Левито 1:5 - Библия - Пэ Балтитко Романи чиб (Романэс) 2019

⁵ и зачхинэла гуруво́рэс (тельцос) анги́л Растэ-Дэвлэ́стэ. Аароно́скирэ чхавэ́, рашая́, мэк тэ янэ́н рат, и мэк тэ брызгинэн ратэ́са сарэ́ ригэ́ндыр пэ алта́рё, саво́ исын пашы́л загиибэ́н дрэ скэдыибна́скири ша́тра;

Biblija - Pe Baltitko Romani čib (Romanes) 2019

⁵ i začhinela guruvóres (tiel'cos) angíl Raste-Devléste. Aaronóskire čhavé, rašaja, mek te janén rat, i mek te bryzginen ratésa saré rigéndyr pe altárjo, savó isyn pašýl zagiibén dre skedyibnáskiri šátra;

Левито 1:5 Referans Kwoze

Левито 3:8

и чхувэ́ла пэ́скиро васт пэ шэро́ пэ́скирэ жэртвакиро, и зачхинэла ла анги́л скэдыибна́скири ша́тра, и Аароно́скирэ чхавэ́ побрызгинэна ла́кирэ ратэ́са пэ алта́рё сарэ́ ригэ́ндыр;

Левито 1:11

и зачхинэла лэс анги́л Растэ-Дэвлэ́стэ пэ паш-рати́тко (северно) алтарёскири риг, и Аароно́скирэ чхавэ́, рашая́, мэк тэ брызгинэн далэ́ ратэ́са пэ алта́рё сарэ́ ригэ́ндыр;

Левито 3:2

и чхувэ́ла пэ́скиро васт пэ пэ́скирэ-жэртвакиро шэро́, и зачхинэла лэс пашы́л вуда́р скэдыибна́скири ша́тра; а Аароно́скирэ чхавэ́, рашая́, побрызгинэна ратэ́са пэ алта́рё сарэ́ ригэ́ндыр;

1 Petr 1:2

пир Дэвлэ́скирэ-Дадэ́скиро задуминыбэн ваш дова́, соб (кай) тэ кандэ́н Исусо́с Христосо́с, Саво́ отмэкця́ грэ́хи Лэ́скирэ Духо́са, соб (кай) тумэ́ тэ явэ́н помакхнэ Лэ́скирэ Ратэ́са: мэк бахтякирибэ́н и рама́нё (миро) тэ явэ́н бут бут тумэ́нгэ.

Юдэ́нгэ 12:24

и кэ Ису́со, Саво́ пиридыя амэ́нгэ Нэво́ Завето Дэвлэ́са и кэ дро́го рат, со сыс прочхудо, саво́ исын зоралэды́р Авелёскирэ ратэстыр.

2 Паралипоменоно 35:11

И зачхиндлэ́ патрадитконэ бакрорэс. И чхувэ́нас рашая́ ратэ́са, лыи́ лэс Левитэ́нгирэ вастэ́ндыр, а Леви́ты злынэ цы́па.

Левито 3:13

и чхувэ́ла пэ́скиро васт пэ ла́киро шэро́, и зачхинэла ла анги́л скэдыибна́скири ша́тра, и побрызгинэна Аароно́скирэ чхавэ́ лэ́скирэ ратэ́са пэ алта́рё сарэ́ ригэ́ндыр;

Vygiiben 29:16

и зачхин бакрэ́с, и лэ лэ́скиро рат, и брызгин пэ алта́рё сарэ́ ригэ́ндыр;

Юдэ́нгэ 10:11

И кажно (сва́ко) раша́й дывэ́с дро дывэ́с кэрэ́ла Дэвлэ́скири буты́ и янэ́ла бут мо́лы одолэ́-паць свэ́нта дыибэна́, савэ́ ние́кхвар на могинэ́на тэ злэн грэ́хи,

Mihiejo 6:6

Со́са тэ явав ма́нгэ анги́л Растэ-Дэвлэ́стэ, и сыр ма́нгэ тэ бандякирав шэро́ анги́л Болыбна́скирэ Дэвлэ́стэ? Ци тэ явав ма́нгэ анги́л Лэ́стэ хачкирибнаскирэ свэнтонэ́ дыибнэнца? Ци екхэ-бэршэскирэ целянтэнца?

Езэкилё 36:25

И Мэ брызгинава тумэн жужэ́ пане́са, тумэ́ жужакирэнапэ сарэ́ тумарэ́ магирипнастыр, Мэ жужакирава тумэн сарэ́ тумарэ́ идолэндыр.

Isajos 52:15

Адя́кэ бут народы дивинэнаспэ Лэ́стыр; кра́лья закэрна (пхандэна) пэ́скирэ ушта́ анги́л Лэ́стэ, пал-дова́ со ёнэ дыкхэ́на и джинэ́на дова́, со ёнэ на шундлэ́, со николи лэ́нгэ на ракирдэ́.

Čysly 18:17

нэ пал пэрвонэ́ тыкнорэстэ гурумнендыр [гурувэндыр-р.с.], и пал пэрвонэстэ бакрэ́ндыр, и пал пэрвонэстэ бузнэндыр, на лэ выкиныбэ́н: ёнэ исын свэ́нта; лэ́нгирэ ратэ́са обчхув алта́рё, и ада́й лэн хачкир сыр свэ́нто дыибэ́н, дро гудло́ тхув, лачхо́ Ра́скэ-Дэвлэ́скэ;

Левито 16:15

Тэ́ньци ёв зачхинэла бузнэ́с (козлос) дро свэ́нто дыибэ́н пал манушэ́нгиро грэ́хо, и лыджа́ла андрэ́ лэ́скиро рат пал полого, и кэрэ́ла дова́-паць лэ́скирэ ратэ́са, со кэрдя́ гуруворэскирэ ратэ́са, и чхувэ́ла лэ́са пэ дэнко и анги́л дэнко,

Левито 1:15

раша́й лэс янэ́ла кэ алта́рё, и пхагирэ́ла лэ́скэ шэро́, и схачкирэ́ла пэ алта́рё, а рат вытасавэла кэ алтарёскири ва́нта;

Vygiiben 29:11

и зачхин гуруво́рэс анги́л Растэ-Дэвлэ́стэ анги́л загиибэ́н дрэ ша́тра ваш скэдыибэ́н;

Левито 4:29

и чхувэ́ла ёв пэ́скиро васт пэ жэртвакиро шэро́ пал цэ́ло грэ́хо, и зачхинэна бузня (коза) дро свэ́нто дыибэ́н пал грэ́хо пэ штэ́то, кай зачхинэна цэ́ла схачкирибнаскирэ свэ́нта дыибэна́ (жэртвы);

Левито 4:33

и чхувэ́ла ёв пэ́скиро васт пэ свэнтонэ́-дыибнаскиро шэро́ пал грэ́хо пэ дова́ штэ́то, кай зачхинэна цэ́ла схачкирибнаскира свэ́нта дыибэна́;

Левито 17:11

пал-дова́ со масэ́нгиро джиибэ́н (ваш кажно создыибэн) исын дро рат, и Мэ дыём тумэ́нгэ лэс ваш алта́рё, соб (кай) тэ выжужакирэн тумарэ́ дия́;

1 Kralip 1:25

И зачхиндлэ́ гуруво́рэс, и яндя́ отрокос кэ Илиё,

Езэкилё 43:18

И пхэндя́ ёв ма́нгэ: “Манушэ́скиро чхава! Адя́кэ ракирэ́ла Рай Дэвэ́л, Дэвэ́л: ‘Акэ, исын упхэныбэна́ пал алта́рё кэ дова́ дывэ́с, ко́ли ёв явэ́ла кэрдо́, соб (кай) тэ янэ́н пэ лэ́стэ схачкирибнытка свэ́нта дыибэна́ (усасожэнни) тэ чхувэ́н пэ лэ́стэ рат.

Vygiiben 40:6

и чхув алта́рё ваш цэ́ло схачкирибэ́н анги́л загиибэ́н дрэ скэдыибна́скири ша́тра;

Левито 4:7

и чхувэ́ла раша́й гуруворэскиро рат анги́л Растэ-Дэвлэ́стэ пэ алтарёскирэ шынга́ ваш гудло́ тхув, саво́ исын дрэ скэдыибна́скири ша́тра, а палатуно́ гуруворэскиро рат вычхувэла тэл ґэра́ дро алта́рё ваш цэ́ла схачкирибэна, саво́ исын пашы́л скэдыибнаскиро загиибэ́н дрэ ша́тра;