé dre lénde jag, i začhude dre láte dróga smóly te thuvliakiren, i jandlé angíl Raste-Devléste jag čúžo, pe saví Jov na dyjá vólia lénge;

Левито 10:1 Referans Kwoze

Čysly 26:61

нэ Надаво и Авиудо мынэ́, ке́ли яндлэ́ натрэбимо яг анги́л Растэ-Дэвлэ́стэ.

Левито 16:12

и лэ́ла хачкирдэ́ вангара дрэ пхэрды́ кадила алтарёстыр, саво́ исын анги́л Растэ-Дэвлэ́стэ, и лэ́ла гудлэ́ смо́лы тэ хачкирэл пхэрдэ́ бурныка (пригоршни), и вылыджала лэн пал полого;

Яви́р Зако́но 12:32

Саро́, со мэ ракира́ва тумэ́нгэ, причхувэ́н зор тэ кэрэ́н; ту на причху́в кэ дова́ и на отлэ долэ́стыр.

Čysly 16:46

И пхэндя́ Мо́йза Аароно́скэ: “Лэ кадила, и чхув яг дрэ ла́тэ алтарёстыр и чхув гудлэ́ смо́лы (фимиа́мо), и лы́джа сыгнэдыр кэ мануша́, и затэрдёв пал лэ́ндэ, пал-дова́ со выгия́ холы́ Ра́стыр-Дэвлэ́стыр и яця́ хасякирибэн.”

Vygiiben 24:1

И пхэндя́ Ёв Мойза́скэ: “Джа́ упрэ́ кэ Рай Дэвэ́л, ту и Ааро́но, Надаво и Авиудо и эфтадэша́ Израилёскирэ пхурыдыра́, и кэрэ́н шэрэ́са (поклонинэнпэ) дура́л.

Vygiiben 6:23

Ааро́но лыя́ пэ́скэ ромня́ Елисавета, Аминадавоскирья чха, Наасоноскирья пхэня́, и ёй бияндя́ лэ́скэ Надавос и Авиудос, Елизарос и Ифамарос.

Psalmy 141:2

Мэк миро мангипэ́н (модло) тэ доджал кэ Ту сы́рбы фимиа́мо, а ке́ли мэ ґазда́ва васта́ сы́рбы бэльвэлякиро свэ́нто яныбэ́н.

Левито 22:9

Мэк тэ ракхэ́н ёнэ Мирэ́ упхэныбэна́, соб (кай) тэ на лыджа́н пэ пэ́стэ грэ́хо, и тэ на мэрэ́н дрэ лэ́стэ, ке́ли ёнэ пхагирэна дава́. Мэ сом Рай Дэвэ́л, саво́ свэнцякирэла лэн.

Vygiiben 28:1

Акана́ лэ кэ пэ Аароно́с, тырэ́ пшалэ́с, и лэ́скирэ чхавэ́н лэ́са, чхавэ́н Израилёскирэ родо́стыр, соб (кай) ёв тэ явэ́л Ма́нгэ раша́са, Аароно́с и Надавос, Авиудос, Елизарос и Ифоамарос, Аароно́скирэ чхавэ́н.

Vygiiben 24:9

Тэ́ньци гия́ упрэ́ Мо́йза и Ааро́но, Надаво и Авиудо и эфтадэша́ Израилёскирэ пхурыдыра́,

Левито 16:1

И ракирдя́ Рай Дэвэ́л Мойза́скэ пал дуе Аароно́скирэ чхавэ́нгиро мэрибэ́н, ке́ли ёнэ тэрдинэ́ чужонэ́ (напэскирэ) яга́са анги́л Растэ-Дэвлэ́стэ, и мынэ́,

Левито 9:24

И выгия́ яг Ра́стыр-Дэвлэ́стыр и схачкирдя́ пэ цэлонэ́-схачкирибнаскиро алта́рё и чэкэ́н; и дыкхнэ́ сарэ́ мануша́, и дынэ́ го́дла радыма́тыр, и пынэ́ пэ пэ́скирэ муя́.

Vygiiben 27:3

Кэр кэ ёв пирья тэ вычхувэн дрэ лэ́ндэ пра́ска (пепло), и лопаткицы, копаныцы тэ скэдэл, и бустя́ (видэлки), лопаткицы ваш вангар; сарэ́ приборы кэр харкома́тыр (медятыр).

Юдэ́нгэ 9:4

Одо́й сыс сувнакуно́ алта́рё, кай хачкирэнас лачхэ́-кхандыпна́скири смо́ла, и Ковчэго́скиро Мохто́/Мохтэ́н (Яшчыко) завето́са, саво́ сыс обчхудо сувнака́са сарэ́ ригэ́ндыр. Дро дава́ Свэ́нто Мохто́ сыс сувнакуно́ чаро́ маннаса, Ароноскиро дэсто́, саво́ вылениндя. И сыс одо́й адя́кэ-паць барунэ́ таблицы, кай сыс вычингирдэ заветоскирэ припхэныбэна́.

Ереме́ё 44:15

Тэ́ньци сарэ́ мурша́, савэ́ джиндлэ́, со лэ́нгирэ ромня́, хачкирдэ́ дро́га смо́лы явирэ дэвлорэ́нгэ, и сарэ́ джувля́, кон сыс тэрдэ́ пашы́л, бут лэн, и сарэ́ мануша́, савэ́ дживдэ́ пэ пхув Египто́скири кэ Пафросо, отпхэндлэ́ Еремеёскэ и пхэндлэ́:

Ереме́ё 44:8

ваш со тумэ́ дэ́на яг Мирэ́ холякэ (холякирэна Ман) буте́нца тумарэ́-вастэнгирэ, ке́ли тумэ́ хачкирэна дро́га смо́лы явирэ дэвлорэ́нгэ пэ пхув Египто́скири, пэ сави́ тумэ́ гинэ́ тэ дживэ́н, соб (кай) тэ хасён тумэ́ (хасякирэ́н пэс) и, соб (кай) машки́р сарэ́ на́цыи пэ пхув тэ явэ́л прокошыбэ́н (арман) и бипатыв кэ тумэ́?

Ереме́ё 32:35

И ёнэ чхудэ́ вучэ́ штэ́ты Ваалоскэ пэ до́ло Еномоскирэ [Гиномоскирэ-ю.о.] чхавэ́нгиро, соб (кай) тэ лыджа́н пирда́л яг лэ́нгирэ чхавэ́н и чхае́н тэ дэн паты́в Молохоскэ: со Мэ припхэндём тэ на кэрэ́н лэ́нгэ, со на явдя́ Ма́нгэ пэ годы́, соб (кай) ёнэ тэ кэрэ́н далэ́ джунгалэ́ рэ́нды, соб (кай) мануша́ Юдэя́кирэ тэ кэрэ́н грэ́хо.”

Ереме́ё 19:5

и ёнэ адя́кэ-паць чхудэ́ вучэ́ штэ́ты Ваалоскэ тэ хачкирэ́н пэ́скирэ чхавэ́н дрэ яг сыр хачкирибнаскиро свэ́нто дыибэ́н Ваалоскэ, со Мэ припхэндём тэ на кэрэ́н, пал со Мэ на ракирдём, дава́ на сыс и Ма́ндэ пэ годы́.

Ереме́ё 7:31

И ёнэ кэрдэ́ вучэ́ штэ́ты кэ Тофето, со исын пэ Хиномоскирэ-чхавэ́нгиро до́ло тэ хачкирэ́н Пэ́скирэ чхавэ́н и чхае́н дрэ яг – со Мэ припхэндём тэ на кэрэ́н, и со на явдя́ кэ Мэ пэ годы́.

Яви́р Зако́но 17:3

и джа́ла, и лэ́ла тэ дынаринэ́л явирэ дэвлорэ́нгэ, и лэ́ла тэ мангэ́лпэ лэ́нгэ, ци кхамэскэ, ци чхонэскэ, ци сарэ́-болыбна́скирэ чэргэнякэ, со мэ припхэндём тэ на кэрэ́с,

Яви́р Зако́но 4:2

тэ на причхувэ́н кэ дова́, со мэ ракирдём тумэ́нгэ, и тэ на отлэн долэ́стыр; ракхэ́н Ра́скирэ-Дэвлэ́скирэ, тумарэ́ Дэвлэ́скирэ припхэныбэна́, савэ́ мэ да́ва тумэ́нгэ.

Vygiiben 40:27

И захачкирдя пэ лэ́стэ дро́га смо́лы, сыр пхэндя́ Рай Дэвэ́л Мойза́скэ.

Vygiiben 38:3

И кэрдя́ ёв сарэ́ алтарёскирэ приборы кэ алта́рё: пирья, лопатки, тахтая́, бустя́ (видэлки) и угольницы; сарэ́ лэ́скирэ приборы кэрдя́ ёв харкома́тыр (медятыр).

Vygiiben 37:29

И кэрдя́ миро ваш свэ́нто макхибэн и ароматытка чарья́ тэ хачкирэ́н, жужэ́, спецоскирэ бутя́тыр тэ чхувэ́н лачхэ́-кхандунэ (парфуны).

Vygiiben 31:11

и дзэт (елеё) тэ макхэс и гудлэ́ смо́лы тэ хачкирэс ваш свэ́нто штэ́то; саро́ адя́кэ, сыр Мэ пхэндём ту́кэ, ёнэ кэрэ́на.”

3 Kralip 18:38

И спыя тэлэ́ яг Ра́скирэ-Дэвлэ́скири, и похая цэ́ло схачкирибэ́н, и кашта́ и бара́, и пра́хо, и накхадя пани́, саво́ сыс дрэ рово (хохо́й).

Vygiiben 8:27

Амэ джа́са пэ чхучи́ пхув, пэ тринэ́-дывэсэнгиро дром, и янаса свэ́нто дыибэ́н Ра́скэ-Дэвлэ́скэ, амарэ́ Дэвлэ́скэ, сыр Ёв пхэнэ́ла амэ́нгэ.”

Čysly 4:18

“На домэкэн, соб (кай) тэ хасён Каафоскиро кхэри́тко ро́до (племё) Левитэндыр,