Левито 1:4 - Библия - Пэ Балтитко Романи чиб (Романэс) 2019

⁴ и чхувэ́ла пэ́скиро васт пэ шэро́ ваш цэ́ло схачкирибнаскиро свэ́нто дыибэ́н, и латхэ́ла ёв ла́ска, тэ жужакирэл ёв пэс грэхэ́ндыр;

Biblija - Pe Baltitko Romani čib (Romanes) 2019

⁴ i čhuvéla péskiro vast pe šeró vaš célo shačkiribnaskiro svénto dyibén, i lathéla jov láska, te žužakirel jov pes grehéndyr;

Левито 1:4 Referans Kwoze

Левито 4:26

и саро́ лэ́скиро чэкэ́н (ту́ко) схачкирэ́ла пэ алта́рё, адя́кэ-паць сыр чэкэ́н мирнонэ жэртвакиро, и адя́кэ выжужакирэ́ла лэс раша́й лэ́скирэ грэхостыр, и отмэкно лэ́скэ явэ́ла.

Левито 4:20

и ёв кэрэ́ла гуруворэса дова́, со кэрэ́лапэ гуруворэса пал грэ́хи; адя́кэ трэй тэ кэрэ́л лэ́са, и адя́кэ жужакирэла лэн раша́й, отмэкно явэ́ла лэ́нгэ;

Левито 3:8

и чхувэ́ла пэ́скиро васт пэ шэро́ пэ́скирэ жэртвакиро, и зачхинэла ла анги́л скэдыибна́скири ша́тра, и Аароно́скирэ чхавэ́ побрызгинэна ла́кирэ ратэ́са пэ алта́рё сарэ́ ригэ́ндыр;

Левито 3:2

и чхувэ́ла пэ́скиро васт пэ пэ́скирэ-жэртвакиро шэро́, и зачхинэла лэс пашы́л вуда́р скэдыибна́скири ша́тра; а Аароно́скирэ чхавэ́, рашая́, побрызгинэна ратэ́са пэ алта́рё сарэ́ ригэ́ндыр;

Vygiiben 29:15

И лэ екхэ́с бакрэ́с, и чхувэ́на Ааро́но и лэ́скирэ чхавэ́ пэ́скирэ васта́ пэ бакрэскиро шэро́;

Vygiiben 29:10

И ян гуруво́рэс анги́л ша́тра ваш скэдыибэ́н, и чхувэ́на Ааро́но и лэ́скирэ чхавэ́ пэ́скирэ васта́ пэ гуруворэскиро шэро́;

1 Ian 2:2

и Ёв исын Кодова́, Кон пирилыджия пхарипэ́н кэ мэрибэ́н Пэ́скирэ ратэ́са пал амарэ́ грэ́хи сы́рбы свэ́нто дыибэ́н, и на фэ́ни (то́ка) пал амарэ́, а адя́кэ-паць пал грэ́хи сарэ́ свэто́скирэ.

Римлянэнгэ 12:1

Палдава́, пшала́лэ, мэ манга́ва тумэн Дэвлэ́скирэ тангипнаса, тэ отдэ́н пэс сарэ́са сыр свэ́нто джидо́ отдыибэ́н и саво́ трэй Дэвлэ́скэ ваш тумаро́ годьваро́ дынарибэ́н (служэние) Лэ́скэ годя́са и илэ́са.

Левито 4:31

и саро́ ла́киро чэкэ́н откэдэла, адя́кэ-паць сыр откэдэла чэкэ́н раманёнэ (мирнонэ) свэнтонэ́ дыибна́стыр (жэртватыр), и схачкирэ́ла лэс раша́й пэ алта́рё дро гудло́ тхув, Ра́скэ-Дэвлэ́скэ; и адя́кэ выжужакирэ́ла лэс раша́й, и отмэкно лэ́скэ явэ́ла.

Vygiiben 29:19

Лэ и явирэ бакрэ́с, и чхувэ́на Ааро́но и лэ́скирэ чхавэ́ пэ́скирэ васта́ пэ бакрэскиро шэро́;

Filipiicenge 4:18

Мэ дорэсцём буты́р, сыр ма́нгэ трэй, мэ сом радо, ке́ли дорэсцём Епафодитостыр саро́, со тумэ́ бичхадэ́ ма́нгэ сы́рбы гудло́ аромато, сыр дро́го свэ́нто дыибэ́н, саво́ исын лачхо́ Дэвлэ́скэ.

Isajos 56:7

Мэ яна́ва лэн пэ Мири́ свэ́нто бэ́рга, Мэ обрадынава (лошакирава) лэн дро Миро кхэр, кай мангэ́напэ; лэ́нгирэ цэ́ла схачкирибэна и свэ́нта дыибэна́ лачхэ́ явэ́на пэ Миро алта́рё (жэртвенико), пал-дова́ со Миро кхэр кхарэ́лапэ кхэрэса, кай мангэ́напэ сарэ́ народы.

Čysly 15:25

и выжужакирэ́ла раша́й сарэ́ скэдыибна́стыр Израилёскирэ чхавэ́нгиро, и явэ́ла отмэкно лэ́нгэ: пал-дова́ со дава́ сыс дош пир наджиныбэн, и ёнэ яндлэ́ пэ́скиро свэ́нто дыибэ́н Ра́скэ-Дэвлэ́скэ, и свэ́нто яныбэ́н пал пэ́скиро грэ́хо анги́л Растэ-Дэвлэ́стэ, пал пэ́скири дош;

Левито 16:24

и обморэла пэ́скирэ маса́ пане́са пэ свэ́нто штэ́то, и урьела пэ́скирэ и́ди (ризы), и выджа́ла и янэ́ла цэ́ло схачкирибэ́н пал пэ́стэ и цэ́ло схачкирибэ́н пал манушэ́ндэ, и выжужакирэ́ла пэс и манушэ́н;

Левито 16:21

и чхувэ́ла Ааро́но пэ́скирэ дуй васта́ пэ джидэ́-бузнэскиро шэро́, и приґалёла саро́ чорипэ́н пэ лэ́стэ Израилёскирэ чхавэ́нгиро, со ёнэ кэрдэ́ проти Зако́но и сарэ́ лэ́нгирэ грэ́хи, и чхувэ́ла лэн пэ бузнэскиро шэро́ и бичхавэ́ла криг бузнэ́с выкэдынэ́ манушэ́са пэ чхучи́ пхув:

Левито 9:7

И пхэндя́ Мо́йза Аароно́скэ: “Яв кэ алта́рё и кэр тыро́ свэ́нто дыибэ́н пал грэ́хо и тыро́ цэ́ло схачкирибэ́н, и выжужакир пэс и манушэ́н, и кэр яныбэ́н манушэ́ндыр, и выжужакир лэн, сыр припхэндя́ Рай Дэвэ́л.”

Левито 8:22

И яндя́ явирэ бакрэ́с, освэнцыбнаскирэ бакрэ́с, и чхудя́ Ааро́но и лэ́скирэ чхавэ́ пэ́скирэ васта́ пэ бакрэскиро шэро́;

Левито 8:14

И яндя́ гуруво́рэс (тельцос) пал грэ́хо ваш свэ́нто дыибэ́н, и Ааро́но и лэ́скирэ чхавэ́ чхудэ́ пэ́скирэ васта́ пэ гуруворэскиро шэро́ пал грэ́хо;

Левито 4:35

и саро́ ла́киро чэкэ́н откэдэла, сыр откэдэлапэ бакрякиро чэкэ́н мирнонэ жэртватыр, и схачкирэ́ла дава́ раша́й пэ алта́рё дро свэ́нто дыибэ́н Ра́скэ-Дэвлэ́скэ; и адя́кэ выжужакирэ́ла лэс раша́й грэхостыр, саво́ ёв кэрдя́, и отмэкно явэ́ла лэ́скэ.

Левито 4:29

и чхувэ́ла ёв пэ́скиро васт пэ жэртвакиро шэро́ пал цэ́ло грэ́хо, и зачхинэна бузня (коза) дро свэ́нто дыибэ́н пал грэ́хо пэ штэ́то, кай зачхинэна цэ́ла схачкирибнаскирэ свэ́нта дыибэна́ (жэртвы);

Левито 4:24

и чхувэ́ла пэ́скиро васт пэ бузнэскиро шэро́, и зачхинэла лэс пэ штэ́то, кай сарэ́ цэ́ла схачкирибэна зачхинэнапэ анги́л Растэ-Дэвлэ́стэ, дава́ исын свэ́нто дыибэ́н пал грэ́хо;

Левито 4:15

и чхувэ́на скэдыибнаскирэ пхурыдыра́ пэ́скирэ васта́ пэ гуруворэскиро шэро́ анги́л Растэ-Дэвлэ́стэ, и зачхинэна гуруво́рэс анги́л Растэ-Дэвлэ́стэ.

Левито 4:4

и тэ янэл гуруво́рэс кэ шатракирэ-скэдыибнаскиро вуда́р анги́л Растэ-Дэвлэ́стэ, и чхувэ́ла пэ́скирэ васта́ пэ гуруворэскиро шэро́, и зачхинэла гуруво́рэс анги́л Растэ-Дэвлэ́стэ;

Левито 3:13

и чхувэ́ла пэ́скиро васт пэ ла́киро шэро́, и зачхинэла ла анги́л скэдыибна́скири ша́тра, и побрызгинэна Аароно́скирэ чхавэ́ лэ́скирэ ратэ́са пэ алта́рё сарэ́ ригэ́ндыр;

Юдэ́нгэ 10:4

Пал-дова́ со нашты́, соб (кай) целянтэнгиро и бузнэнгиро (козлэнгиро) рат тэ отмэкэ́л грэ́хо манушэ́стыр.

Римлянэнгэ 5:11

И на екх дава́, нэ амэ и радынасапэ пир амарэ́ Растэ-Дэвлэ́стэ, Исусо́стэ Христосо́стэ, пир Савэ́стэ амэ дорэсцям (долыям) какана́ рама́нё Дэвлэ́са.

Римлянэнгэ 3:25

Савэс Дэвэ́л чхудя́ анги́л сыр свэ́нто дыибэ́н ваш тангипэ́н пир патяибэ́н дро Лэ́скиро рат, кон патя́ла, адя́кэ Дэвэ́л сыкадя́ пэ́скиро чачипэ́н и примангдя грэ́хи манушэ́нгэ, савэ́ ёнэ кэрдэ́ англэды́р;

Дание́лё 9:24

эфтадэша́ куркэ сыс гиндлэ́ ваш тыро́ народо и тыро́ свэ́нто фо́ро, Ерусалимо, соб (кай) учхакирдо тэ явэ́л чорипэ́н и тэ кончынэнпэ грэ́хи и тэ явэ́н выкхослэ бизаконытка рэ́нды (бизаконии), и, соб (кай) тэ явэ́л лыджино ве́чно чачипэ́н, тэ явэ́н запечатымэ дыкхибэ́н и проро́ко, и тэ явэ́л помакхно Свэ́нто-свэнтонэнгиро.

Čysly 25:13

и явэ́ла ёв лэ́скэ и лэ́скирэ-чхавэ́скирэ родо́скэ пал лэ́стэ векоскирэ пхэндлэ́ лавэ́са (заветоса) пал рашаипэн, пал-дова́ со ёв сыкадя́ зэвлыныпэ́н пал пэ́скирэ Дэвлэ́стэ и затэрдия пал Израилёскирэ чхавэ́ндэ.

Čysly 15:28

и выжужакирэ́ла раша́й ди, саво́ кэрдя́ грэ́хо анги́л Растэ-Дэвлэ́стэ, и жужо́ явэ́ла, и примангло явэ́ла лэ́скэ;

Čysly 8:12

а Леви́ты мэк тэ чхувэ́н пэ́скирэ васта́ пэ телянтэнгиро шэро́, и ян екхэ́с дрэ свэ́нто дыибэ́н пал грэ́хо, а явирэ́с ваш цэ́ло схачкирибэ́н Ра́скэ-Дэвлэ́скэ, соб (кай) Левитэ́н тэ жужакирэн;

Левито 22:27

“Ке́ли бияндёла (лотёла) гуруворо, ци бакроро́, ци бузноро, тэды эфта́ дывэса́ лэ́скэ трэй тэ явэ́л пашы́л пэ́скирэ датэ, а охтотонэ (бидуенгирэ дэштонэ) дывэсэ́стыр явэ́ла лачхо́ ваш яныбэ́н дро свэ́нто дыибэ́н Ра́скэ-Дэвлэ́скэ;

Левито 22:21

И ко́ли вари-кон янэ́ла ми́рно свэ́нто дыибэ́н Ра́скэ-Дэвлэ́скэ, соб (кай) тэ кэрэ́л пир совла́х, ци пир ило́, барэ́ мурдалэстыр ци тыкнэстыр, тэды свэ́нто дыибэ́н исын банго́ тэ явэ́л бидошэ́нгиро, соб (кай) тэ явэ́л лачхо́ Ра́скэ-Дэвлэ́скэ: нисави́ дош нашты́ пэ лэ́стэ тэ явэ́л;

Левито 6:7

и выжужакирэ́ла лэс раша́й анги́л Растэ-Дэвлэ́стэ, и отмэкно лэ́скэ явэ́ла, со бы ёв тэ на кэрэ́л, саро́, дро со ёв кэрдя́ чорипэ́н.

Левито 5:6

тэды мэк тэ янэл Ра́скэ-Дэвлэ́скэ пал пэ́скиро грэ́хо, саво́ ёв кэрдя́, свэ́нто дыибэ́н сы́рбы пал банг тыкнэ́ кхэритконэ́ мурдалэ́ндыр (ското́стыр), бакря́ ци бузня, пал грэ́хо, и выжужакирэ́ла лэс раша́й лэ́скирэ грэхостыр.

Vygiiben 28:38

и явэ́ла ёй пэ Аароноскиро шэро́, и лыджа́ла пэ пэ́стэ Ааро́но яныбнаскирэ надо ухтылыбэна, ке́ли высвэнцынэнас Израилёскирэ чхавэ́ндыр, и сарэ́ да́ры, савэ́ ёнэ янэ́нас; и явэ́ла ёй саро́ часо пэ лэ́скиро шэро́, соб (кай) ёнэ тэ латхэ́н ла́ска анги́л Растэ-Дэвлэ́стэ.

Vygiiben 29:33

пал-дова́ со далэ́са сыс кэрдо́ жужакирибэн тэ пиридэ́н лэ́нгэ рашаипэн, и тэ высвэнцякирэн лэн; яви́р ману́ш нашты́ тэ хал дава́, пал-дова́ со дава́ исын свэ́нто;

Левито 4:33

и чхувэ́ла ёв пэ́скиро васт пэ свэнтонэ́-дыибнаскиро шэро́ пал грэ́хо пэ дова́ штэ́то, кай зачхинэна цэ́ла схачкирибнаскира свэ́нта дыибэна́;

Čysly 8:10

И ян лэ́нгирэ Левитэ́н анги́л Растэ-Дэвлэ́стэ, и мэк тэ чхувэ́н упрэ́ Израилёскирэ чхавэ́ пэ́скирэ васта́ пэ Левитэндэ.

Езэкилё 45:15

Екха бакря́ дуй шэлэнгирэ-бакрэ́нгирэ стадатыр лачхэ́ Израилёскирэ фэлдатыр – саро́ дава́ ваш цэ́ло схачкирибнытко и маруно́ свэ́нто дыибэ́н, свэ́нто дыибэ́н тэ парикирэ́н, соб (кай) тэ явэ́н жужэ́,” – ракирэ́ла Рай Дэвэ́л, Дэвэ́л.

Левито 8:18

И яндя́ бакрэ́с (овнос) ваш цэ́ло схачкирибэ́н, и чхудя́ Ааро́но и лэ́скирэ чхавэ́ пэ́скирэ васта́ пэ бакрэскиро шэро́;