Biblia Todo Logo
Bib sou entènèt

- Piblisite -




Левито 1:9 - Библия - Пэ Балтитко Романи чиб (Романэс) 2019

9 а свэнтонэ́ дыибнаскирэ паша́ андрыпнастыр (букорэ) и ла́кирэ ґэра́ выморэла ёв пане́са, и схачкирэ́ла раша́й саро́ пэ алта́рё: дава́ исын цэ́ло схачкирибэ́н, свэ́нто дыибэ́н, гудло́ тхув Ра́скэ-Дэвлэ́скэ.

Gade chapit la Kopi

Biblija - Pe Baltitko Romani čib (Romanes) 2019

9 a sventoné dyibnaskire pašá andrypnastyr (bukore) i lákire ĥerá vymorela jov paniésa, i shačkiréla rašáj saró pe altárjo: davá isyn célo shačkiribén, svénto dyibén, gudló thuv Ráske-Devléske.

Gade chapit la Kopi




Левито 1:9
35 Referans Kwoze  

И сунгадя Рай Дэвэ́л гудло́ тхув (дымо) и пхэндя́ Рай Дэвэ́л дро Пэ́скиро ило́: “Мэ на ява́ва буты́р тэ прокошав пал пхув манушэ́с, пал-дова́ со манушэ́скиро ило́ исын тэ кэрэ́л фуипэ́н лэ́скирэ тэрныпнастыр: и буты́р Мэ на ява́ва тэ хасякира́в саро́, со исын джидо́, сыр Мэ кэрдём.


а паша́ андрыпнастыр (букорэ) и ґэра́ выморэла пане́са, и саро́ янэ́ла раша́й, и пэ алта́рё схачкирэ́ла, дава́ исын цэ́ло схачкирибэ́н, свэ́нто дыибэ́н (жэ́ртва), гудло́ тхув, Ра́скэ-Дэвлэ́скэ.


дживэ́н дрэ паты́в кэ яви́р мануша́, сыр и Христо́со сыкадя́ паты́в амэ́нгэ и отдыя́ Пэс пал амэ́ндэ, сыр гудло́ кхандыпэн и свэ́нто дыибэ́н, саво́ исын лачхо́ Дэвлэ́скэ.


Пал-дова́ со амэ сам сы́рбы гудло́ тхув (дымо), со Христо́со янэ́ла Дэвлэ́скэ ваш одолэ́нгэ, савэ́ исын зракхнэ́ и ваш одолэ́нгэ, савэ́ хасёна;


Мэ прилава тумэн сыр гудло́ тхув смолэндыр, ке́ли вылыджава Мэ тумэн явирэ нацые́ндыр, скэда́ва Мэ тумэн тхэмэндыр, кай тумэ́ сан росчхудэ тэ дживэ́н, Мэ ява́ва Свэ́нто машки́р тумэ́ндэ, соб (кай) тэ дыкхэ́н Наюды́тка на́цыи.


раша́й схачкирэ́ла дава́ пэ алта́рё; дава́ исын ягакиро маро́ – свэ́нто дыибэ́н Ра́скэ-Дэвлэ́скэ.


и схачкир сарэ́ бакрэ́с пэ алта́рё. Дава́ исын цэ́ло схачкирибэ́н Ра́скэ-Дэвлэ́скэ, гудло́ тхув, свэ́нто дыибэ́н, Ра́скэ-Дэвлэ́скэ.


Мэ дорэсцём буты́р, сыр ма́нгэ трэй, мэ сом радо, ке́ли дорэсцём Епафодитостыр саро́, со тумэ́ бичхадэ́ ма́нгэ сы́рбы гудло́ аромато, сыр дро́го свэ́нто дыибэ́н, саво́ исын лачхо́ Дэвлэ́скэ.


Пал-дова́ со, ке́ли Мэ яндём лэн пэ пхув, пал сави́ дрэ совла́х тэ дав лэ́нгэ, Мэ ґаздавас Миро васт, а ёнэ выдыкхнэ ваш пэ́скэ кажно вучи́ бэ́ргица, кажно кашт барэ́ ґэнстонэ ранденца (вэткэнца), и ёнэ лынэ́ тэ янэ́н одо́й пэ́скирэ дыибэна́, савэ́нца выкхарэнас Мири́ холы́; и янэ́нас одо́й пэ́скирэ тхува гудлэ́, и вычхувэнас одо́й пэ́скирэ тхадунэ свэ́нта дыибэна́ (жэртвы).


Выморэн тумарэ́ илэ фуипнастыр, соб (кай) тумэ́нгэ тэ зракхэнпэ. Сыр ґара́ бибахталэ́ ду́мы явэ́на дрэ тумарэ́ шэрэ́?


Мэ яна́ва Ту́кэ хачкирибнаскирэ свэ́нта дыибэна́ тхулэ мурдалэ́ндыр, кучонэ́ кхандыбнаса бакрэ́ндыр, мэ яна́ва гурувэ́н бузненца. Сэ́ла.


Анги́л Ту́тэ, Екхэ́стэ, мэ кэрдём грэ́хо и кэрдём фуипэ́н анги́л Тырэ́ якха́. И чачуно́ явэ́ла Тыро́ ракирибэ́н и патяибны́тко явэ́ла Тыро́ сэ́ндо.


а андратунэ́ маса́ и ґэра́ обмордя и хачкирдя́ цэлонэ́ схачкирибнаса пэ алта́рё,


а андратунэ́ маса́ и ґэра́ вымордя пане́са, и схачкирдя́ Мо́йза сарэ́ бакрэ́с пэ алта́рё: дава́ исын цэ́ло схачкирибэ́н дрэ гудло́ тхув, акэ, исын свэ́нто дыибэ́н Ра́скэ-Дэвлэ́скэ, сыр пхэндя́ Рай Дэвэ́л Мойза́скэ.


и пхагирэ́ла ла (чирикля́) дрэ ла́кирэ пхака́ (крылы), на отлыи лэн, и схачкирэ́ла ла раша́й пэ алта́рё, пэ кашта́, савэ́ исын пэ яг: дава́ исын цэ́ло схачкирибэ́н, свэ́нто дыибэ́н, гудло́ тхув, Ра́скэ-Дэвлэ́скэ.


и лэ дава́ лэ́нгирэ вастэ́ндыр, и хачкир сарэ́са пэ алта́рё цэлонэ́ схачкирибнаса сыр гудло́ тхув анги́л Растэ-Дэвлэ́стэ: дава́ исын свэ́нто дыибэ́н (жэ́ртва) Ра́скэ-Дэвлэ́скэ.


О, Курта́ля! Ѓаздэпэ пэ пастырёстэ Мирэстэ и пэ сэмэнцатэ Мирьятэ, ракирэ́ла янголэ́нгирэ-болыбна́скиро Рай Дэвэ́л. Замар пастырёс, и роспрастанапэ бакрэ́! И Мэ протырдава васт Миро кэ тыкнэ́.


на хан лэ́стыр надопэкно, ци кэрадо дро пани́, нэ хан пэкно пэ яг, шэро́ ґэрэ́нца и андратунэ́ масэнца;


и саро́ ла́киро чэкэ́н откэдэла, адя́кэ-паць сыр откэдэла чэкэ́н раманёнэ (мирнонэ) свэнтонэ́ дыибна́стыр (жэртватыр), и схачкирэ́ла лэс раша́й пэ алта́рё дро гудло́ тхув, Ра́скэ-Дэвлэ́скэ; и адя́кэ выжужакирэ́ла лэс раша́й, и отмэкно лэ́скэ явэ́ла.


и явэ́на тэ янэ́н свэ́нто дыибэ́н Ра́скэ-Дэвлэ́скэ, цэ́ло схачкирибэ́н, ци тэ явэ́л свэ́нто дыибэ́н зачхиндлэ́ гурувэндыр и бакрэ́ндыр, соб (кай) тэ кэрэ́л пир совла́х, ци пир паты́в, ци дрэ тумарэ́ свэ́нки, соб (кай) тэ кэрэ́н гудло́ тхув, лачхо́ Ра́скэ-Дэвлэ́скэ,


И дро нэво́ чхон тумаро́, янэ́н цэ́ло схачкирибэ́н Ра́скэ-Дэвлэ́скэ: барэ́ кхэритконэ́ мурдалэстыр (ското́стыр) дуе́н тэрнэн гуруворэ́н, екхэ́с бакрэ́с и эфта́ екхэ-бэршытконэн бакрэ́н би дошакиро,


И ян цэ́ло схачкирибэ́н тыро́, мас и рат, пэ Ра́скирэ-Дэвлэ́скиро, тыро́ Дэвлэ́скиро алта́рё; нэ рат явирэ тырэ́ свэнтонэ́ яныбнастыр Ра́скэ-Дэвлэ́скэ трэй, соб (кай) тэ явэ́л прочхудо пашы́л Ра́скирэ-Дэвлэ́скиро, тырэ́ Дэвлэ́скиро алта́рё, а мас ха.


и янэ́ла лэс кэ Аароно́скирэ чхавэ́, кэ рашая́, и лэ́ла пхэрды́ бурнык (жменя) яржо́ елеёса и сарэ́ ливаноса, и схачкирэ́ла раша́й дава́ сыр рипирибэ́н пэ алта́рё; дава́ исын свэ́нто дыибэ́н, гудло́ тхув, Ра́скэ-Дэвлэ́скэ;


и лэ́ла раша́й далэ́ свэнтонэ́ дыибна́стыр паш сыр рипирибэ́н, и схачкирэ́ла пэ алта́рё: дава́ исын свэ́нто дыибэ́н, гудло́ тхув, Ра́скэ-Дэвлэ́скэ;


и схачкирэ́ла раша́й сыр рипирибэ́н паш зя́рки и елеё сарэ́ ливаноса: дава́ исын свэ́нто дыибэ́н (жэ́ртва) Ра́скэ-Дэвлэ́скэ.


и Аароно́скирэ чхавэ́ схачкирэна дава́ пэ алта́рё кхэтанэ́ цэлонэ́ схачкирибнаса, саво́ исын пэ кашта́ пэ яг: дова́ исын свэ́нто дыибэ́н, гудло́ тхув, Ра́скэ-Дэвлэ́скэ.


Ѓа́да, исын Зако́но пал маруно́ яныбэ́н: Аароно́скирэ чхавэ́нгэ трэй тэ янэ́н лэс анги́л Растэ-Дэвлэ́стэ кэ алта́рё;


и лыя́ дава́ Мо́йза лэ́нгирэ вастэ́ндыр и схачкирдя́ пэ алта́рё ваш цэ́ло схачкирибэ́н: дава́ исын свэ́нто дыибэ́н посвэнциндло дро гудло́ тхув, дава́ исын свэ́нто дыибэ́н Ра́скэ-Дэвлэ́скэ.


и ваш тхадуно свэ́нто дыибэ́н пашы́л ла́тэ тэ явэ́л екх шта́рто гино пэ екхэ бакрэстэ: пэ свэ́нто штэ́то кэр вычхуибэн, мол (вино) Ра́скэ-Дэвлэ́скэ.


Явирэ́с бакрэ́с бэльвэле́, дасавэ́ марунэ яныбнаса, сыр злокостыр (ранкостыр), и дасавэ́ вычхуибнаса пашы́л лэ́стэ ян лэс дрэ свэ́нто яныбэ́н, дро гудло́ тхув, лачхо́ Ра́скэ-Дэвлэ́скэ.


чхаво́ Елканаскиро, чхаво́ Ерохамоскиро (Иерохамоскиро), чхаво́ Елиилоскиро, чхаво́ Тоахаскиро,


И кэрдя́ ёв дэш москирэ чарэ́, и чхудя́ пандж пир чачи́ риг и пандж пир зэ́рво риг, соб (кай) дова́, со сыс приладиндло кэ цэ́ло схачкирибэ́н тэ морэн дрэ лэ́ндэ; мо́рё (дэрья́в) – ваш рашангэ, соб (кай) ёнэ тэ морэнпэ дрэ лэ́стэ.


Сыс адя́кэ-паць шту́ба загиибнаса пашы́л портакирэ сты́лбы: одо́й выморэна схачкирибнытка свэ́нта дыибэна́ (жэртвы).


Swiv nou:

Piblisite


Piblisite